Nyrsio Hyblyg Rhan-amser (Oedolion), BSc (Anrh)

Manylion Allweddol y Cwrs

Dull Astudio: Dysgu Cyfunol
Cynnig Nodweddiadol (gweler dewisiadau arall): BBB-BCC
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2025 neu Maw 2026	GIG

Dysgu hyblyg ar gyfer gweithlu'r dyfodol

Dau fyfyriwr mewn prysgwydd yn ymarfer ar fodel o glaf ffug

Trosolwg o'r Cwrs

Mae ein cwrs gradd hyblyg rhan-amser mewn Nyrsio Oedolion wedi cael ei ddatblygu i ddiwallu anghenion y myfyriwr modern, gan ystyried dymuniadau unigolion sydd am ddod yn nyrsys cofrestredig, gan gydnabod y bydd llawer yn wynebu heriau wrth gydbwyso ymrwymiadau bywyd ac astudio.

Mae gan y rhaglen BSc hon nodweddion a fydd yn eich helpu i gydbwyso eich ymrwymiadau ar draws pedair blynedd y cwrs: wythnos dysgu 30 awr, cyfnodau astudio byrrach ac ymagwedd hybrid o addysgu ar-lein ac ar y campws, yn ogystal â lwfans uwch o wyliau blynyddol a hyblygrwydd i reoli oriau ymarfer clinigol drwy gydol yr wythnos.

Mae ein cwricwlwm wedi cael ei ddatblygu i ymateb i newidiadau mewn cymdeithas a gofal iechyd, a bydd eich dysgu yn adlewyrchu disgwyliadau'r cyhoedd o'r proffesiwn nyrsio. Bydd myfyrwyr yn treulio 50% o'u hamser ar y rhaglen mewn lleoliadau clinigol a chymunedol, felly byddwch yn datblygu'r sgiliau a'r profiad i ddarparu gofal nyrsio mwy diogel, tosturiol ac effeithiol.

Mae gennym berthnasoedd gweithio ardderchog â llawer o ddarparwyr gofal iechyd, felly bydd gennych gyfle i fanteisio ar amrywiaeth eang o brofiadau clinigol ledled de-orllewin Cymru. Mae'r rhain yn cynnwys lleoliadau yn y GIG a'r sector annibynnol mewn ysbytai ac yn y gymuned.

PAM ASTUDIO NYRSIO OEDOLION YM MHRIFYSGOL ABERTAWE?

Mae gennym enw rhagorol am nyrsio yn Abertawe ac rydym yn y 10 uchaf yn y DU am Nyrsio (The Times and Sunday Times Good University Guide 2024) ac yn 1af yn Rhagolygon Gyrfa y DU (The Guardian 2024).

Mae ein staff academaidd yn cynnwys nyrsys, meddygon a gweithwyr iechyd proffesiynol perthynol i iechyd cymwysedig, y mae llawer ohonynt yn gweithio fel clinigwyr hefyd, gan ddarparu cyfuniad heb ei ail o drylwyredd damcaniaethol, dealltwriaeth broffesiynol ac arbenigedd ymarferol.

Mae gennym gysylltiadau cryf iawn â byrddau iechyd yng Nghymru sy'n golygu y gallwn gynnig lleoliadau clinigol i chi mewn amrywiaeth o leoliadau trefol a gwledig. Yn y cyfamser, mae'r ysbyty agosaf drws nesaf i gampws Parc Singleton nid nepell o ardal hardd Penrhyn Gŵyr.

EICH PROFIAD YM MAES NYRSIO OEDOLION

Drwy gydol eich astudiaethau, byddwch yn cymryd rhan mewn amrywiaeth o weithgareddau dysgu, gan gyfuno addysgu wyneb yn wyneb ag astudio ar-lein, dysgu digidol a gweithgareddau sy'n canolbwyntio ar y myfyrwyr, gan gynnwys:

Grwpiau trafod
Efelychu
Darlithoedd
Tiwtora personol ac mewn grwpiau
Darllen a gweithgareddau dan arweiniad
Chwarae rôl ac astudiaethau achos
Dysgu ymarfer
Dysgu ar sail ymchwil
Ymarfer sgiliau sy'n cynnwys claf a gofalwr.

Gallwch hefyd astudio rhan o'ch gradd nyrsio drwy gyfrwng y Gymraeg a gallech fod yn gymwys i gael ysgoloriaethau mewnol neu gymorth ariannol drwy'r Coleg Cymraeg Cenedlaethol.

GYRFAOEDD NYRSIO

Ar ôl graddio, gallwch wneud cais am statws Nyrs Gofrestredig (Oedolion) gyda'r Cyngor Nyrsio a Bydwreigiaeth a chofrestru fel nyrs i weithio yn yr UE a'r AEA.

Gallwch ddisgwyl cael cyflog cychwynnol o £28,407 sy'n codi i £57,349 i staff-nyrs brofiadol iawn. Gall nyrsys arbenigol a rheolwyr practis ennill £50,056.

Modiwlau

Mae gennym ystod o fodiwlau Cymraeg a Saesneg ar gael, wedi'u cynllunio i greu nyrsys medrus a hyderus. Byddwch yn astudio 3 blynedd o gynnwys modiwl dros gyfnod astudio 4 blynedd.

Math o gwrs

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Introduction to Nursing and Health Care (Adult)	Academic Year	40	SHN192S
Cyflwyniad i nyrsio a gofal iechyd (Oedolyn)	Academic Year	40	SHN192SW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Understanding Health and Illness (Adult)	Academic Year	40	SHN193S
Deall Iechyd a Salwch (Oedolion)	Academic Year	40	SHN193SW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Contexts of Care (Adult)	Academic Year	40	SHN194S
Cyd-destunau Gofal (Oedolion)	Academic Year	40	SHN194SW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Acute Care (Adult)	Academic Year	40	SHN2028S
Gofal Acíwt (Oedolion)	Academic Year	40	SHN2028SW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care of the Person with a Long Term Condition and Palliative Care Needs (Adult)	Academic Year	40	SHN2029S
Gofal yr Unigolyn a Chyflwr Tymor Hir ac Anghenion Gofal Lliniarol (Oedolion)	Academic Year	40	SHN2029SW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Ensuring Quality Care (Adult)	Academic Year	40	SHN2030S
Sicrhau Gofal o Safon (Oedolion)	Academic Year	40	SHN2030SW

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Practice and theory hours requirement	Academic Year	0	SHG3127

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care of the Adult With Complex Needs (Adult)	Academic Year	40	SHN3125S
Gofal i Oedolion ag Anghenion Cymhleth (Oedolion)	Academic Year	40	SHN3125SW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Advancing nursing practice (Adult)	Academic Year	40	SHN3126S
Gwella Ymarfer Nyrsio (Oedolion)	Academic Year	40	SHN3126SW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Preparation for Professional Practice (Adult)	Academic Year	40	SHN3127S
Paratoi ar gyfer ymarfer proffesiynol (Oedolion)	Academic Year	40	SHN3127SW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Introduction to Nursing and Health Care (Adult)	Academic Year	40	SHN192M
Cyflwyniad i nyrsio a gofal iechyd (Oedolyn)	Academic Year	40	SHN192MW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Understanding Health and Illness (Adult)	Academic Year	40	SHN193M
Deall Iechyd a Salwch (Oedolion)	Academic Year	40	SHN193MW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Contexts of Care (Adult)	Academic Year	40	SHN194M
Cyd-destunau Gofal (Oedolion)	Academic Year	40	SHN194MW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Acute Care (Adult)	Academic Year	40	SHN2028M
Gofal Acíwt (Oedolion)	Academic Year	40	SHN2028MW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care of the Person with a Long Term Condition and Palliative Care Needs (Adult)	Academic Year	40	SHN2029M
Gofal yr Unigolyn a Chyflwr Tymor Hir ac Anghenion Gofal Lliniarol (Oedolion)	Academic Year	40	SHN2029MW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Ensuring Quality Care (Adult)	Academic Year	40	SHN2030M
Sicrhau Gofal o Safon (Oedolion)	Academic Year	40	SHN2030MW

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Practice and theory hours requirement	Academic Year	0	SHG3127

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care of the Adult With Complex Needs (Adult)	Academic Year	40	SHN3125M
Gofal i Oedolion ag Anghenion Cymhleth (Oedolion)	Academic Year	40	SHN3125MW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Advancing nursing practice (Adult)	Academic Year	40	SHN3126M
Gwella Ymarfer Nyrsio (Oedolion)	Academic Year	40	SHN3126MW

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Preparation for Professional Practice (Adult)	Academic Year	40	SHN3127M
Paratoi ar gyfer ymarfer proffesiynol (Oedolion)	Academic Year	40	SHN3127MW

Gofynion Mynediad

Cynnig Nodweddiadol ar gyfer Safon Uwch

O leiaf BBB-BCC mewn cymwysterau U2, ac mae cyrsiau sy'n gysylltiedig ag iechyd neu wyddoniaeth yn ddymunol.

Cynnig Nodweddiadol ar gyfer Mynediad i Addysg Uwch

21 Rhagoriaeth, 18 Teilyngdod, 6 Llwyddo

Cynnig Nodweddiadol ar gyfer BTEC

Rhagoriaeth, Rhagoriaeth, Teilyngdod

Cynnig Nodweddiadol ar gyfer Bagloriaeth Sgiliau Cymru Uwch

B a BB mewn Safon Uwch, neu B a DD mewn BTEC

Tystysgrif Gadael Iwerddon

360

O leiaf bum cymhwyster TGAU â graddau A-C gan gynnwys Cymraeg/Saesneg Iaith, Mathemateg a Gwyddor Ffisegol neu Wyddoniaeth Dyfarniad Dwbl.

O dan rai amgylchiadau penodol, derbynnir Sgiliau Allweddol Lefel 3 mewn Cymhwyso Rhif yn lle TGAU Mathemateg a Sgiliau Allweddol Lefel 3 mewn Cyfathrebu yn lle TGAU Cymraeg/Saesneg Iaith.

Bydd angen geirda addysgol boddhaol ar bob ymgeisydd.

Bydd ymgeiswyr sy'n bodloni'r gofynion mynediad a'r meini prawf dethol yn cael eu gwahodd i gyfweliad, y gellir ei gynnal wyneb yn wyneb neu dros y ffôn/galwad fideo. Mae ein Cyngor Cyfweliadau yn esbonio mwy am yr hyn y gallwch ei ddisgwyl.

Os ydych yn llwyddiannus yn y cyfweliad, bydd unrhyw gynnig lle yn amodol ar wiriad y Gwasanaeth Datgelu a Gwahardd/yr Heddlu boddhaol neu gyfwerth gan eich gwlad gartref yn ogystal â datganiad iechyd galwedigaethol ac asesiad cyn dechrau eich astudiaethau. Darperir rhagor o fanylion os byddwch yn derbyn cynnig.

Bydd yn ofynnol i bob ymgeisydd gael gwiriad manylach gan y Gwasanaeth Datgelu a Gwahardd (DBS) a gwiriad iechyd galwedigaethol. Gellir ystyried unrhyw bryderon sy'n codi o'r rhain ym Mhanel Addasrwydd a Phriodoldeb i Ymarfer Proffesiynol yr Ysgol Iechyd a Gofal Cymdeithasol a gall arwain at dynnu lle ar y rhaglen yn ôl.

Rydym yn ymrwymedig i wella mynediad at yrfaoedd nyrsio a byddwn yn ystyried cynnig cyd-destunol; mae rhagor o wybodaeth ar gael yma: CYNWYSOLDEB AC EHANGU MYNEDIAD AT OFAL IECHYD

Eich Addysgu

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

Darlithoedd wedi'u recordio i gefnogi astudio ac adolygu hyblyg.
Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Darpariaeth Gymraeg

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffech roi gwybod i ni bod gennych ddiddordeb mewn dilyn elfen trwy gyfrwng y Gymraeg, e-bostiwch astudio@abertawe.ac.uk gan nodi eich blwyddyn mynediad i’r Brifysgol ac fe wnawn ein gorau i weld beth sy’n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar eich cyfer, ac mae cefnogaeth ar gael i chi trwy Academi Hywel Teifi:

Cyfle am gyfweliad trwy gyfrwng y Gymraeg wrth wneud cais am le.
Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
Tiwtor Personol Cymraeg ei iaith.
Cefnogaeth un i un i wella eich sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Achrediad Corff Proffesiynol

Wedi'i achredu gan y Cyngor Nyrsio a Bydwreigiaeth

Cwrdd â'ch Darlithwyr

Dod o hyd i rhestr llawn ein staff nyrsio yma.

Jayne Cutter

Andrew Evered

Catherine Norris

Justyna Smeaton

Professor Sue Jordan

Claire Jackson

Hywel Thomas

Jamie Wheeler

Sarah Tait

Kevin Akerman

Mark Edwards

Adam Miguel

Stephanie John

Ingrid Pritchard

Anthony Duffy

Angela Williams

Rebecca Jones

Beryl Mansell

Dr Julia Terry

Dr Penny Sartori

Claire Morgan

Tracy Williams

Dean Snipe

Hayley Mathias

Helen Becket

Deb Mcnee

Alyson Davies

Emma Williams

Ed Lord

Jon Hinkin

Helen Carter

Lovely Sajan

Jyoti Shrestha

Sara Galletly

Sarah Done

Lisa Duffy

Rebecca Dowle

Elaine Jones

Dr John Knight

Dr Zubeyde Bayram-Weston

Dr Ian Beech

Richard Griffiths

Julia Parkhouse

Angela Smith

Paul Joseph

Matthew Armstrong

Nerys Williams

Ffioedd Dysgu

Dyddiad Dechrau	D.U.	Rhyngwladol
Medi 2024	GIG	N/A
Mawrth 2025	GIG	N/A
Medi 2025	GIG	N/A
Mawrth 2026	GIG	N/A

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Mae ein tîm Arian@BywydCampws yma i roi cyngor ar gyllid myfyrwyr, caledi ariannol, cyllidebu a hefyd i roi cymorth ariannol i fyfyrwyr sydd ag ystyriaethau ychwanegol.

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Sut i wneud cais

Gwnewch gais yn uniongyrchol trwy'r botwm 'Gwneud Cais' ar y dudalen hon.

Ewch i'n Canllaniau Ymgeisio i Fyfyrwyr y DU i ddarganfod mwy.

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Darganfyddwch eich prifysgol

Ewch ar rithdaith

Prosbectws Israddedig

Astudio trwy'r Gymraeg

Sgwrsiwch â Myfyriwr Cyfredol