Trosolwg o'r Cwrs
Mae Biocemeg Feddygol wrth wraidd meddygaeth fodern ac yn hanfodol i'r ffordd rydym yn deall achosion ac effeithiau clefydau a sut mae triniaethau newydd yn cael eu datblygu.
Mae Biocemeg Feddygol ym Mhrifysgol Abertawe yn llwyddo i bontio meddygaeth a gwyddoniaeth, gan sicrhau eich bod yn datblygu'r wybodaeth graidd a’r sgiliau ymarferol a chyflogadwyedd sydd eu hangen i weithio ar y lefelau uchaf mewn diwydiannau gwyddoniaeth, meddygaeth, fferyllol a biowyddoniaeth.
Byddwch yn ennill gwybodaeth sylfaenol am ffisioleg, biocemeg, geneteg ac imiwnoleg, wrth ddatblygu dealltwriaeth ddofn o swyddogaeth fiocemegol organebau byw, wrth i chi astudio'r prosesau cemegol sy'n digwydd ac astudio swyddogaeth celloedd ar lefelau isgellog a moleciwlaidd.
Drwy gydol y rhaglen, byddwch yn meithrin sgiliau dadansoddi a rheoli prosiectau rhagorol wrth i chi ddysgu sut i ddylunio arbrofion a chynllunio rhaglenni gwaith.
Mae'r Flwyddyn Sylfaen ddewisol sy'n rhan o'r rhaglen hon yn rhoi cyflwyniad cyffrous i chi i addysg uwch, ac yn sicrhau bod gennych y sgiliau, yr hyder a'r wybodaeth sydd eu hangen arnoch chi i fod yn llwyddiannus yn eich gradd israddedig. Mae'n ddelfrydol os bydd angen ychydig fwy o gymorth arnoch chi ar ôl addysg bellach neu os ydych yn dychwelyd i fyd addysg ar ôl seibiant. Ar ôl i chi gwblhau'r Flwyddyn Sylfaen yn llwyddiannus, byddwch chi'n symud ymlaen i Flwyddyn 1 eich gradd BSc.
Mae'r rhaglen hon ar gael hefyd fel MSci 4 blynedd, sef gradd israddedig uwch, gan ychwanegu blwyddyn sy'n canolbwyntio ar ymchwil at eich gradd. Mae ein rhaglen MSci yn arwain at gymhwyster meistr, yn ogystal â'ch gradd israddedig, gan roi i chi hyfforddiant gwyddonol gan arbenigwyr a llwybr at amrywiaeth o yrfaoedd arbenigol.
