Cyfrifeg a Chyllid, BSc (Anrh)

Mae clirio ar agor!

Gwnewch gais nawr
myfyrwyr yn gweithio gyda'i gilydd

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Gallwch raddio â llwyth o sgiliau yn barod am yrfa pan fyddwch yn astudio ein gradd BSc Cyfrifeg a Chyllid aml-achrediad.

Byddwch yn cael y cyfle i ennill statws Cyfrifydd Siartredig gyda chyrff achredu byd-eang perthnasol - ACCA, ICAEW a'r CIMA - a byddwch hefyd yn astudio ystod eang o bynciau o Gyfrifeg Rheoli a Chyfrifeg Ariannol i Gyllid Corfforaethol.

Mae ein cwrs wedi'i gynllunio i sicrhau eich bod yn dysgu’r pynciau mwyaf perthnasol a blaengar - a fydd yn eich helpu i fod pen ac ysgwyddau uwchben ymgeiswyr eraill yn y farchnad swyddi.

Byddwch yn ennill y sgiliau cysyniadol, technegol ac ymarferol y mae eu hangen i ffynnu ym myd cyfrifyddu a chyllid heddiw; a bydd cyfle i gwblhau modiwlau sydd wedi'u cynllunio i'ch tywys drwy'r broses gyfan o sefydlu system gyfrifyddu gyfrifiadurol, dysgu am ddadansoddi data, a deall rôl Cyfrifeg a Chyllid ar gyfer cynaliadwyedd. Bydd y sgiliau a'r wybodaeth ymarferol amhrisiadwy hyn yn rhoi mantais ddifrifol i chi pan fyddwch yn graddio o Brifysgol Abertawe.

Pam Cyfrifeg a Chyllid yn Abertawe?

  • Mae'r radd wedi'i hachredu gan gyrff achredu byd-eang - ACCA, ICAEW, a'r CIMA.  Byddwch yn achub ar y blaen drwy ennill statws Cyfrifydd Siartredig - gan astudio modiwlau sy'n rhoi eithriadau uniongyrchol i chi o arholiadau achredu allweddol - sy'n hynod ddeniadol i gyflogwyr yn y dyfodol a'ch rhagolygon ar ôl graddio.
  • ACCA - Gallwch gael yr eithriadau mwyaf o arholiadau ACCA ar gyfer yr elfen gwybodaeth gymhwysol a sgiliau cymhwysol o'r cymhwyster proffesiynol pan fyddwch yn graddio
  • Y Modiwl Cyfrifeg Ddigidol: wedi'i gynllunio i'ch tywys drwy broses gyfan o sefydlu system gyfrifyddu gyfrifiadurol gan ddefnyddio SAGE
  • Gallwch chi deilwra eich cwrs i'ch diddordebau a'ch nodau gyrfa chi – dewiswch o blith detholiad eang o fodiwlau dewisol
  • Datblygwch y gallu ymarferol ar gyfer y byd go iawn gan ein darlithwyr o'r radd flaenaf sydd â phrofiad heb ei ail ym meysydd diwydiant ac academaidd
  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.

Eich Profiad Cyfrifeg a Chyllid

Mae Cyfrifeg a Chyllid yn Abertawe'n radd hyblyg sy'n rhoi cyfle i chi astudio dramor neu weithio mewn diwydiant am flwyddyn. Gall hyn roi mantais gystadleuol sylweddol i chi ac ehangu eich gorwelion pan ddaw'r amser i chwilio am gyflogaeth.

Bydd eich profiad ar y cwrs Cyfrifeg a Chyllid yn elwa o ddetholiad o fodiwlau dewisol yn y blynyddoedd astudio olaf, gan eich galluogi i lywio'r radd tuag at eich nodau gyrfa.

Mae'r addysgu yn Abertawe wedi'i lywio gan ymchwil ac mae gan ein staff brofiad personol o ddamcaniaeth ac ymarfer, sy'n golygu y gallwch chi elwa o'u harbenigedd academaidd a'u gwybodaeth ymarferol am y byd go iawn.

Yn ogystal â'ch paratoi am yrfa fel arbenigwr Cyfrifeg a Chyllid mewn busnes neu sefydliad, mae gennym wasanaethau cymorth ar gael i'ch helpu i ddod yn entrepreneur a sefydlu'ch busnes eich hun. Mae hyn yn arbennig o ddefnyddiol i'r myfyrwyr hynny sydd am ddod yn gyfrifwyr annibynnol neu'n ymgynghorwyr ariannol.

Yn ystod eich amser gyda ni, bydd gennych hefyd fynediad llawn at ein gwasanaethau cyflogadwyedd a chyfleusterau o'r radd flaenaf yn yr Ysgol Reolaeth.

Cyfleoedd Cyflogaeth Cyfrifeg a Chyllid

Ar ôl graddio mewn Cyfrifeg a Chyllid o Abertawe, byddwch mewn sefyllfa wych i sicrhau cyflogaeth wobrwyol mewn unrhyw sefydliad deniadol.

P'un a ydych chi am ymuno ag un o'r Pedwar Mawr (EY, Deloitte, KPMG neu PwC), ymuno ag arweinwyr y byd mewn diwydiannau eraill, neu ddechrau eich busnes eich hun, mae'r radd hon yn eich gwneud yn ymgeisydd cryf ar gyfer cyflogaeth. Gallai eich dyfodol fod yn unrhyw un o'r rolau canlynol (a llawer mwy):

  • Rheoli cyfoeth neu ymgynghorydd buddsoddi
  • Cyfrifydd neu actwari
  • Gweithiwr proffesiynol ym maes bancio
  • Archwilydd
  • Dadansoddwr cyllid

 

Modiwlau

Bydd eich astudiaethau cynnar yn rhoi sylfaen gadarn i chi mewn cyfrifyddu, cyllid, ystadegau, strategaeth a rheoli. Yn ystod blynyddoedd diweddarach, gallwch ganolbwyntio ar astudiaethau drwy ddewis o blith gwahanol fodiwlau arbenigol yn unol â'ch dewis yrfa, fel y nodir isod.

Cyfrifeg a Chyllid

Cyfrifeg a Chyllid gyda Blwyddyn Dramor

Cyfrifeg a Chyllid gyda Blwyddyn mewn Diwydiant