Nursing Flexible Part-Time (Mental Health), BSc (Anrh)

Cynnig Safon Uwch Nodweddiadol 
Lleiafswm o BBB - BCC ar Safon Uwch, ac mae cyrsiau iechyd neu wyddoniaeth yn ddymunol. Rydym yn derbyn Bagloriaeth Cymru fel cymhwyster cyfwerth â Safon Uwch o'r un radd.

Cynnig Mynediad at Addysg Uwch Nodweddiadol
21 Rhagoriaeth, 18 Teilyngdod,  6 Gradd Pasio

Cynnig BTEC Nodweddiadol
DDM – DMM

Cynnig Sgiliau Uwch Bagloriaeth Cymru Nodweddiadol
B a BB ar Safon Uwch, neu DD ar lefel BTEC

Tystysgrif Gadael Iwerddon 
360

Sylwer, mae ein hystod o raddau yn cynnwys cynigion safonol a chyd-destunol. Os ydych yn bodloni un (neu fwy) o'n meini prawf cymhwyso ar gyfer cynigion cyd-destunol, byddwch yn cael cynnig is. Bydd hyn yn dal i fod yn yr ystod graddau a nodwyd.

Hefyd, bydd angen i chi lwyddo mewn isafswm o 5 TGAU gyda graddau A-C (neu 4 ac yn uwch) gan gynnwys iaith Saesneg/Gymraeg, Mathemateg a Gwyddor Ffisegol neu Ddyfarniad Gwyddoniaeth Ddwbl.

Mewn amgylchiadau penodol, caiff Lefel 2 Sgiliau Allweddol mewn Cymhwyso Rhifau ei derbyn yn lle TGAU Mathemateg a chaiff Lefel 2 Sgiliau Allweddol mewn Cyfathrebu ei derbyn yn lle TGAU Iaith Gymraeg/ Saesneg, os cwblhawyd hynny ers mis Medi 2015.

Bydd angen i chi hefyd ddangos:

• Proffil addysgol cryf yn ystod y tair i’r pum mlynedd flaenorol
• Dealltwriaeth fanwl o Nyrsio Iechyd Meddwl ac ymrwymiad i’r maes

Mae profiad o ofal yn ddefnyddiol ond nid yw'n hanfodol, a disgwylir i chi gymryd rhan mewn trafodaethau grŵp, gwaith tîm a thasgau unigol yn ystod cyfweliadau.

Bydd angen geirda addysgol boddhaol ar bob ymgeisydd. 

Bydd ymgeiswyr sy'n bodloni'r gofynion mynediad a'r meini prawf dethol yn cael eu gwahodd i gyfweliad, y gellir ei gynnal wyneb yn wyneb neu dros y ffôn/drwy alwad fideo. Mae ein Cyngor ar gyfer Cyfweliadau yn esbonio mwy am yr hyn y gallwch ei ddisgwyl. 

Os byddwch yn cael cynnig lle i astudio, bydd arnoch angen hefyd:

• Gwiriad gan y Gwasanaeth Datgelu a Gwahardd (DBS)  neu asiantaeth gyfatebol gymeradwy
• Disgwylir i chi ddeall a dilyn Gwerthoedd a Safonau Ymddygiad GIG Cymru, a
• Bydd arnoch angen hefyd wiriad Iechyd Galwedigaethol, i sicrhau eich bod yn bodloni safonau iechyd ein darparwyr lleoliadau gwaith. Gellir dod o hyd i ragor o wybodaeth ar ein tudalen we bwrpasol gan gynnwys ein Polisi Brechu i Ymgeiswyr

Gall unrhyw bryderon sy'n codi o hyn gael eu hystyried ym Mhanel Addasrwydd Proffesiynol a Ffitrwydd i Ymarfer yr Ysgol Iechyd a Gofal Cymdeithasol a gall hyn beri i’r cynnig o le ar y rhaglen gael ei dynnu’n ôl.

Rydyn ni'n falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Mae ein cyrsiau hyblyg rhan-amser yn cynnig ymagwedd hybrid, gan gyfuno dysgu ar y campws ac addysgu ar-lein ynghyd ag adnoddau i gefnogi'ch astudiaethau.

Cynhelir sesiynau sgiliau ymarferol, gwaith mewn labordai, seminarau a gweithdai gan amlaf ar ffurf wyneb yn wyneb, gan hwyluso gwaith grŵp ac arddangosiadau. Rydyn ni hefyd yn gweithredu labordai rhithwir ac amgylcheddau dysgu efelychol a fydd yn hwyluso rhagor o fynediad at gyfleoedd hyfforddiant yn y dyfodol. 

Gellir cynnal dysgu ar-lein yn fyw drwy ddefnyddio meddalwedd megis Zoom, gan eich galluogi i ryngweithio â'r darlithydd a'r myfyrwyr eraill ac i ofyn cwestiynau. Mae recordio darlithoedd hefyd yn cynnig mwy o hyblygrwydd o ran ail-edrych ar ddeunydd a gwella’ch dysgu y tu allan i'r ystafell ddosbarth. Mae gan rai modiwlau adnoddau ychwanegol yn Canvas, megis fideos, sleidiau a chwisiau sy'n cynnig rhagor o hyblygrwydd wrth astudio.

Byddwch yn astudio hanner y theori yn y brifysgol a hanner yn ystod lleoliad ymarfer felly bydd modd i chi roi eich dysgu academaidd ar waith mewn lleoliadau ymarfer clinigol go iawn wedi'ch cefnogi gan ymarferwyr gofal iechyd profiadol.

Rydym yn defnyddio amrywiaeth o ddulliau i asesu eich dysgu ar draws yr holl fodiwlau nyrsio gan gynnwys traethodau gwaith cwrs, cyflwyniadau llafar a phosteri, prosiectau, portffolios, arholiadau amlddewis ac arholiadau na fyddwch wedi gweld y cwestiynau ymlaen llaw, arholiad clinigol/ymarferol gwrthrychol strwythuredig (OSCE), ac asesiadau ar-lein.

O leiaf 40 credyd

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
• Tiwtor Personol Cymraeg ei iaith.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Wedi’i achredu gan y Cyngor Nyrsio a Bydwreigiaeth

• Yr Athro Jayne Cutter, Pennaeth yr Ysgol Iechyd a Gofal Cymdeithasol
• Catherine Norris, Pennaeth Nyrsio

Mae ein rhaglenni Nyrsio Iechyd Meddwl yn cael eu cyflwyno gan:

• Siobhan Flynn
• Richard Griffith
• Beryl Mansel
• Sarah Tait
• Julia Terry
• Julia Wheatly
• Jamie Wheeler

Gallwch ddod o hyd i restr lawn o'n staff nyrsio yma.

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Os ydych yn fyfyriwr o’r DU a gallwch ymrwymo i weithio yng Nghymru am ddwy flynedd ar ôl graddio, gallai eich ffïoedd dysgu gael eu talu’n llawn drwy Gynllun Bwrsariaethau GIG Cymru, a gallech gael cyllid cynhaliaeth a benthyciad cyfradd is gan Gyllid Myfyrwyr.

Please see our NHS Funding webpage to check your eligibility for funding before applying.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Yn Abertawe, mae gennym ystod o gymdeithasau sy'n canolbwyntio ar nyrsio a gofal iechyd, sy'n cynnig cyfleoedd i chi gwrdd â chyd-fyfyrwyr a chymryd rhan mewn amrywiaeth o weithgareddau. Caiff y cymdeithasau hyn eu rheoli gan fyfyrwyr i fyfyrwyr ac maent yn cynnwys:

• Y Gymdeithas Gofal Iechyd
• Y Gymdeithas Nyrsio
• Y Gymdeithas Paediatreg
• Y Gymdeithas Trawma ac Orthopaedeg

Manylion cyswllt

Ymholi ynghylch materion israddedig

Dylai myfyrwyr rhyngwladol gysylltu â'n Tîm Rhyngwladol