Gwyddor Deunyddiau a Pheirianneg, BEng (Anrh)

Mae clirio ar agor!

Gwnewch gais nawr
Materials science equipment

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Mae'r gallu i arloesi'n llwyddiannus yn dibynnu ar y deunyddiau allweddol a ddewisir a'u perfformiad. O geir, awyrennau a llongau mordeithio, i gyfarpar chwaraeon ac offerynnau cerdd, gall y deunyddiau cywir helpu i ddiffinio cynnydd technolegol.  

Mae Gwyddor a Pheirianneg Deunyddiau yn archwilio sut y gellir rheoli priodweddau mater. Mae'n cynnwys elfennau o ffiseg a chemeg, gyda chysylltiad agos â'r rhan fwyaf o feysydd eraill mewn peirianneg.

Bydd y cwrs gradd tair blynedd hwn yn eich paratoi ar gyfer gyrfa sy'n llawn boddhad mewn amrywiaeth o sectorau peirianneg, gan gynnwys awyrofod, cerbydau modur, gweithgynhyrchu, chwaraeon a chynhyrchu ynni.

Byddwch yn datblygu galluoedd dadansoddi wrth gael profiad ymarferol o gyfarpar arbenigol uwch, gan feithrin sgiliau sy’n hanfodol ar gyfer gweithio yn y diwydiant.

Pam Gwyddor Deunyddiau a Pheirianneg yn Abertawe?

  • 1af yn y du am lais y myfyrwyr* (NSS 2024)
  • 1af yn y DU am Brofiad Myfyrwyr (Times Good University Guide 2025)
  • 3ydd yn y DU am Fodlonrwydd Myfyrwyr (Complete University Guide 2025)
  • 8rh yn y DU am Ragolygon Graddedig (Complete University Guide 2025)
  • 8fed Yn Y Du Gwyddor Deaunyddiau (The Times Good University Guide 2025)
  • Un o’r 131 o Raglenni Gorau yn y Byd (QS World University Rankings 2025)

Mae'r cwrs hwn yn cynnig cyfle i chi dreulio BLWYDDYN MEWN DIWYDIANT (UCAS H502) yn y DU neu dramor, gan roi profiad gwerthfawr yn y gweithle yn ogystal â chyflog sydd ar hyn o bryd dros £15,000 ar gyfartaledd. Darperir cymorth ac arweiniad I’ch helpu i sicrhau lleoliad.

Rydym hefyd yn cynnig cyfle i chi ASTUDIO DRAMOR (UCAS H510) mewn prifysgol bartner sy'n cyfoethogi'r radd, gan roi profiad diwylliannol ac ieithyddol gwerthfawr a all ehangu'ch gorwelion wrth drio am swydd.

*Yn seiliedig ar y sgor gyfartalog ar gyfer agwedd gadarnhaol ar draws cwestiynau 22 i 25 yn Arolwg Cenedlaethol o Fyfyrwyr 2024 o'n cymharu ni a phrifysgolion eraill yn y Times Good University Guide.
 

Eich Profiad Gwyddor Deunyddiau a Pheirianneg

Ymhlith ein cyfleusterau o'r radd flaenaf mae cyfarpar blaenllaw ar gyfer pennu nodweddion priodweddau mecanyddol deunyddiau metelaidd, ceramig, polymerig a chyfansawdd.

Mae gennym hefyd amrywiaeth helaeth o labordai sy'n cynnwys microsgopau sganio electronau sydd â galluoedd micro-ddadansoddiad a diffreithiant ôl-wasgariad electronau llawn.
 
Bydd ymweliadau â Tata Steel, Timet, Ensinger ac Airbus yn gyfle i gael profiad o ddiwydiant go iawn.

Cyfleoedd Cyflogaeth Gwyddor Deunyddiau a Pheirianneg

Mae graddedigion Gwyddor a Pheirianneg Deunyddiau ym Mhrifysgol Abertawe yn cael eu rhoi ar ben y ffordd i gael amrywiaeth o gyfleoedd gyrfa ysgogol. Gallai eich dyfodol fod yn unrhyw un o'r rolau canlynol. 

  • Metelegydd
  • Gwyddonydd Datblygu Cynhyrchion
  • Peiriannydd Biofeddygol
  • Peiriannydd Systemau Gweithgynhyrchu
  • Archwilydd Patent
  • Rheolwr Ansawdd
  • Gwyddonydd Datblygu Prosesau

Mae ein graddau mewn Gwyddor a Pheirianneg Deunyddiau wedi'u hachredu gan y Sefydliad Deunyddiau, Mwynau a Mwyngloddio (IOM3).

Modiwlau

Yn bennaf, byddwch yn astudio cyfres benodedig o fodiwlau 10 credyd, gan arwain at brosiect ymchwil 30 credyd yn y flwyddyn olaf.

Gwyddor Deunyddiau a Pheirianneg

Gwyddor Deunyddiau a Pheirianneg gyda Blwyddyn Dramor

Gwyddor Deunyddiau a Pheirianneg gyda Blwyddyn mewn Diwydiant