Gwarantau

Rydym yn gallu gwarantu llety ar gyfer y flwyddyn academaidd nesaf os ydych wedi gwneud y canlynol:

• Dewis Abertawe fel eich dewis cyntaf neu ddewis yswiriant (ail)
• Wedi ymgeisio am lety erbyn 30 Gorffennaf
• Cadarnhau eich derbyn i astudio erbyn 20 Awst

I warantu y cewch le mewn preswylfa, rhaid eich bod:

• Yn astudio ar sail amser llawn
• Yn cwrdd â thelerau eich cynnig gan Abertawe
• Os ydych yn cyflwyno cais am lety erbyn 30 Gorffennaf (bydd ceisiadau a dderbynnir ar ôl 30 Gorffennaf yn cael eu dyrannu yn ôl dyddiad, ochr yn ochr â myfyrwyr yswiriant a myfyrwyr clirio).

Nid yw'r gwarant uchod am lety mewn neuaddau preswyl yn berthnasol i geisiadau clirio a cheisiadau hwyr; serch hynny, rydym yn ceisio ymestyn hyn iddynt hwy os yw'n bosib.
Sylwer bod y gwarant ar gyfer ystafell mewn neuaddau preswyl, nid ydym yn gallu gwarantu ystafelloedd penodol, blociau na safleoedd preswylio gan fod rhai preswylfeydd yn boblogaidd iawn ac mae nifer y ceisiadau'n fwy na nifer y lleoedd sydd ar gael.

Rhoddir blaenoriaeth i fyfyrwyr ôl-raddedig rhyngwladol ar gyfer lleoedd ym mhreswylfeydd y Brifysgol. Mae pob myfyriwr ôl-raddedig rhyngwladol yn gymwys i gyflwyno cais am lety'r Brifysgol.

Bydd gennym rai ystafelloedd ar gael ym mhreswylfeydd y Brifysgol ar gyfer myfyrwyr ôl-raddedig o’r Deyrnas Unedig, ac rydym yn croesawu ceisiadau am y rhain. Yn ogystal, bydd llawer o fyfyrwyr yn penderfynu byw oddi ar y campws mewn tŷ neu fflat a rennir. Ewch i'n tudalen tai sector preifat i chwilio am ystafelloedd a thai sydd ar gael.