Trosolwg o'r Cwrs
Mae'r radd Athroniaeth, Gwleidyddiaeth ac Economeg (PPE) yn rhaglen amlddisgyblaethol sy'n archwilio sawl pwnc sy’n croestorri, megis sut mae cymdeithasau'n gweithredu, sut caiff penderfyniadau gwleidyddol ac economaidd eu gwneud, a'r fframweithiau moesegol sy’n sail iddynt. Mae hefyd yn cynnwys meysydd mwy haniaethol, megis natur cyfiawnder a gwybodaeth.
Mae'r radd hon yn cyfuno tair disgyblaeth amlwg ond cysylltiedig:
- Mae Athroniaeth yn mireinio eich meddwl beirniadol a’ch rhesymu moesegol. Byddwch yn mynd i'r afael â chwestiynau am foesoldeb, cyfiawnder, rhesymeg, gwirionedd a realiti.
- Mae Gwleidyddiaeth yn archwilio pŵer, llywodraethiant a pholisi cyhoeddus. Mae'n cynnwys theori wleidyddol, cysylltiadau rhyngwladol, a gweithiau sefydliadau a grwpiau megis llywodraethau, pleidiau gwleidyddol a'r Cenhedloedd Unedig.
- Mae Economeg yn canolbwyntio ar sut caiff adnoddau eu dyrannu, sut mae marchnadoedd yn gweithredu, a sut mae polisïau'n effeithio ar gyfoeth a lles. Mae'n cynnwys theori facro a macroeconomaidd, yn aml gyda dadansoddiad meintiol.
Fel myfyriwr PPE, byddwch yn dysgu dadansoddi problemau cymhleth o sawl safbwynt, dadlau syniadau'n wydn a chyfathrebu’n glir â chywirdeb. Mae'r radd hon yn heriol yn ddeallusol, yn wobrwyol ac yn eich galluogi i ddatblygu ystod o sgiliau a galluoedd, wrth ddarparu safbwynt unigryw i chi ar ystod eang o faterion a dadlau ymarferol a damcaniaethol.
