Cyllid (Technoleg Ariannol) gyda Blwyddyn Sylfaen, BSc (Anrh)

Mae clirio ar agor!

Gwnewch gais nawr
myfyrwyr yn gweithio gyda'i gilydd

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Ydych chi'n chwilio am radd sydd â phwyslais ar gyllid a thechnoleg a fydd yn rhoi mantais gystadleuol i chi? Dyna yn union bydd y radd BSc Cyllid (Technoleg Ariannol) gyda Blwyddyn Sylfaen ym Mhrifysgol Abertawe yn ei wneud.

Os na fyddwch chi'n cael y graddau angenrheidiol i gofrestru ar y cwrs BSc Rheoli Busnes (Technoleg Ariannol), gallai'r radd BSc Cyllid (Technoleg Ariannol) gyda Blwyddyn Sylfaen fod yn ddelfrydol i chi.

Mae'r Flwyddyn Sylfaen yn llwybr ardderchog i ddatblygu'r wybodaeth a'r sgiliau gofynnol mewn cyllid, cyn ymuno â myfyrwyr Blwyddyn 1 y radd BSc Cyllid yn yr Ysgol Reolaeth.

Os yw gyrfa fel datblygwr meddalwedd ariannol, banciwr buddsoddi neu ddadansoddwr ariannol yn ysgogi eich brwdfrydedd, neu os ydych chi'n dychmygu eich hun fel rheolwr ariannol neu ddadansoddwr data, y radd hon am bedair blynedd fydd y sylfaen orau ar gyfer yr yrfa ariannol o'ch dewis.

Caiff y Flwyddyn Sylfaen ei haddysgu yn Y Coleg, a leolir drws nesaf i'r Ysgol Reolaeth. Ar ôl i chi gwblhau'r flwyddyn hon, byddwch yn symud i adeilad yr Ysgol Reolaeth am weddill eich astudiaethau.

Pam Cyllid (Technoleg Ariannol) gyda Blwyddyn Sylfaen yn Abertawe?

  • Achredwyd gan gyrff achredu byd-eang - ACCACFA a CIMA
  • Teilwra eich cwrs i gyd-fynd â'ch diddordebau a'ch nodau gyrfa – dewiswch o ddetholiad enfawr o fodiwlau dewisol
  • Cewch gwybodaeth o'r byd go-iawn gan ein darlithwyr sydd â phrofiad mewn diwydiant a'r byd academaidd
  • Addysgir y Flwyddyn Sylfaen yn Y Coleg, adeilad â chyfleusterau o'r radd flaenaf ar Gampws y Bae
  • Caiff tair blynedd olaf y cwrs eu haddysgu yn adeilad gwerth £22 miliwn yr Ysgol Reolaeth, sydd y drws nesaf i'r Coleg ar Gampws y Bae
  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.

Eich Profiad Cyllid (Technoleg Ariannol) gyda Blwyddyn Sylfaen

Mae Cyllid (Technoleg Ariannol) yn Abertawe yn radd hyblyg gyda'r cyfle i astudio dramor am flwyddyn, neu weithio mewn diwydiant am flwyddyn. Gall hyn roi mantais gystadleuol sylweddol i chi ac ehangu eich gorwelion pan ddaw'r amser i chwilio am gyflogaeth.

Caiff eich blwyddyn gyntaf (sef y Flwyddyn Sylfaen) ei haddysgu yn Y Coleg, a leolir drws nesaf i'r Ysgol Reolaeth, a chaiff eich tair blynedd olaf eu haddysgu yn yr Ysgol Reolaeth ei hun.

Bydd ein detholiad o fodiwlau dewisol y gallwch eu dewis yn ystod eich dwy flynedd olaf o astudio, yn eich galluogi i lywio'r radd yn unol â'ch nodau gyrfa.Mae'r cwrs ei hun yn cyfuno damcaniaeth, tystiolaeth empirig a defnydd ymarferol. Byddwch yn adeiladu sylfaen ariannol gref ac yn meithrin sgiliau trosglwyddadwy hanfodol i'ch galluogi i ddadansoddi a gwerthuso'n feirniadol gysyniadau a materion marchnadoedd ariannol y byd go iawn. 

Mae'r addysgu yn Abertawe wedi'i lywio gan ymchwil ac mae gan ein staff brofiad ymarferol o ddamcaniaeth ac ymarfer, sy'n golygu y gallwch chi elwa o'u harbenigedd academaidd a'u gwybodaeth ymarferol am y byd go iawn.

Yn ystod eich amser gyda ni, bydd gennych fynediad llawn at ein Labordy Cyllid, sy'n cynnig data cyfoethog o'r byd go iawn a geir o Refinitiv, FactSet, Obis M&A, S&P Capital IQ a chronfeydd data blaenllaw eraill a ddefnyddir yn gyffredin gan ddadansoddwyr ac ymchwilwyr yn y diwydiant.

Yn ogystal â'ch paratoi am yrfa fel arbenigwr ariannol mewn busnes, mae gennym wasanaethau cymorth ar gael i'ch helpu i sefydlu'ch busnes eich hun. Mae hyn yn ddefnyddiol iawn i fyfyrwyr sydd am fod yn ddadansoddwyr ariannol annibynnol, yn rheolwyr neu'n entrepreneuriaid. Mae'r gwasanaeth yn cynnig llwybr mentora, gan ddefnyddio cyfoeth o brofiad o fyd diwydiant.

Cyfleoedd Cyflogaeth Cyllid (Technoleg Ariannol) gyda Blwyddyn Sylfaen

Ar ôl graddio mewn Cyllid (Technoleg Ariannol) o Abertawe, byddwch mewn sefyllfa wych i sicrhau cyflogaeth foddhaus mewn unrhyw sefydliad dymunol.

Pa sefydliadau ariannol bynnag rydych am weithio iddynt ar ôl graddio, mae'r radd hon yn eich gwneud yn ymgeisydd cryf ar gyfer cyflogaeth. Gallai eich cam nesaf fod yn unrhyw un o'r rolau hyn:

  • Rheoli cyfoeth neu ymgynghorydd buddsoddi
  • Dadansoddwr Ariannol
  • Rheolwr Risg
  • Datblygwr Meddalwedd Ariannol a ddefnyddir mewn gwaith dadansoddi ariannol, masnachu a rheoli portffolios
  • Arbenigwr Technoleg Ariannol
  • Entrepreneur Technoleg Ariannol

 

Modiwlau

Gyda'n blwyddyn gyntaf gyffredin, mae astudiaethau cynnar yn rhoi sylfaen gadarn i chi mewn cyfrifeg, cyllid, dadansoddi data a rhaglennu. Yn ystod blynyddoedd diweddarach eich astudiaethau, gallwch chi deilwra eich astudiaethau drwy ddewis o ddetholiad o fodiwlau arbenigol gwahanol yn unol â'r yrfa o'ch dewis, fel y manylir isod.

Cyllid (Technoleg Ariannol) gyda Blwyddyn Sylfaen