Gwyddor Gofal Iechyd (Niwroffisioleg), BSc (Anrh)

Manylion Allweddol y Cwrs

Côd UCAS: B1F5
Dull Astudio: Ar y Campws
Cynnig Nodweddiadol (gweler dewisiadau arall): BBB
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2025	GIG

Gall eich ffioedd dysgu gael eu talu'n llawn

Os gallwch chi ymrwymo i weithio yng Nghymru am ddwy flynedd ar ôl graddio

Trosolwg o'r Cwrs

Mae ein cwrs BSc mewn Niwroffisioleg yn rhoi'r hyfforddiant arbenigol sydd ei angen arnoch i ddechrau gyrfa fedrus, gwerth chweil yn y proffesiwn gofal iechyd, yn diagnosio ac yn trin pobl ag anhwylderau niwrolegol.

Byddwch yn dysgu am swyddogaeth y system nerfol a'r cyflyrau sy'n effeithio arni fel strôc, epilepsi, sglerosis ymledol, dementia a chamweithrediad y nerfau a'r cyhyrau.

Wrth i'r cwrs fynd rhagddo, byddwch yn datblygu'r ddealltwriaeth ac yn magu'r hyder i gyflawni triniaethau arbenigol mewn niwroffisioleg, gan gyfuno eich gwaith academaidd manwl â sgiliau clinigol ymarferol mewn amrywiaeth o leoliadau gofal iechyd arbenigol.

Mae niwroffisioleg yn faes cyffrous sy'n gofyn am lefel uchel o gyfrifoldeb a'r gallu i ddatrys problemau. Fel niwroffisiolegydd, byddwch yn cynnal ymchwiliadau rheolaidd mewn amgylcheddau neu adrannau penodol, fel lleoliadau gofal dwys ac ystafelloedd llawdriniaeth, gan weithio gyda chleifion o bob oed.

Pam astudio Niwroffisioleg yn Abertawe?

Ni yw'r unig brifysgol yng Nghymru sy'n cynnig BSc mewn Niwroffisioleg a chaiff y cwrs ei achredu gan yr Ysgol Genedlaethol Gwyddorau Gofal Iechyd.

Mae llawer o'n staff academaidd yn gweithio fel gwyddonwyr gofal iechyd ac yn ymgymryd â gwaith ymchwil hefyd, gan gynnig cyfuniad heb ei ail o drylwyredd gwyddonol ac arbenigedd proffesiynol.

Os gallwch ymrwymo i weithio yng Nghymru am ddwy flynedd ar ôl graddio, gallai eich ffioedd dysgu gael eu talu'n llawn drwy Gynllun Bwrsariaeth GIG Cymru. Yn ogystal, gallech gael cyllid cynhaliaeth o hyd at £4,491 a benthyciad ar gyfradd ostyngol gan Cyllid Myfyrwyr.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Eich profiad ym maes Niwroffisioleg

Mae ein cyfleusterau ardderchog yng Ngholeg y Gwyddorau Dynol ac Iechyd yn cynnwys ystafell glinigol realistig sy'n eich galluogi i roi eich gwybodaeth ddamcaniaethol ar waith mewn amgylchedd sy'n adlewyrchu'r amodau gwirioneddol y byddwch yn eu hwynebu pan fyddwch yn mynd ar leoliad, mor agos â phosibl.

Caiff hanner eich cwrs ei addysgu ar gampws Parc Singleton, nid nepell o ardal hardd Penrhyn Gŵyr, a byddwch yn cwblhau'r hanner arall mewn lleoliadau gofal iechyd. Mae gennym gysylltiadau cryf iawn â darparwyr gofal iechyd a byrddau iechyd yng Nghymru, sy'n golygu y gallwch fanteisio ar amrywiaeth eang o leoliadau clinigol.

Gyrfaoedd mewn Niwroffisioleg

Mae prinder niwroffisiolegwyr yn y DU ar hyn o bryd, felly mae'r siawns o gael swydd yn ardderchog. Cyflog cychwynnol y GIG ar gyfer Niwroffisiolegwyr yw tua £28,407, yn codi i £50,056.

Mae llawer o gyfleoedd hefyd i weithio ym maes ymchwil, addysg, rheoli a'r sector preifat; ac mae cyfleoedd ardderchog i barhau i astudio hyd at lefel gradd Meistr neu radd doethur wrth i'ch gyrfa ddatblygu.

Gallwch ddod o hyd i ragor o wybodaeth am ein graddau Gwyddorau Iechyd trwy fynd i'n .

Modiwlau

Mae hon yn rhaglen radd â strwythur penodol ac mae pob modiwl yn orfodol. Yn ystod eich blwyddyn gyntaf, byddwch yn canolbwyntio ar hanfodion anatomi, ffisioleg, pathoffisioleg a gwyddor niwrosynhwyraidd.

Yn ystod eich ail flwyddyn, byddwch yn mynd i'r afael â dulliau ymchwil a gwaith dadansoddi ystadegol, ac yn cyflawni eich lleoliad clinigol cyntaf.

Yn ystod eich blwyddyn olaf, byddwch yn mireinio eich astudiaethau ymhellach, gan ddatblygu prosiect ymchwil gofal iechyd a chwblhau eich ail leoliad clinigol.

Blwyddyn 1 (Lefel 4)

FHEQ 4 Undergraduate / HECert

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Professional Practice 1	September-January (TB1)	10	SHC150
Anatomy and Physiology for Healthcare Science	Academic Year	30	SHC151
Pathophysiology for Healthcare Science	Academic Year	20	SHC152
Basics of Mathematics and Physics for Healthcare Science	Academic Year	10	SHC153
Neurosensory Anatomy, Physiology and Pathophysiology	Academic Year	20	SHC154
Neurosensory Science	Academic Year	20	SHC155
Neurosensory Clinical Measurement and Treatment	Academic Year	10	SHC156

Blwyddyn 2 (Lefel 5)

FHEQ 5 Undergraduate / HEDip

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Applied Neurophysiology and Instrumentation	Academic Year	20	SHC200
Neuroanatomy and Physiology	Academic Year	10	SHC226
Evoked Potentials	Academic Year	10	SHC227
Clinical Neurophysiology	Academic Year	30	SHC228
Professional Practice 2	Academic Year	10	SHC230
Research Methods and Statistics	Academic Year	10	SHC231
Instrumentation Signal Processing and Imaging	Academic Year	20	SHC232
Healthcare Science Work Based Placement 1 (Neurophysiology)	Academic Year	10	SHC233N

Blwyddyn 3 (Lefel 6)

FHEQ 6 Undergraduate / Honours

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Specialist Neurophysiology	Academic Year	10	SHC300
Abnormal EEG and Interpretation	Academic Year	30	SHC323
Neuropathology	Academic Year	20	SHC325
Professional Practice 3	September-June (TB1+2)	10	SHC330
Healthcare Science Research Project	Academic Year	30	SHC331
Healthcare Science Work Based Placement 2 (Neurophysiology)	Academic Year	20	SHC332N

Gofynion Mynediad

Cynnig Lefel A Arferol

Isafswm BBB mewn Safon Uwch, i gynnwys mathemateg, bioleg, ffiseg, cemeg neu seicoleg.

Mynediad Arferol i Gynnig Gwyddoniaeth

Proffil Rhagoriaeth a Teilyngdod yn erbyn y rheolau cyfuno. Nid ydym yn derbyn Mynediad at Ofal Iechyd neu Mynediad i Ofal Iechyd a Nyrsio.

Cynnig BTEC Arferol

DDD

Cynnig Bagloriaeth Sgiliau Cymru Uwch Arferol

B a naill ai BB ar lefel A (un mewn Mathemateg, Bioleg, Ffiseg neu Cemeg) neu DD yn BTEC

Tystystgrif Gadael Gwyddelig

360

Isafswm o bump gradd A*-C/9-4 o lwyddiannau TGAU yn cynnwys llwyddiannau iaith Gymraeg/Saesneg, Mathemateg a Gwyddoniaeth.

Bydd angen geirda addysgol boddhaol ar bob ymgeisydd.

Bydd ymgeiswyr sy'n bodloni'r gofynion mynediad a'r meini prawf dethol yn cael eu gwahodd i gyfweliad, y gellir ei gynnal wyneb yn wyneb neu dros y ffôn/galwad fideo. Mae ein Cyngor Cyfweliadau yn esbonio mwy am yr hyn y gallwch ei ddisgwyl.

Os ydych yn llwyddiannus yn y cyfweliad, bydd unrhyw gynnig lle yn amodol ar wiriad y Gwasanaeth Datgelu a Gwahardd/yr Heddlu boddhaol neu gyfwerth gan eich gwlad gartref yn ogystal â datganiad iechyd galwedigaethol ac asesiad cyn dechrau eich astudiaethau. Darperir rhagor o fanylion os byddwch yn derbyn cynnig.

Os cewch gynnig lle bydd hefyd angen arnoch:

Gwirio Gwasanaeth Datgelu a Gwahardd (DBS), neu gymhwyster cyfatebol

Gwiriad Iechyd Galwedigaethol

Bydd gofyn i bob ymgeisydd gael gwiriad manylach gan y Gwasanaeth Datgelu a Gwahardd (DBS) a gwiriad iechyd galwedigaethol. Gellir ystyried unrhyw bryderon sy'n codi o'r rhain ym Mhanel Addasrwydd a Phriodoldeb i Ymarfer Proffesiynol yr Ysgol Iechyd a Gofal Cymdeithasol a gall arwain at dynnu lle ar y rhaglen yn ôl.

Eich Addysgu

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

Darlithoedd wedi'u recordio i gefnogi astudio ac adolygu hyblyg.
Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Darpariaeth Gymraeg

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn.

Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
Cyfle am gyfweliad trwy gyfrwng y Gymraeg wrth wneud cais am le.
Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
Tiwtor Personol Cymraeg ei iaith.
Cefnogaeth un i un i wella eich sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Achrediad Corff Proffesiynol

Caiff y cwrs ei achredu gan yr Ysgol Genedlaethol Gwyddorau Gofal Iechyd a'r y Cyngor Cofrestru ar gyfer Ffisioleg Glinigol.

Cwrdd â'ch Darlithwyr

Sara Davies
Angela Riley

Ffioedd Dysgu

Dyddiad Dechrau	D.U.	Rhyngwladol
Medi 2024	GIG	N/A
Medi 2025	GIG	N/A

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Bydd ffioedd ar gyfer myfyrwyr Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Sut i wneud cais

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Ysgoloriaethau a Bwrsariaethau

Darganfyddwch eich prifysgol

Ewch ar rithdaith

Prosbectws Israddedig

Astudio trwy'r Gymraeg

Sgwrsiwch â Myfyriwr Cyfredol