Biocemeg, BSc (Anrh)

Mae clirio ar agor!

Gwnewch gais nawr
Students in Lab

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae biocemeg yn hanfodol wrth astudio a thrin clefydau, wrth ddatblygu biocemeg, ac wrth roi sylw i’r perthnasau cymhleth rhwng ein hamgylchedd a ni ein hunain.

Byddwch yn dysgu am y prosesau cemegol sy’n digwydd o fewn organeddau byw ac yn astudio sut mae celloedd yn gweithio ar lefelau is-gellog a moleciwlaidd.

Byddwch yn ennill dealltwriaeth drylwyr o swyddogaeth fiocemegol organeddau byw, o facteria i blanhigion, anifeiliaid a bodau dynol.

Byddwch yn datblygu sgiliau rheoli prosiect arbennig ac yn dysgu dylunio arbrofion a chynllunio rhaglenni gwaith.

Pam Biocemeg ym Mhrifysgol Abertawe?

Byddwch yn elwa ar gael mynediad i gyfleusterau ymchwil o’r radd flaenaf yn yr Ysgol Feddygaeth, gan gynnwys offer biodadansoddol megis cromatograffi hylif perfformiad uchel, cromatograffi nwy, sbectrometreg màs, offer dadansoddi DNA a phrotein, a dadansoddwyr delweddau cyfrifiadurol ar gyfer astudiaethau moleciwlaidd neu gellog.

Eich profiad ym maes Biocemeg

Gallwch ddewis astudio Biocemeg fel:

  • BSc 3 blynedd
  • BSc 4 blynedd gyda blwyddyn mewn diwydiant ar ffurf blwyddyn lleoliad gwaith
  • BSc 4 blynedd gyda blwyddyn dramor, neu
  • MSci 4 blynedd gyda chymhwyster lefel meistr integredig

Ar y cynllun BSc 3 blynedd, byddwch yn ymgymryd â chymysgedd o fodiwlau gorfodol a dewisol, gan roi'r hyblygrwydd i chi deilwra eich gradd i'ch diddordebau penodol, eich uchelgeisiau o ran gyrfa neu eich cynlluniau ar gyfer astudiaethau pellach. 

Mae treulio blwyddyn dramor yn ystod eich gradd israddedig yn eich caniatáu i ychwanegu profiad rhyngwladol gwerthfawr i'ch CV, wrth feithrin sgiliau cyfathrebu rhyngddiwylliannol a fydd yn gwella eich gallu i ryngweithio â phobl o gefndiroedd amrywiol.

Fel arall mae'r rhaglen 4 blynedd gyda blwyddyn lleoliad gwaith yn cynnig blwyddyn ychwanegol rhwng eich ail a thrydedd flwyddyn, gan roi cyfle i chi weithio ym myd diwydiant, magu hyder a chael profiad yn y byd go iawn.

Mae ein gradd MSci 4 blynedd yn radd israddedig uwch a chanddi flwyddyn meistr integredig. Treulir y flwyddyn ychwanegol yn ymgymryd â phrosiect ymchwil, gan ganiatáu i chi ddatblygu eich sgiliau a'ch gwybodaeth.

Ddim yn meddwl eich bod yn bodloni'r gofynion mynediad? Beth am ystyried ein BSc Biocemeg gyda Blwyddyn Sylfaen?

Cyfleoedd Cyflogaeth Biocemeg

Mae gradd mewn Biocemeg yn fan cychwyn cyfleoedd gyrfa cyffrous mewn meysydd amrywiol megis:

  • Datblygu cynnych fferyllol
  • Biotechnoleg diwydiannol
  • Biodanwyddau
  • Amaethyddiaeth
  • Biowybodeg

Gallwch ddod o hyd i ragor o wybodaeth am ein graddau Biocemeg trwy fynd i'n Hysbysiad Hwylus Gwyddoniaeth Fiofeddygol.

Modiwlau

Mae strwythur y BSc 3 blynedd fel a ganlyn: Mae’ch blwyddyn gyntaf wedi’i ffurfio o fodiwlau sy’n cynnwys hanfodion biocemeg, gan gynnwys egni a metaboledd, datblygu sgiliau biocemeg, cemeg organig, geneteg foleciwlaidd, a microbioleg.

Wrth i chi symud ymlaen, byddwch yn datblygu eich gwybodaeth ymhellach, gan astudio pynciau arbenigol gan gynnwys rheolaeth fetabolaidd, technegau bioleg foleciwlaidd, trosglwyddo pilenni ac egni, cludo pilenni a biowybodeg.

Yn ystod eich blwyddyn derfynol byddwch yn cyflawni prosiect ymchwil annibynnol dan arweiniad gwyddonydd ymchwil proffesiynol.

Rydym yn cynnig graddau israddedig mewn Biocemeg, Biocemeg Feddygol, Geneteg, Genetig Feddygol a gradd gydanrhydedd mewn Biocemeg a Geneteg.  I gymharu dewisiadau modiwlau ar draws y llwybrau hyn, bydd y daenlen atodedig yn dangos i chi’r modiwlau sydd ar gael.

Os dewiswch ymgymryd â blwyddyn dramor neu flwyddyn mewn diwydiant, cynhelir y flwyddyn hon rhwng eich ail a'ch trydedd flwyddyn astudio. Os byddwch yn dewis astudio'r rhaglen MSci gyfwerth, byddwch yn astudio’r tair blynedd uchod, a ddilynir gan flwyddyn ychwanegol ar lefel meistr, a fydd yn cynnwys prosiect ymchwil annibynnol.

Biocemeg

Biochemistry with a Placement Year, BSc (Hons)

Biochemistry with a Year Abroad, BSc (Hons)