Cysylltiadau Rhyngwladol gyda Blwyddyn Sylfaen, BA (Anrh)

Dysgwch am globaleiddio gyda Chysylltiadau Rhyngwladol

Y Cenhedloedd Unedig, adeilad y Cynulliad Cyffredinol

Trosolwg o'r Cwrs

Wrth i dechnoleg, trafnidiaeth ac economi ryngwladol gymhleth wneud ein byd yn llai, mae gwerth cydberthnasau heddychlon a chydweithredol rhwng gwledydd yn fwyfwy pwysig.

Mae cysylltiadau rhyngwladol yn agwedd hanfodol ar ddinasyddiaeth mewn cymdeithas fyd-eang, ac mae'r cwrs gradd pedair blynedd BA Cysylltiadau Rhyngwladol gyda Blwyddyn Sylfaen yn un o'r rhaglenni gradd pwysicaf a gynigir gennym.

Mae'r Flwyddyn Sylfaen yn rhoi cyflwyniad cyffrous i chi i Addysg Uwch, yn rhoi'r sgiliau, yr hyder a'r wybodaeth y mae eu hangen arnoch chi i fod yn llwyddiannus yn eich gradd israddedig. Mae'n ddelfrydol os bydd angen ychydig mwy o gymorth arnoch chi ar ôl addysg bellach neu'n dychwelyd i fyd addysg ar ôl blynyddoedd lawer.

Mae'r maes astudio diddorol hwn yn archwilio globaleiddio a sefydliadau byd-eang, datblygu a hawliau dynol, gwleidyddiaeth ryngwladol a rhanbarthol, heddwch a gwrthdaro, economi wleidyddol, astudiaethau diogelwch ac astudiaethau strategol, a byddwch yn dysgu sut mae grym, sefydliadau a chyfreithiau yn effeithio ar ein bywydau o ddydd i ddydd.

 

Pam Cysylltiadau Rhyngwladol gyda Blwyddyn Sylfaen yn Abertawe?

Byddwch wedi'ch lleoli ar gampws godidog Parc Singleton, mewn parcdir sy'n edrych dros Fae Abertawe ar gyrion Penrhyn Gŵyr, a chewch y cyfle i wneud y canlynol:

  • Astudio yn un o'r adrannau dethol yn y DU sy'n cynnig modiwlau Astudiaethau Senedd Prydain lle y cewch eich addysgu gan ein staff academaidd arbenigol ac aelodau seneddol. Byddwch hefyd yn ymweld â Thŷ'r Cyffredin yn Llundain.
  • Cewch weld y tu ôl i'r penawdau a dysgu am y bobl ddylanwadol yng ngwleidyddiaeth y byd, gan archwilio syniadau pwysig a'r ffordd y gallwn ddatrys gwrthdaro neu sicrhau cydweithio.
  • Deall y patrymau ymddygiad rhwng gwledydd, eu harweinwyr a'u corfforaethau, gan ganolbwyntio ar y rhyngweithio a'r rhyngberthnasau rhwng syniadau athronyddol, gwleidyddol ac economaidd.

Mae Cysylltiadau Rhyngwladol yn Abertawe yn y safle canlynol: 

  • 13eg yn y DU ar gyfer Boddhad Addysgu (Guardian University Guide 2026)
  • Ymysg y 25 cwrs gorau o’i fath yn y DU (Guardian University Guide 2026)
  •  Cysylltiadau rhyngwladol yn Prifysgol Abertawe Ymhlith y 250 gorau yn y Byd (QS World University Rankings by Subject 2025)
  • 7fed yn y DU ar gyfer llais myfyrwyr (NSS 2025) - asesu o dan 'Gwleidyddiaeth'*

*yn seiliedig ar y sgôr gyfartalog ar gyfer agwedd gadarnhaol fesul pob thema yn Arolwg Cenedlaethol o Fyfyrwyr 2025 o'n cymharu â phrifysgolion eraill yn y Times Good University Guide.

Eich Profiad Cysylltiadau Rhyngwladol gyda Blwyddyn Sylfaen

Yn ystod eich blwyddyn sylfaen, byddwch chi'n dysgu'r sgiliau allweddol y mae eu hangen arnoch chi i lwyddo yn eich gradd wrth ddatblygu gwybodaeth am eich maes pwnc a sut mae'n perthyn i'r dyniaethau a'r gwyddorau cymdeithasol.

Byddwch yn dechrau ar y cwrs gradd Cysylltiadau Rhyngwladol yn eich ail flwyddyn, sy'n cynnig amrywiaeth eang o fodiwlau arbenigol sy'n eich galluogi i deilwra eich nodau gyrfa ar gyfer y dyfodol gan ddatblygu eich diddordebau unigol ar yr un pryd.

  • Cewch eich addysgu gan arbenigwyr arloesol sydd â chysylltiadau cenedlaethol a rhyngwladol cryf.
  • Yn y semester cyntaf, bydd cyfle cystadleuol i ddilyn modiwl interniaeth gyda Chynulliad Cenedlaethol Cymru (sydd ar gael i 20 o fyfyrwyr), gan gydweithio'n agos ag Aelod Cynulliad am ddiwrnod yr wythnos.
  • Byddwch yn gallu treulio semester dramor yn Hong Kong, Singapôr neu UDA yn ystod ail flwyddyn eich astudiaethau er mwyn cyfoethogi eich profiad fel myfyriwr a'ch rhagolygon gyrfa.
  • Yn eich blwyddyn olaf, byddwch yn cael cyfle amhrisiadwy i ddewis lle ar Gynllun Lleoliadau Cynulliad Cymru.

Cyfleoedd Cyflogaeth Cysylltiadau Rhyngwladol gyda Blwyddyn Sylfaen

Cyfleoedd cyflogaeth ym maes Cysylltiadau Rhyngwladol

Caiff ein graddedigion eu cyflogi ym mhob cwr o'r byd gan ddilyn gyrfaoedd mewn meysydd sy'n cynnwys:

  • Addysg
  • Llywodraeth a gwleidyddiaeth
  • Sefydliadau dyngarol
  • Busnes
  • Y cyfryngau a chysylltiadau cyhoeddus
  • Y gyfraith a gwasanaethau cyhoeddus

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Cynnig Nodweddiadol Safon Uwch

CDD-DDD

Cysylltiadau Rhyngwladol gyda Blwyddyn Sylfaen