Nyrsio (Oedolion), BSc (Anrh)

Bydd eich ffioedd dysgu yn cael ei talu'n llawn

os gallwch chi ymrwymo i weithio yng Nghymru am ddwy flynedd ar ôl graddio

Nursing image

Trosolwg o'r Cwrs

Bydd ein cwrs gradd Nyrsio Oedolion a gydnabyddir yn rhyngwladol yn rhoi'r sgiliau a'r profiad sydd eu hangen arnoch i lansio gyrfa werth chweil yn y proffesiwn amrywiol a hanfodol hwn.

Drwy gydol y rhaglen BSc tair blynedd hon sydd wedi’i hintegreiddio’n ofalus, byddwch chi’n dysgu am anghenion cyfannol pobl o oedolaeth gynnar i henoed.

Wrth i'r cwrs fynd rhagddo, byddwch yn datblygu'r sgiliau i asesu, cynllunio, darparu a gwerthuso gofal nyrsio yn seiliedig ar dystiolaeth sy'n hyrwyddo iechyd a lles oedolion sydd â chyflyrau acíwt a chronig.

Wedi'i leoli ar gampws Parc Dewi Sant yng Nghaerfyrddin, bydd hanner y cwrs yn cael ei addysgu yn y brifysgol a'r hanner arall mewn lleoliadau gofal iechyd. Mae gennym gydberthnasau gwaith ardderchog â llawer o ddarparwyr gofal iechyd felly byddwch yn gallu manteisio ar amrywiaeth eang o brofiadau clinigol ledled de-orllewin Cymru, gan gynnwys lleoliadau yn y GIG a'r sector annibynnol mewn ysbytai a lleoliadau cymunedol. 

Pam Nyrsio Oedolion yng Nghaerfyrddin?

Mae gennym enw rhagorol am nyrsio ac rydym yn un o’r 10 prifysgol orau yn y DU am Ragolygon Graddedigion (Times Good University Guide 2025).

Mae ein staff academaidd yn cynnwys nyrsys, meddygon a gweithwyr iechyd proffesiynol perthynol i iechyd cymwysedig, y mae llawer ohonynt yn gweithio fel clinigwyr hefyd, gan ddarparu cyfuniad heb ei ail o drylwyredd damcaniaethol, dealltwriaeth broffesiynol ac arbenigedd ymarferol.

Mae gennym gysylltiadau cryf iawn â byrddau iechyd yng Nghymru sy'n golygu y gallwn gynnig lleoliadau clinigol i chi mewn amrywiaeth o leoliadau trefol a gwledig.

Os gallwch ymrwymo i weithio yng Nghymru am ddwy flynedd ar ôl graddio, gallai eich ffioedd dysgu gael eu talu'n llawn drwy Gynllun Bwrsariaeth GIG Cymru. Yn ogystal, gallech gael cyllid cynhaliaeth a benthyciad ar gyfradd ostyngol gan Cyllid Myfyrwyr.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Eich profiad ym maes Nyrsio Oedolion

Mae ein cyfleusterau ardderchog ym Mharc Dewi Sant yn cynnwys ystafell glinigol realistig sy'n eich galluogi i roi eich gwybodaeth ddamcaniaethol ar waith mewn amgylchedd sy'n adlewyrchu'r amodau gwirioneddol y byddwch yn eu hwynebu pan fyddwch yn mynd ar leoliad i ysbyty neu leoliad cymunedol, mor agos â phosibl.

Gallwch hefyd astudio rhan o'ch gradd nyrsio drwy gyfrwng y Gymraeg a gallech fod yn gymwys i gael ysgoloriaethau mewnol neu gymorth drwy'r Coleg Cymraeg Cenedlaethol.

Gyrfaoedd Nyrsio

Ar ôl graddio, gallwch wneud cais am statws Nyrs Gofrestredig (Oedolion) gyda'r Cyngor Nyrsio a Bydwreigiaeth a chofrestru fel nyrs i weithio yn yr UE a'r AEA.

Gallwch ddisgwyl cael cyflog cychwynnol o £28,407 sy'n codi i £57,349 i staff-nyrs brofiadol iawn. Gall nyrsys arbenigol a rheolwyr practis ennill £50,056.  

Modiwlau

   

Ffyrdd y gallwch ymweld â ni

Bob blwyddyn mae Prifysgol Abertawe'n cynnal nifer o Ddiwrnodau Agored i Raddedigion, sy'n cael eu cynnal yn yr hydref, y gwanwyn a'r haf - dyma'ch cyfle i ymweld â'n campws yn Singleton, mynd ar daith o amgylch ein cyfleusterau o'r radd flaenaf, ac ymuno â'n sgyrsiau pwnc i ddysgu mwy am ein graddau nyrsio (lle gallwch hefyd siarad â'n darlithwyr a myfyrwyr nyrsio presennol).

Archebwch eich lle ar Ddiwrnod Agored nawr!

Sesiynau Gwybodaeth Rhithwir Campws Caerfyrddin

Mae'n bleser gennym eich croesawu i gyfres o ddigwyddiadau rhithwir a fydd yn eich cyflwyno i'r cyfleoedd gyrfa y gallech ddechrau arnynt drwy astudio gradd Nyrsio Oedolion ym Mhrifysgol Abertawe, Parc Dewi Sant, Caerfyrddin.


Sylwer bod y digwyddiadau hyn ar gyfer y rhai sydd â diddordeb mewn astudio Nyrsio Oedolion ar ein campws ategol yng ngorllewin Cymru (Parc Dewi Sant, Ffordd Ffynnon Job, Caerfyrddin SA31 3HB) ac nid ar Gampws Parc Singleton Prifysgol Abertawe.

  • Dydd Gwener 14 Mawrth 2025 (18:00/19:00)
  • Dydd Mercher 14 Mai 2025 (18:00/19:00)
  • Dydd Mawrth 15 Gorffennaf 2025 (18:00/19:00)

Nyrsio (Oedolion)