Gwyddor Gofal Iechyd (Clywedeg), BSc (Anrh)

Bydd eich ffioedd dysgu gael eu talu'n llawn

os gallwch chi ymrwymo i weithio yng Nghymru am ddwy flynedd ar ôl graddio

audio feature image

Trosolwg o'r Cwrs

Bydd ein gradd Awdioleg yn rhoi dealltwriaeth arbenigol i chi o wyddoniaeth clyw, cydbwysedd, a'r cyflyrau patholegol cysylltiedig sy'n effeithio arnynt.

Mae'r cwrs tair blynedd hwn yn cyfuno gwaith academaidd a damcaniaethol trylwyr â'r profiad clinigol ymarferol helaeth sydd ei angen arnoch i gael swydd yn y proffesiwn hwn sy'n tyfu. 

Byddwch yn dysgu sut i asesu clyw a chydbwysedd gan ddefnyddio'r offer diagnostig a'r rhaglenni meddalwedd diweddaraf yn ein cyfleusterau clinigol ac ymchwil gwych.

Byddwch yn arsylwi clinigau yn ein Hacademi Iechyd a Llesiant, gan ennill profiad mewn lleoliadau masnachol ac yna mynd ymlaen i adeiladu eich sgiliau a'ch hyder mewn lleoliadau gwaith clinigol mewn ysbytai ledled Cymru.

Pam astudio Awdioleg ym Mhrifysgol Abertawe

Mae ein cyfleusterau ardderchog yn dynwared y gweithle mewn ffordd realistig ac mae llawer o'n staff academaidd ym maes Gwyddorau Iechyd yn gweithio fel clinigwyr, gan roi dealltwriaeth ac arbenigedd proffesiynol amhrisiadwy.

Byddwch hefyd yn elwa o leoliad cleifion bywyd go iawn yn ein Hacademi Iechyd a Llesiant gwobrwyedig, clinig ar y safle sy'n darparu gwasanaethau iechyd a llesiant i'r gymuned leol gan gynnwys clinig awdioleg preifat. 

Achredwyd y cwrs gan yr holl brif gyrff rheoleiddio ac mae gennym gysylltiadau cryf iawn â byrddau iechyd Cymru, gan agor cyfleoedd lleoliad clinigol ymarferol i chi ledled y wlad. Yn y cyfamser, mae'r ysbyty agosaf drws nesaf i gampws Parc Singleton nid nepell o ardal hardd Penrhyn Gŵyr.

Os gallwch ymrwymo i weithio yng Nghymru am ddwy flynedd ar ôl graddio, gallai eich ffioedd dysgu gael eu talu'n llawn drwy Gynllun Bwrsariaeth GIG Cymru. Yn ogystal, gallech gael cyllid cynhaliaeth a benthyciad ar gyfradd ostyngol gan Cyllid Myfyrwyr.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Eich profiad ym maes Awdioleg

Bydd rhaglen radd sydd wedi'i strwythuro'n glir gyda 58 wythnos o leoliadau gwaith clinigol wedi'u gwasgaru dros y tair blynedd yn rhoi'r sgiliau a'r cymwysterau sydd eu hangen arnoch i ddechrau eich gyrfa fel awdiolegydd neu ddosbarthwr cymorth clyw.

 

Gyrfaoedd ym maes awdioleg

Mae'r proffesiwn awdioleg wedi ehangu'n gyflym yn ystod y blynyddoedd diwethaf felly, fel rhywun sydd â gradd Awdioleg, gallwch edrych ymlaen at amrywiaeth o gyfleoedd proffesiynol a chyfleoedd i astudio ymhellach.

Cyflog cychwynnol y GIG ar gyfer awdiolegwyr yw £28,407 gydag enillion gyrfa yn codi fel arfer i £50,056. 

Gallwch ddod o hyd i ragor o wybodaeth am ein graddau Gwyddorau Iechyd trwy fynd i'n Hysbysiad Hwylus.

Modiwlau

   

Gwyddor Gofal Iechyd (Clywedeg)

Ran-amser Gwyddor Gofal Iechyd (Clywedeg)