Nyrsio (Iechyd Meddwl), BSc (Anrh)

Cymorth Clirio

Manylion Allweddol y Cwrs

Côd UCAS: B704
Dull Astudio: Ar y Campws
Cynnig Nodweddiadol: Gweler Gofynion Mynediad
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2025	GIG

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae nyrsys iechyd meddwl yn cyflawni rôl hanfodol yn y gwaith o roi cymorth i bobl o bob oed a chefndir ar rai o'r adegau anoddaf a mwyaf heriol yn eu bywydau.

Bydd ein cwrs gradd tair blynedd mewn Nyrsio Iechyd Meddwl yn rhoi'r wybodaeth ddamcaniaethol ac ymarferol sydd ei hangen arnoch i ddarparu gofal nyrsio tosturiol o safon uchel i bobl sy'n delio â salwch meddwl, yn ogystal â rhoi cymorth i'w teuluoedd.

Byddwch yn meithrin sgiliau rhyngbersonol a chyfathrebu er mwyn eich paratoi i weithio fel rhan o dîm sy'n cynnwys seiciatryddion, seicolegwyr, gweithwyr cymdeithasol, gweithwyr cymunedol, therapyddion galwedigaethol a ffisiotherapyddion.

Bydd hanner y cwrs yn cael ei addysgu yn y brifysgol ar gampws Parc Singleton a'r hanner arall mewn lleoliadau gofal iechyd. Mae gennym gysylltiadau ardderchog â byrddau iechyd yng Nghymru a llawer o ddarparwyr gofal iechyd, felly byddwch yn gallu manteisio ar amrywiaeth eang o brofiadau clinigol ledled de-orllewin Cymru.

Gallai'r rhain gynnwys canolfannau gofal iechyd cymunedol, ysbytai dydd ac adrannau cleifion allanol, neu unedau arbenigol.

Pam Nyrsio Iechyd Meddwl ym Mhrifysgol Abertawe?

Mae gennym enw rhagorol am nyrsio yn Abertawe ac rydym yn y 10 uchaf yn y DU am Nyrsio (The Times and Sunday Times Good University Guide 2024).

Mae ein staff academaidd yn cynnwys nyrsys, meddygon a gweithwyr iechyd proffesiynol perthynol i iechyd cymwysedig, y mae llawer ohonynt yn gweithio fel clinigwyr hefyd, gan ddarparu cyfuniad heb ei ail o drylwyredd damcaniaethol, dealltwriaeth broffesiynol ac arbenigedd ymarferol.

Mae gennym gysylltiadau cryf iawn â byrddau iechyd yng Nghymru sy'n golygu y gallwn gynnig lleoliadau clinigol i chi mewn ysbytai neu dimau iechyd meddwl cymunedol mewn lleoliadau trefol a gwledig.

Os gallwch ymrwymo i weithio yng Nghymru am ddwy flynedd ar ôl graddio, gallai eich ffioedd dysgu gael eu talu'n llawn drwy Gynllun Bwrsariaeth GIG Cymru. Yn ogystal, gallech gael cyllid cynhaliaeth a benthyciad ar gyfradd ostyngol gan Cyllid Myfyrwyr.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Eich profiad ym maes Nyrsio Iechyd Meddwl

Mae ein cyfleusterau ardderchog yn cynnwys ystafell glinigol realistig sy'n eich galluogi i roi eich gwybodaeth ddamcaniaethol ar waith mewn amgylchedd sy'n adlewyrchu'r amodau gwirioneddol y byddwch yn eu hwynebu pan fyddwch yn mynd ar leoliad i ysbyty neu leoliad cymunedol, mor agos â phosibl.

Gallwch hefyd astudio rhai modiwlau drwy gyfrwng y Gymraeg a gallech fod yn gymwys i gael ysgoloriaethau mewnol neu gymorth drwy'r Coleg Cymraeg Cenedlaethol.

Gyrfaoedd Nyrsio Iechyd Meddwl

Ar ôl graddio, gallwch wneud cais am statws Nyrs Gofrestredig (Iechyd Meddwl) gyda'r Cyngor Nyrsio a Bydwreigiaeth a chofrestru fel nyrs i weithio yn yr UE a'r AEA.

Wrth i'ch gyrfa ddatblygu gallech ddewis arbenigo mewn meysydd fel gofal i'r henoed, ymyrryd mewn argyfwng neu gamddefnyddio sylweddau. Gallech hefyd gymryd rhan mewn rolau ym meysydd addysg, ymchwil neu reoli.

Gallwch ddisgwyl cael cyflog cychwynnol o £28,407 sy'n codi i £57,349 i staff-nyrs brofiadol iawn. Gall nyrsys arbenigol a rheolwyr practis ennill £50,056.

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Blwyddyn 1 (Lefel 4)

FHEQ 4 Undergraduate / HECert

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Introduction to nursing and health care (Mental Health)	Academic Year	40	SHN170S
Cyflwyniad i nyrsio a gofal iechyd (Iechyd Meddwl)	Academic Year	40	SHN170SW

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Understanding health and Illness (Mental health)	Academic Year	40	SHN171S
Deall iechyd a salwch: Iechyd meddwl	Academic Year	40	SHN171SW

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Contexts of Care (Mental Health)	Academic Year	40	SHN172S
Cydestunau o Ofal (Iechyd Meddwl)	Academic Year	40	SHN172SW

Blwyddyn 2 (Lefel 5)

FHEQ 5 Undergraduate / HEDip

Mae myfyrwyr yn dewis 120 o gredydau o'r opsiynau canlynol:

Heb ddod o hyd i un

Modiwlau Opsiynol

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Acute Care (Mental Health)	Academic Year	40	SHN2007S
Gofal Aciwt Care (Iechyd Meddwl)	Academic Year	40	SHN2007SW

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care of the Person with a Long Term Condition and Palliative Care Needs (Mental Health)	Academic Year	40	SHN2008S
Gofal yr Unigolyn a Chyflwr Tymor Hir ac Anghenion Gofal Lliniarol (Iechyd Meddwl)	Academic Year	40	SHN2008SW

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Ensuring Quality Care (Mental Health)	Academic Year	40	SHN2009S
Sicrhau Gofal o Safon (Iechyd Meddwl)	Academic Year	40	SHN2009SW

Blwyddyn 3 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Practice and theory hours requirement	Academic Year	0	SHG3127

Modiwlau Opsiynol

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Care of the Service User with Complex Needs (Mental Health)	Academic Year	40	SHN3093S
Gofal y Defnyddiwr Gwasanaeth gydag Anghenion Cymhleth (Iechyd Meddwl)	Academic Year	40	SHN3093SW

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Advancing Mental Health Nursing Practice (Mental Health)	Academic Year	40	SHN3094S
Ymarfer Nyrsio Iechyd Meddwl Uwch (Iechyd Meddwl)	Academic Year	40	SHN3094SW

AND

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Core Modules with Welsh Language Option
Enw'r Modiwl	Hyd y Modiwl	Credydau	Cod y Modiwl	Canllawiau
Preparation for professional practice (Mental Health)	Academic Year	40	SHN3095S
Paratoi ar gyfer ymarfer proffesiynol (Iechyd Meddwl)	Academic Year	40	SHN3095SW

Gofynion Mynediad

Mae gennym ni leoedd ar draws ystod eang o bynciau ar gyfer mynediad ym Medi 2025 - ffoniwch ein Llinell Cymorth Clirio ar 0808 175 3071.

Rydym hefyd yn croesawu ymholiadau gan ymgeiswyr sy’n ymchwilio i ddechrau cwrs yn 2026 - gweler ein Tudalen Gofynion Mynediad i gael gwybod am ystodau cynnig nodweddiadol, e-bostiwch ni neu ffoniwch 01792 295111.

Eich Addysgu

Yn Abertawe, byddwch yn elwa o addysg o ansawdd uchel, sy'n seiliedig ar ymchwil, sy'n cyfuno ystod o ddulliau addysgu effeithiol a chynhwysol, wedi'u teilwra'n ofalus i weddu i anghenion eich cwrs. Addysgir y rhan fwyaf o gyrsiau wyneb yn wyneb, ar y campws, gan roi'r cyfle i chi ymgysylltu'n weithredol â myfyrwyr eraill, staff academaidd, a chymuned ehangach y brifysgol.

Gallwch ddisgwyl cymysgedd o ddarlithoedd, seminarau, gweithdai a sesiynau ymarferol - gan gynnwys gwaith labordy, hyfforddiant sgiliau, neu addysgu mewn stiwdio lle bo'n berthnasol i'ch disgyblaeth. Mae'r sesiynau hyn wedi'u cynllunio i annog cyfranogiad gweithredol, cydweithio, a datblygu sgiliau penodol i'r pwnc a sgiliau trosglwyddadwy.

Defnyddir offer dysgu digidol hefyd i wella'ch profiad dysgu. Gall y rhain gynnwys:

Darlithoedd wedi'u recordio i gefnogi astudio ac adolygu hyblyg.
Labordai rhithwir neu amgylcheddau wedi’u hefelychu, yn enwedig mewn gwyddoniaeth, gofal iechyd a disgyblaethau technegol.
Adnoddau ar-lein ar amgylchedd dysgu rhithwir y brifysgol (Canvas), gan gynnwys fideos, deunyddiau darllen, cwisiau a fforymau trafod.

Mae'r dull hwn yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.

Efallai bydd y cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth cyfrwng Cymraeg sydd ar gael, gweler yr ehangydd Darpariaeth Gymraeg isod.

N.B. Os ydych chi'n fyfyriwr rhyngwladol sy'n astudio gyda Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn digwydd ar y campws.Yn unol â phrotocol Fisâu a Mewnfudo'r Deyrnas Unedig, bydd y sesiynau hyn yn cael eu monitro a bydd data ar gael ar gais.

Darpariaeth Gymraeg

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn.

Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
Cyfle am gyfweliad trwy gyfrwng y Gymraeg wrth wneud cais am le.
Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
Tiwtor Personol Cymraeg ei iaith.
Cefnogaeth un i un i wella eich sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Achrediad Corff Proffesiynol

Achrededig gan y Cyngor Nyrsio a Bydwreigiaeth

Cwrdd â'ch Darlithwyr

Yr Athro Jayne Cutter, Pennaeth yr Ysgol Iechyd a Gofal Cymdeithasol
Catherine Norris, Pennaeth Nyrsio

Mae ein rhaglenni Nyrsio Iechyd Meddwl yn cael eu cyflwyno gan:

Gallwch ddod o hyd i restr lawn o'n staff nyrsio yma.

Ffioedd Dysgu

Dyddiad Dechrau	D.U.	Rhyngwladol
Medi 2024	GIG	N/A
Medi 2025	GIG	N/A

Gall ffïoedd ar gyfer myfyrwyr israddedig amser llawn y DU gynyddu ym mlynyddoedd dilynol astudio yn unol â'r uchafswm ffi reoledig a bennir gan Lywodraeth Cymru.

Bydd ffioedd ar gyfer myfyrwyr Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Rydym yn eisiau cefnogi datblygiad eich cymhwysedd wrth ddefnyddio cyfryngau digidol, i wella'ch dysgu, cymryd rhan mewn technolegau mewn ymarfer clinigol ac amddiffyn eich hun a'r proffesiwn pan fyddwch ar-lein. Darganfyddwch fwy am sut rydym yn ymgorffori llythrennedd digidol yn y cwricwlwm nyrsio.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Bydd astudio dramor yn rhoi cyfle i chi ddysgu am ddiwylliant newydd, gwneud ffrindiau newydd a chael eich trwytho mewn gwlad nad ydych wedi bod iddi o'r blaen o bosibl.

Sut i wneud cais

Cewch wybod mwy drwy ymweld â'n tudalen ar sut i wneud cais

Gwahoddir ymgeiswyr cymwys i gyfweliad ar gyfer y cwrs hwn. Edrychwch ar ein Cynghorion Cyfweliad am fwy o wybodaeth am yr hyn i'w ddisgwyl.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.