Rheoli Busnes (Gweithrediadau), BSc (Anrh)

Mae clirio ar agor!

Gwnewch gais nawr
myfyrwyr yn gweithio gyda'i gilydd

Mae'r cwrs hwn ar gael trwy Glirio

Cymorth a Chefnogaeth Clirio 0808 175 3071

Trosolwg o'r Cwrs

Ydych chi'n chwilio am radd i roi hygrededd penodol i chi ar gyfer rheoli gweithrediadau busnes mewn modd pendant ar lefel fyd-eang, genedlaethol neu leol?

Os ydych chi wedi'ch ysgogi i ddeall a gwella sut mae cynnyrch a gwasanaethau yn cael eu dylunio a'u cyflenwi, gan arbenigo mewn gweithrediadau, e-fusnes ac ymgynghoriaeth reoli, dyma'r llwybr i chi.

Y radd BSc Rheoli Busnes ym Mhrifysgol Abertawe yw'r rhaglen fwyaf sefydledig yn yr Ysgol Reolaeth, ac mae'n adnabyddus am feithrin rheolwyr busnes hynod fedrus sy'n meddwl mewn modd masnachol. Mae graddedigion wedi mynd ymlaen i weithio i frandiau mwyaf y byd gan gynnwys Shell UKMarks & SpencerBloomberg a Tata

Yn ogystal ag arbenigo mewn gweithrediadau, bydd y cwrs Rheoli Busnes hwn yn eich galluogi i feithrin arbenigedd modern hanfodol mewn marchnata, entrepreneuriaeth, ymgynghoriaeth reoli, cyllid, e-fusnes, strategaeth a rheoli adnoddau dynol.

Pam Rheoli Busnes (Gweithrediadau) yn Abertawe?

  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.
  • Wedi'i achredu gan gyrff a gydnabyddir yn genedlaethol, gan gynnwys y CMI, sef yr unig sefydliad sy'n gallu dyfarnu statws Rheolwr Siartredig – yr anrhydedd uchaf i arweinwyr a rheolwyr
  • Gallwch chi deilwra eich cwrs i'ch diddordebau a'ch nodau gyrfa chi – dewiswch o blith detholiad enfawr o fodiwlau dewisol
  • Datblygwch allu ymarferol ar gyfer y byd go iawn gan ein darlithwyr o'r radd flaenaf sydd â phrofiad heb ei ail ym meysydd diwydiant ac academaidd
  • Cymuned amrywiol o fyfyrwyr o dros 60 o wledydd gwahanol
  • Yn rhan o adeilad yr Ysgol Reolaeth gwerth £22 miliwn ar Gampws y Bae

Eich Profiad Rheoli Busnes (Gweithrediadau)

Mae Rheoli Busnes (Gweithrediadau) yn Abertawe yn radd hyblyg sy’n cynnig cyfle i astudio dramor am flwyddyn, neu weithio mewn diwydiant am flwyddyn. Gall hyn roi mantais gystadleuol sylweddol i chi ac ehangu'ch gorwelion pan ddaw'r amser i chwilio am gyflogaeth.

Bydd y cymysgedd o fodiwlau busnes craidd a modiwlau penodol mewn gweithrediadau, e-fusnes ac ymgynghoriaeth reoli yn amhrisiadwy wrth chwilio am swyddi ar ôl graddio. Mae ein detholiad eang o fodiwlau dewisol o'r ail flwyddyn a'r drydedd flwyddyn yn eich galluogi i lywio'r radd yn unol â'ch nodau gyrfa penodol chi.

Mae'r addysgu yn Abertawe'n cael ei lywio'n rhannol gan ymchwil ac mae gan ein staff brofiad personol o ddamcaniaeth ac ymarfer, sy'n golygu y gallwch chi elwa o'u harbenigedd academaidd a'u gwybodaeth ymarferol am y diwydiant.

Yn ogystal â'ch paratoi am yrfa fel rheolwr gweithrediadau mewn busnes, mae gennym wasanaethau cymorth ar gael i'ch helpu i sefydlu'ch busnes eich hun.

Yn ystod eich amser gyda ni, bydd gennych chi hefyd fynediad llawn i'n hystafell arloesol ar gyfer creu fideos a chynnwys digidol a chyfleusterau o'r radd flaenaf yn yr Ysgol Reolaeth.

Cyfleoedd Cyflogaeth Rheoli Busnes (Gweithrediadau)

Ar ôl graddio mewn Rheoli Busnes o Abertawe, gan arbenigo mewn gweithrediadau, byddwch chi mewn sefyllfa wych i sicrhau cyflogaeth sy'n rhoi boddhad mewn unrhyw fusnes.

P'un a ydych chi'n targedu Shell UK, Marks & Spencer neu Tata, bydd y radd hon yn eich gwneud yn ymgeisydd cryf ar gyfer unrhyw ddarpar gyflogwr. Gallai eich cam nesaf fod yn unrhyw un o'r rolau canlynol:

  • Ymgynghorydd Gweithrediadau a Chyflenwi
  • Ymgynghorydd Ariannol
  • Dadansoddwr neu Ymchwilydd
  • Swyddog Gweithredol E-fasnach
  • Ymgynghorydd Rheoli
  • Rheolwr Datblygu Busnes

Modiwlau

Bydd astudiaethau cynnar yn rhoi sylfaen gadarn i chi ym meysydd cyfrifeg, cyllid, marchnata a rheoli gweithrediadau. Yn ystod blynyddoedd diweddarach eich astudiaethau, gallwch chi deilwra eich astudiaethau drwy ddewis o ddetholiad o fodiwlau arbenigol gwahanol yn unol â'r yrfa o'ch dewis, fel y manylir isod.

Rheoli Busnes (Gweithrediadau)

Rheoli Busnes (Gweithrediadau) gyda Blwyddyn Dramor

Rheoli Busnes (Gweithrediadau) gyda Blwyddyn mewn Diwydiant