Ffarmacoleg Feddygol, BSc (Anrh) / MSci (Anrh)

Mae clirio ar agor!

Gwnewch gais nawr
Students in Lab

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

BSc (Anrh) Ffarmacoleg Feddygol Cod UCAS B210

BSc Ffarmacoleg Feddygol gyda Blwyddyn Dramor - Côd UCAS B2A1

Efallai y bydd gennych ddiddordeb hefyd BSc (Anrh) Ffarmacoleg Feddygol gyda Blwyddyn Sylfaen Cod UCAS B209

Dysgwch am yr wyddoniaeth sy'n gefndir i gyffuriau a meddyginiaethau, eu heffeithiau ar systemau byw a'u rôl wrth drin clefydau drwy astudio ein cwrs gradd Ffarmacoleg Feddygol.

Byddwch yn astudio amrywiaeth eang o bynciau, gan gynnwys ffarmacoleg, tocsicoleg, ffarmacogenomeg, ffisioleg, cemeg, geneteg, imiwnoleg a datblygu cyffuriau. Byddwch yn gallu teilwra eich astudiaethau i gyd-fynd â'ch diddordebau eich hun, gan ddewis o fodiwlau dewisol sy'n cynnwys gwyddoniaeth gardiofasgwlaidd, diabetes, ffarmacoleg canser, bioleg atgenhedlu, niwrowyddoniaeth a nanodocsicoleg.

Byddwch yn datblygu sgiliau dadansoddi a rheoli prosiectau ardderchog ac yn dysgu sut i ddylunio arbrofion a chynllunio rhaglenni gwaith i'ch paratoi chi ar gyfer eich gyrfa yn y dyfodol.

Pam astudio Ffarmacoleg Feddygol ym Prifysgol Abertawe?

Datblygwyd cwricwlwm y cwrs Ffarmacoleg Feddygol gan ddefnyddio Cwricwlwm Israddedig Cymdeithas Ffarmacolegol Prydain, sydd â'r nod o ddatblygu gwybodaeth graidd, sgiliau craidd ac agweddau craidd yn y genhedlaeth nesaf o ffarmacolegwyr. Mae'r cwrs hefyd yn arddel egwyddorion cynhwysol Cymdeithas Ffarmacolegol Prydain ar gyfer Ffarmacoleg Israddedig, y mae Cyfarwyddwr ein Rhaglen, Dr Aidan Seeley, wedi helpu i'w datblygu.

Mae'r cymysgedd o fodiwlau gorfodol a dewisol yn eich galluogi  i deilwra eich astudiaethau yn unol â'ch diddordebau penodol, eich nodau gyrfaol neu eich cynlluniau ar gyfer astudio ôl-raddedig.

Byddwch yn elwa o gael mynediad i'r cyfleusterau ymchwil ac addysgu sydd o'r radd flaenaf yn yr Ysgol Feddygaeth, gan gynnwys ein labordai ymchwil.

Mae’r radd hon yn rhan o’r rhaglen Llwybr i Feddygaeth ‘Gwyddorau Meddygol mewn Ymarfer’. Cyn belled â’ch bod yn bodloni’r gofynion mynediad, ac wedi dilyn y Llwybr hwn, gallwn eich gwarantu y cewch gyfweliad ar gyfer ein cwrs MBBCh Meddygaeth i Raddedigion.

Eich profiad ym maes Ffarmacoleg Feddygol

Gallwch ddewis astudio Ffarmacoleg Feddygol fel:

  • BSc 3 blynedd
  • BSc 4 blynedd gyda blwyddyn mewn diwydiant ar ffurf blwyddyn lleoliad gwaith.
  • BSc 4 blynedd gyda blwyddyn dramor, neu
  • MSci 4 blynedd gyda chymhwyster lefel meistr integredig

Ar y cynllun BSc 3 blynedd, byddwch yn ymgymryd â chymysgedd o fodiwlau gorfodol a dewisol, gan roi'r cyfle i chi deilwra eich gradd i'ch diddordebau penodol, eich uchelgeisiau o ran gyrfa neu eich cynlluniau ar gyfer astudiaethau pellach.

Mae treulio blwyddyn dramor yn ystod eich gradd israddedig yn eich caniatáu i ychwanegu profiad rhyngwladol gwerthfawr i'ch CV, wrth feithrin sgiliau cyfathrebu rhyngddiwylliannol a fydd yn gwella eich gallu i ryngweithio â phobl o gefndiroedd amrywiol.

Mae ein cwrs MSci 4 blynedd yn radd israddedig uwch sydd â blwyddyn Meistr integredig a byddwch chi'n treulio'r flwyddyn ychwanegol yn ymgymryd â phrosiect ymchwil, gan eich galluogi i ddatblygu eich sgiliau a'ch gwybodaeth.

Ddim yn meddwl eich bod chi'n bodloni'r gofynion mynediad? Beth am ystyried ein cwrs BSc neu MSci Ffarmacoleg Feddygol gyda Blwyddyn Sylfaen?

Cyfleoedd Cyflogaeth Ffarmacoleg Feddygol

Mae Ffarmacoleg Feddygol wedi cael ei hadnabod fel gradd israddedig hanfodol y mae ei hangen i lenwi'r bylchau yn y gweithlu presennol a mynd i'r afael â bylchau sgiliau ym maes datblygu meddyginiaethau a chynhyrchion fferyllol.

Gallech hefyd ddilyn gyrfa neu barhau â’ch astudiaethau mewn meysydd eraill sy’n cynnwys gwaith ymchwil academaidd a diwydiannol, rheoleiddio, cyfraith patentau, ysgrifennu meddygol, addysg neu dreialon clinigol.

Modiwlau

Mae strwythur y BSc 3 blynedd fel a ganlyn:

Bydd eich blwyddyn gyntaf yn cynnwys modiwlau gorfodol sy'n rhoi sylw i hanfodion ffisioleg, biocemeg, geneteg, microbioleg, ffarmacoleg a thocsicoleg.

Yn yr ail flwyddyn, byddwch yn dewis un o dri llinyn cyflogadwyedd (gan ddibynnu ar gymhwysedd): Gwyddorau Meddygol Ar Waith, Entrepreneuriaeth ac Arloesedd a Gwyddorau Meddygol mewn Ymchwil.

Wrth i chi symud ymlaen, byddwch yn datblygu eich gwybodaeth ymhellach, gan astudio pynciau arbenigol gan gynnwys ffarmacogenomeg, rheoleiddio metabolaidd, imiwnoleg ddynol, ymwrthedd gwrthficrobaidd a gwenwyndra dadansoddol, fforensig a chlinigol.

Os dewiswch ymgymryd â blwyddyn dramor, byddwch yn gwneud hyn rhwng yr ail a’r drydedd flwyddyn astudio fel a nodir uchod.

Yn eich trydedd flwyddyn, byddwch yn cyflawni prosiect ymchwil annibynnol dan arweiniad gwyddonydd ymchwil proffesiynol, ac yn astudio modiwlau mwy arbenigol megis datblygu a rheoleiddio cyffuriau, a bydd gennych chi'r opsiwn i deilwra eich astudiaethau gyda phynciau sy'n cynnwys: ffarmacoleg canser, bioleg atgenhedlu, niwrowyddoniaeth a nanodocsicoleg.

Llwybrau i Feddygaeth

Ffarmacoleg Feddygol

Medical Pharmacology, MSci (Hons)

Medical Pharmacology with a Placement Year, BSc (Hons)

Medical Pharmacology with a Year Abroad, BSc (Hons)