1. Hafan
  2. Israddedig
  3. Cyrsiau Israddedig
  4. Cyrsiau Israddedig yr Ysgol Reolaeth
  5. Cyrsiau Israddedig Marchnata
  6. Marchnata, BSc (Anrh)

Marchnata, BSc (Anrh)

Darganfyddwch Abertawe yn ein Diwrnod Agored nesaf

Cadwch le heddiw
myfyrwyr yn gweithio gyda'i gilydd

Trosolwg o'r Cwrs

Allwch chi ddychmygu eich hun yn gweithio i asiantaeth farchnata ryngwladol neu gyda brand adnabyddus?

Gall y BSc Marchnata ym Mhrifysgol Abertawe eich rhoi chi ben ac ysgwyddau uwchlaw eraill fel gweithiwr marchnata proffesiynol, sy'n meddu ar y sgiliau creadigol y mae eu hangen i reoli gweithgareddau marchnata ar lefel leol, genedlaethol neu hyd yn oed byd-eang.

P'un a ydych chi am weithio ar ochr yr asiantaeth neu'n uniongyrchol gyda chleientiaid, yn y trydydd sector neu am sefydlu eich cwmni ymgynghori marchnata eich hun, bydd ein cwrs yn rhoi i chi bopeth sydd ei angen ar gyfer gyrfa fel ymarferydd marchnata.

Mae ein gradd wedi'i hachredu gan CIM, a fydd yn eich datblygu i fod yn aelod allweddol o'r genhedlaeth nesaf o weithwyr proffesiynol marchnata strategol, creadigol a dadansoddol. Gan gyfuno manwl gywirdeb academaidd â pherthnasedd yn y byd go iawn, mae'r rhaglen yn cynnig cymysgedd cytbwys o addysgu a arweinir gan ymchwil a dysgu ar sail ymarfer, sy'n rhoi'r cyfarpar ichi lwyddo mewn sector sy'n datblygu'n gyflym.

Bydd eich astudiaethau'n cynnig dealltwriaeth gynhwysfawr i chi o ddamcaniaeth, strategaeth ac ymarfer marchnata cyfoes. Byddwch yn datblygu sgiliau strategol, creadigol, entrepreneuraidd a dadansoddol drwy brosiectau ac ymchwil cymhwysol, gan eich galluogi chi i ddehongli data'r farchnad, rheoli perthnasoedd cwsmeriaid a gweithredu strategaethau marchnata effeithiol mewn tirwedd ddigidol sy'n datblygu'n gyflym.

Erbyn i chi raddio, byddwch wedi datblygu i fod yn gyfathrebydd hyderus a phroffesiynol, sy'n gallu gweithio'n effeithiol ar draws diwylliannau, y cyfryngau a thimau proffesiynol, wrth barhau i fyfyrio ar eich twf personol a phroffesiynol, meddylfryd sy'n allweddol ar gyfer gyrfa hir a llwyddiannus.

Pam Marchnata yn Abertawe?

Byddwch yn astudio ar Gampws y Bae mewn lleoliad glan môr godidog, lle bydd eich dysgu'n cael ei lywio gan academyddion ysbrydoledig sy'n cael eu cydnabod yn rhyngwladol.  Byddwch yn elwa o'r canlynol:

  • Astudio rhaglen sydd wedi'i hachredu gan CIM, gan wella eich sgiliau cyflogadwyedd gyda chydnabyddiaeth broffesiynol
  • Byddwch yn ymuno â rhaglen flaenllaw sydd ymysg y 50 orau yn y byd (Safleoedd Byd QS fesul Pwnc 2025)
  • Mae'r Ysgol Reolaeth wedi'i hachredu gan AACSB International, y sefydliad addysg fusnes mwyaf yn y byd, sy'n cysylltu ysgolion busnes, busnesau a dysgwyr i greu'r genhedlaeth nesaf o arweinwyr gwych
  • Gan astudio yn adeilad yr Ysgol Reolaeth, y buddsoddwyd £22 miliwn ynddo, bydd gennych fynediad at eich cyfleusterau o'r radd flaenaf
  • Llwybrau blwyddyn olaf hyblyg, sy'n eich galluogi i ddewis rhwng traethawd hir traddodiadol, traethawd hir drwy gyfrwng y Gymraeg neu brosiect ymgynghoriaeth farchnata, gan deilwra eich profiad i'ch nodau gyrfa
  • Ffocws creadigol neu ddadansoddol, gyda dewis modiwlau sy'n eich galluogi i archwilio creadigrwydd neu arloesi mewn marchnata, neu archwilio data, gan gefnogi eich datblygiad personol ymhellach
  • Ymweliadau gan ddarlithwyr gwadd a chyflogwyr, sy'n rhan uniongyrchol o'ch modiwlau
  • Yr opsiwn i gymryd rhan mewn cystadlaethau CIM amrywiol, megis 'The Pitch'; cystadleuaeth farchnata fyd-eang er mwyn canfod marchnatwyr y dyfodol, a gynhelir gyda phartneriaid o bwys megis IBM

Eich Profiad Marchnata

Drwy gydol eich rhaglen, bydd gennych fynediad at staff addysgu sy'n meddu ar brofiad proffesiynol helaeth. Drwy ddarlithoedd, tiwtorialau a chyfarfodydd unigol, byddwch yn gallu amsugno eu harbenigedd academaidd, gan ddatblygu eich gwybodaeth am sut mae marchnata'n gweithio mewn byd proffesiynol. Mae'r tîm addysgu'n amrywiol ei natur, gan eich galluogi i elwa o'r gallu i ddefnyddio eu profiadau helaeth o fyd diwydiant a’r byd academaidd.

Er mai anrhydedd sengl yw'r rhaglen, mae hefyd yn defnyddio arbenigedd yr Ysgol Reolaeth, gan integreiddio themâu astudio seicoleg, dadansoddi data, moeseg ac ymddygiad sefydliadol.  Mae'r ymagwedd ryngddisgyblaethol hon yn sicrhau y gallwch ennill dealltwriaeth gyfannol o farchnata mewn cyd-destunau busnes a chymdeithas ehangach.

Nod y modiwlau yw atgyfnerthu ei gilydd ar draws blynyddoedd a themâu, gan sicrhau profiad myfyrwyr dealladwy ac ysgogol.  Mae dysgu'n datblygu ar draws y rhaglen i gefnogi datblygiad graddol eich gwybodaeth a'ch sgiliau, yn ogystal â'ch hunaniaeth broffesiynol. Byddwch yn dechrau gydag egwyddorion sylfaenol marchnata, ac yn raddol yn astudio cynnwys mwy cymhleth, beirniadol a chymhwysol, gan arwain at brofiadau sy'n syntheseiddio dysgu drwy brosiectau, ymgynghoriaeth neu ymchwil yn y byd go iawn. Caiff modiwlau a addysgir eu cyflwyno wyneb yn wyneb ac fe'u cyflwynir drwy gyfuniad o ddarlithoedd, labordai, seminarau a gweithdai.

Mae'r asesiadau'n amrywiol ac yn gynhwysol, sy'n adlewyrchu tasgau marchnata yn y byd go iawn ac yn bodloni ystod o arddulliau dysgu. Mae dulliau'n cynnwys cyflwyniadau, adroddiadau, portffolios, arteffactau digidol a chynlluniau strategol ynghyd ag arholiadau a thraethodau traddodiadol.

Mae'r rhaglen hon hefyd yn cynnwys cyfleoedd i ymgymryd â Blwyddyn Dramor, gan wella'ch dysgu a chynnig profiad bywyd amhrisiadwy. 

Mae'r cwrs hwn hefyd yn cynnig y cyfle i chi dreulio Blwyddyn ym myd Diwydiant, yn y DU neu dramor, gan eich galluogi i ennill profiad gwerthfawr yn y gweithle. Mae'r Brifysgol yn ffafrio lleoliadau â thâl yn unig, sydd â chyflog gwerth mwy nag £20,000 ar gyfartaledd. Mae lleoliadau di-dâl yn cael eu hystyried fesul achos. 

Mae'r Flwyddyn Sylfaen opsiynol sy'n rhan o'r rhaglen hon yn rhoi cyflwyniad cyffrous i chi i addysg uwch, ac yn sicrhau bod gennych y sgiliau, yr hyder a'r wybodaeth sydd eu hangen arnoch chi i fod yn llwyddiannus yn eich gradd israddedig. Mae'n ddelfrydol os bydd angen ychydig mwy o gymorth arnoch chi ar ôl addysg bellach neu os ydych yn dychwelyd i fyd addysg ar ôl seibiant. Ar ôl i chi gwblhau'r Flwyddyn Sylfaen yn llwyddiannus, byddwch chi'n symud ymlaen i Flwyddyn 1 eich gradd BSc.

Cyfleoedd Cyflogaeth Marchnata

Ar ôl i chi raddio o'n rhaglen BSc Marchnata ym Mhrifysgol Abertawe, byddwch mewn sefyllfa dda i ymgymryd ag amrywiaeth eang o rolau proffesiynol mewn sawl sector.

Bydd y rhaglen hon yn eich arfogi â'r wybodaeth farchnata arbenigol a'r sgiliau busnes trosglwyddadwy, sy'n eich galluogi i ddilyn gyrfaoedd posib megis:

  • Swyddog neu Reolwr Gweithredol Marchnata
  • Marchnatwr Digidol neu Reolwr y Cyfryngau Cymdeithasol
  • Ymchwilydd Marchnad neu Arbenigwr Mewnwelediadau Cwsmeriaid
  • Swyddog neu Reolwr Cyfathrebu a Chysylltiadau Cyhoeddus
  • Gweithiwr Proffesiynol Gwerthiannau
  • Arbenigwr SEO/GEO/PPC
  • Rheolwr Datblygu Busnes
  • Rheolwr Cynnyrch neu Ddylunydd UX

Mae meddu ar radd marchnata yn eich galluogi chi i gael cyflogaeth ar draws nifer o sectorau, sy'n gallu cynnwys:

  • Asiantaethau arbenigol (hysbysebu, cysylltiadau cyhoeddus, digidol)
  • Nwyddau defnyddwyr a manwerthu
  • Gwasanaethau ariannol
  • Elusennau a sefydliadau yn y sector cyhoeddus
  • Cwmnïau technegol a'r cyfryngau

Mae'r sector hwn yn gynyddol ddigidol, ac mae datblygiadau mewn AI yn arwain at alw cynyddol am sgiliau mewn dadansoddeg data, creu cynnwys a rheoli profiad cwsmeriaid.

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Ymgeisio

Cyrsiau cyn-sesiynol

i'r rhai sydd am astudio yn yr Ysgol Reolaeth

Darganfyddwch eich prifysgol

Ewch ar rithdaith

Two students walking around campus

Prosbectws Israddedig

Prosbectws Israddedig

Astudio trwy'r Gymraeg

welsh medium

Sgwrsiwch â Myfyriwr Cyfredol

Dau fyfyriwr wrth gyfrifiadur
Cynigion wedi'u gwarantu*
Ymwadiad Rhaglen

Marchnata, BSc (Anrh)

Marchnata gyda Blwyddyn Sylfaen, BSc (Anrh)

Marchnata gyda Blwyddyn Dramor, BSc (Anrh)

Marchnata gyda Blwyddyn mewn Diwydiant, BSc (Anrh)