Gwyddor Gofal Iechyd (Meddygaeth Niwclear), BSc (Anrh)

Bydd eich ffioedd dysgu gael eu talu'n llawn

os gallwch chi ymrwymo i weithio yng Nghymru am ddwy flynedd ar ôl graddio

nuclearmed

Trosolwg o'r Cwrs

Bydd ein cwrs BSc mewn Meddygaeth Niwclear yn rhoi'r hyfforddiant arbenigol sydd ei angen arnoch i ddechrau gyrfa fedrus, gwerth chweil yn y proffesiwn gofal iechyd fel technolegydd ffiseg feddygol/technolegydd meddygaeth niwclear.

Yn ystod y tair blynedd, byddwch yn dysgu am ddefnyddio isotopau a gwahanol fathau o ymbelydredd i ddiagnosio a thrin llawer o glefydau, gan gynnwys gwahanol fathau o ganser, clefyd y galon ac anhwylderau gastroberfeddol, endocrinaidd a niwrolegol.

Byddwch yn cyfuno gwaith academaidd manwl â sgiliau clinigol a thechnolegol ymarferol mewn amrywiaeth o leoliadau gofal iechyd arbenigol.

Mae Meddygaeth Niwclear yn faes cyffrous sy'n datblygu'n barhaus sy'n gofyn am lefel uchel o gyfrifoldeb a sgiliau technegol. Fel technolegydd ffiseg feddygol, byddwch yn gweithredu, yn cynnal ac yn monitro offer cymhleth, arbenigol a ddefnyddir i ddiagnosio a thrin cleifion o bob oed.

Wrth i'ch gyrfa ddatblygu, byddwch yn gallu manteisio ar gyfleoedd ardderchog i ddatblygu eich ymarfer ac astudio ymhellach hyd at lefel gradd Meistr neu radd doethur.

Pam Astudio Meddygaeth Niwclear yn Abertawe?

Caiff ein cwrs ei achredu gan yr Ysgol Genedlaethol Gwyddorau Gofal Iechyd.

Mae llawer o'n staff academaidd yn gweithio fel gwyddonwyr gofal iechyd hefyd, gan gynnig cyfuniad heb ei ail o drylwyredd gwyddonol ac arbenigedd proffesiynol.

Os gallwch ymrwymo i weithio yng Nghymru am ddwy flynedd ar ôl graddio, gallai eich ffioedd dysgu gael eu talu'n llawn drwy Gynllun Bwrsariaeth GIG Cymru. Yn ogystal, gallech gael cyllid cynhaliaeth o hyd at £4,491 a benthyciad ar gyfradd ostyngol gan Cyllid Myfyrwyr.

Mae lleoedd ar gael hefyd os ydych yn cael nawdd gan gyflogwr gofal iechyd ac, mewn rhai amgylchiadau, gallwn dderbyn lleoedd a hunanariennir gyda ffioedd dysgu safonol os gallwch ddod o hyd i'ch lleoliad gwaith eich hun.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Eich Profiad ym Maes Meddygaeth Niwclear

Mae ein cyfleusterau ardderchog yn yr Ysgo Iechyd a Gofal Cymdeithasol yn cynnwys ystafell glinigol realistig sy'n eich galluogi i roi eich gwybodaeth ddamcaniaethol ar waith mewn amgylchedd sy'n adlewyrchu'r amodau gwirioneddol y byddwch yn eu hwynebu pan fyddwch yn mynd ar leoliad, mor agos â phosibl.

Caiff hanner eich cwrs ei addysgu ar gampws Parc Singleton, nid nepell o ardal hardd Penrhyn Gŵyr, a byddwch yn cwblhau'r hanner arall mewn lleoliadau gofal iechyd. 

Gyrfaoedd mewn Meddygaeth Niwclear

Cyflog cychwynnol y GIG ar gyfer Technolegwyr Ffiseg Feddygol yw tua £28,407, yn codi i £50,056. Mae llawer o gyfleoedd hefyd i weithio ym maes ymchwil, addysg, rheoli a'r sector preifat.

Gallwch ddod o hyd i ragor o wybodaeth am ein graddau Gwyddorau Iechyd trwy fynd i'n .

Modiwlau

   

Gwyddor Gofal Iechyd (Meddygaeth Niwclear)