Gwyddoniaeth Gofal Iechyd (Ffiseg Ymbelydredd), BSc (Anrh)

Cyfuno gwaith academaidd manwl gyda sgiliau ymarferol mewn ystod o leoliadau

Radiationphysics

Trosolwg o'r Cwrs

Bydd ein cwrs BSc mewn Ffiseg Ymbelydredd yn rhoi'r hyfforddiant arbenigol sydd ei angen arnoch i ddechrau gyrfa fedrus, gwerth chweil yn y proffesiwn gofal iechyd fel ffisegydd ymbelydredd.

Byddwch yn dysgu am y ffordd y defnyddir pelydrau-x, deunyddiau ymbelydrol, laserau ac ymbelydredd uwch-fioled mewn cyd-destun clinigol i gymryd delweddau o gleifion, diagnosio a thrin clefydau a monitro ymateb cleifion i driniaeth.

Byddwch hefyd yn meithrin dealltwriaeth glir o'r cyfreithiau a'r rheoliadau sy'n ymwneud â defnyddio ymbelydredd mewn cyd-destun clinigol ac egwyddorion asesu a rheoli risg.

Mae strwythur y cwrs yn golygu y byddwch yn cyfuno gwaith academaidd manwl â sgiliau ymarferol mewn amrywiaeth o leoliadau gofal iechyd arbenigol.

Mae Ffiseg Ymbelydredd yn faes hollbwysig i feddygaeth sy'n gofyn am lefel uchel o gyfrifoldeb a sgiliau technegol.  Fel ffisegydd ymbelydredd, byddwch yn defnyddio offer soffistigedig i fesur a chyfrifo'r dognau o ymbelydredd a dderbynnir gan gleifion yn ystod triniaeth a chan y staff sy'n ei rhoi.

Wrth i'ch gyrfa ddatblygu, byddwch yn gallu manteisio ar gyfleoedd ardderchog i ddatblygu eich ymarfer ac astudio ymhellach hyd at lefel gradd Meistr neu radd ddoethur.

Pam Gwyddoniaeth Gofal Iechyd (Ffiseg Ymbelydredd) yn Abertawe?

Rydym yn un o ddim ond llond llaw o brifysgolion yn y DU sy'n cynnig BSc mewn Ffiseg Ymbelydredd a'r unig brifysgol yng Nghymru.

Caiff ein cwrs ei achredu gan yr Ysgol Genedlaethol Gwyddorau Gofal Iechyd a Chofrestr y Technolegwyr Clinigol.

Mae llawer o'n staff academaidd yn gweithio fel gwyddonwyr gofal iechyd hefyd, gan gynnig cyfuniad heb ei ail o drylwyredd gwyddonol ac arbenigedd proffesiynol.

Mae lleoedd ar gael hefyd os ydych yn cael nawdd gan gyflogwr gofal iechyd ac, mewn rhai amgylchiadau, gallwn dderbyn lleoedd a hunanariennir gyda ffioedd dysgu safonol os gallwch ddod o hyd i'ch lleoliad gwaith eich hun.

Eich Profiad Gwyddoniaeth Gofal Iechyd (Ffiseg Ymbelydredd)

Mae ein cyfleusterau ardderchog yn yr ysgol iechyd a gofal cymdeithasol yn cynnwys ystafell glinigol realistig sy'n eich galluogi i roi eich gwybodaeth ddamcaniaethol ar waith mewn amgylchedd sy'n adlewyrchu'r amodau gwirioneddol y byddwch yn eu hwynebu pan fyddwch yn mynd ar leoliad, mor agos â phosibl.

Caiff hanner eich cwrs ei addysgu ar gampws Parc Singleton, nid nepell o ardal hardd Penrhyn Gŵyr, a byddwch yn cwblhau'r hanner arall mewn lleoliadau gofal iechyd. 

Mae gennym gysylltiadau cryf iawn â darparwyr gofal iechyd a byrddau iechyd yng Nghymru, sy'n golygu y gallwch fanteisio ar amrywiaeth eang o leoliadau clinigol.

Gyrfaoedd mewn Ffiseg Ymbelydredd

Cyflog cychwynnol y GIG ar gyfer Technolegwyr Ffiseg Feddygol yw tua £28,407, yn codi i £50,056. Mae llawer o gyfleoedd hefyd i weithio ym maes ymchwil, addysg, rheoli a'r sector preifat.

Ar ôl graddio, gallwch wneud cais i fod yn aelod o'r corff rheoleiddio, y Sefydliad Ffiseg a Pheirianneg mewn Meddygaeth, a dechrau gweithio fel ymarferydd annibynnol.

Gallwch ddod o hyd i ragor o wybodaeth am ein graddau Gwyddorau Iechyd trwy fynd i'n .

Modiwlau

 

 

Gwyddoniaeth Gofal Iechyd (Ffiseg Ymbelydredd)