Geneteg, BSc (Anrh)

Mae clirio ar agor!

Gwnewch gais nawr
Students in Lab

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae astudiaeth geneteg yn faes cyffrous sy’n symud yn gyflym ac yn cael effaith enfawr mewn ystod o feysydd gwyddonol, gan gynnwys deall a thrin clefydau amrywiol, datblygu fferyllol, esblygiad, cadwraeth a bioamrywiaeth.  

Bydd ein gradd Geneteg yn rhoi gwybodaeth drwyadl i chi o’r blociau adeiladu hyn sy’n hanfodol ar gyfer yr holl fywyd ar y ddaear.   Byddwch yn dysgu technegau ar gyfer dadansoddi mynegiad genynnau, y ffordd y mae proteinau yn rhyngweithio, strwythur DNA a’r difrod iddo, dadansoddi delweddau biomoleciwlau a chelloedd, a dulliau dadansoddol cyfrifiadurol uwch.

Byddwch yn datblygu sgiliau dadansoddi a rheoli prosiect arbennig ac yn dysgu dylunio arbrofion a chynllunio rhaglenni gwaith.

 

Pam Geneteg ym Mhrifysgol Abertawe?

Byddwch yn elwa ar gael mynediad i gyfleusterau ymchwil o’r radd flaenaf yn yr Ysgol Feddygaeth, gan gynnwys offer dadansoddi DNA a phrotein, dadansoddwyr delweddau cyfrifiadurol ar gyfer astudiaethau moleciwlaidd neu gellog, a chyfleuster uwchgyfrifiadur pwerus.

Eich profiad ym maes Geneteg

Gallwch ddewis astudio Geneteg fel: 

  • BSc 3 blynedd
  • BSc 4 blynedd gyda blwyddyn mewn diwydiant ar ffurf blwyddyn lleoliad gwaith.
  • BSc 4 blynedd gyda blwyddyn dramor, neu
  • MSci 4 blynedd gyda chymhwyster lefel meistr integredig

Gan astudio'r BSc 3 blynedd, byddwch yn ymgymryd â chymysgedd o fodiwlau gorfodol a dewisol, gan roi'r hyblygrwydd i chi deilwra'ch gradd i'ch diddordebau penodol, eich uchelgeisiau gyrfa, neu gynlluniau ar gyfer astudiaeth bellach.

Pa bynnag gymhwyster a ddewiswch, byddwch yn elwa ar arbenigedd ein staff academaidd sy'n weithgar mewn ystod amrywiol o feysydd ymchwil biolegol moleciwlaidd, gan gynnig cymysgedd heb ei ail o ragoriaeth academaidd ac arfer sydd ar flaen y gad.

Mae treulio blwyddyn dramor yn ystod eich gradd israddedig yn eich caniatáu i ychwanegu profiad rhyngwladol gwerthfawr i'ch CV, wrth feithrin sgiliau cyfathrebu rhyngddiwylliannol a fydd yn gwella eich gallu i ryngweithio â phobl o gefndiroedd amrywiol.

Ddim yn meddwl eich bod yn bodloni'r gofynion mynediad? Beth am ystyried ein BSc Geneteg gyda Blwyddyn Sylfaen?

Cyfleoedd Cyflogaeth Geneteg

Gyda gradd mewn Geneteg, mae cyfleoedd gyrfa yn amrywiol ac yn helaeth. Maent yn cynnwys:

  • ymchwil meddygol,
  • diwydiant fferyllol a gwyddorau iechyd,
  • astudiaethau ôl-raddedig (MSc, MRes, PhD)
  • cwnsela genetig,
  • gwyddonydd clinigol,
  • Meddygaeth mynediad i raddedigion
  • Cydymaith Meddygol
  • Dysgu
  • Ysgrifenydd gwyddonol
  • biowybodeg

Gallwch ddod o hyd i ragor o wybodaeth am ein graddau Geneteg trwy fynd i'n Hysbysiad Hwylus Gwyddoniaeth Fiofeddygol.

Modiwlau

Mae strwythur y BSc 3 blynedd fel a ganlyn:

Mae eich blwyddyn gyntaf wedi’i ffurfio o fodiwlau sy’n rhoi sylw i sylfeini gwyddonol, gan gynnwys geneteg esblygol a moleciwlaidd, dadansoddi genetig, bioleg celloedd ewcaryotig, a microbioleg.

Wrth i chi symud ymlaen, byddwch yn datblygu eich gwybodaeth ymhellach, gan astudio pynciau arbenigol gan gynnwys technegau bioleg foleciwlaidd, bioystadegau, geneteg foleciwlaidd ficrobaidd, esblygiad moleciwlaidd, biotechnoleg a pheirianneg protein, a thocsicoleg enetig.

Yn ystod eich blwyddyn derfynol byddwch yn cyflawni prosiect ymchwil annibynnol dan arweiniad gwyddonydd ymchwil proffesiynol.

Rydym yn cynnig graddau israddedig mewn Biocemeg, Biocemeg Feddygol, Geneteg, Genetig Feddygol a gradd gydanrhydedd mewn Biocemeg a Geneteg.  I gymharu dewisiadau modiwlau ar draws y llwybrau hyn, bydd y daenlen atodedig yn dangos i chi’r modiwlau sydd ar gael.

Os dewiswch ymgymryd â blwyddyn dramor, byddwch yn gwneud hyn rhwng yr ail a’r drydedd flwyddyn astudio fel a nodir uchod.

Geneteg

Genetics with a Placement Year, BSc (Hons)

Genetics with a Year Abroad, BSc (Hons)