CYRSIAU HYD ANSAFONOL

Cyrsiau Hyd Ansafonol

Menyw yn eistedd wrth ddesg ar ei chliniadur gyda`i pethau personol o`i chwmpas

Nid yw pob cwrs yn dechrau ac yn gorffen ar yr un pryd, a bydd hyn yn effeithio ar eich cais am lety. Mae cyrsiau safonol yn para am 42-44 wythnos, sef hyd ‘nodweddiadol’ cyrsiau israddedig. Gallwch wirio dyddiadau eich tymhorau yma.

Os bydd eich cwrs yn dechrau wythnosau cyn y flwyddyn academaidd ‘nodweddiadol’, neu'n para am ran ohoni'n unig, yna gallwn helpu. Bydd angen i chi nodi dyddiadau eich cwrs ar eich cais am lety a gallwn geisio eich helpu drwy gynnig llety addas.

Yn barod i gyflwyno cais?

Eich Camau Nesaf

Wrth gyflwyno cais am lety, nodwch ddyddiad dechrau a diwedd eich cwrs er mwyn i ni allu dynodi eich llety'n briodol.

MYFYRWYR YSGOL FEDDYGAETH AC YSGOL IECHYD A GOFAL CYMDEITHASOL PRIFYSGOL ABERTAWE

Rydym yn ceisio darparu llety i alluogi myfyrwyr ar gyrsiau hyd ansafonol i fyw gyda'i gilydd, fel na fyddant yn byw ar eu pennau eu hunain yn y llety ar ddechrau ac ar ddiwedd eu cwrs. Rydym am i chi gael y profiad gorau o fyw yn eich llety a'ch galluogi i fyw gyda myfyrwyr sy'n byw mewn ffordd debyg, a all gynnwys lleoliadau gwaith neu waith sifft.

Mae hyd tenantiaethau ar gyfer y cyrsiau isod yn wahanol i'r rhan fwyaf o gyrsiau gradd yn y Brifysgol:

Cwrs:
• Ymarfer Uwch
• Peirianneg Meddalwedd Gymhwysol (Prentisiaeth)
• Graddau Prentisiaeth (Coleg Cambria)
• Gweithiwr Iechyd Meddwl Proffesiynol Cymeradwy (AMHP)
• Astudiaethau Iechyd Cymunedol
• Technegwyr Argyfyngau Meddygol (EMT)
• Ymarfer Parafeddygol Uwch
• Ymarfer Proffesiynol Uwch
• Meddygaeth i Raddedigion (GEM)
• Gwyddor Gofal Iechyd
• Y Gyfraith, Ymarfer Cyfreithiol, Drafftio Uwch, Cwrs Ymarfer Cyfreithiol (LLM)
• Gofal Mamolaeth
• Bydwreigiaeth
• Nyrsio (Oedolion/Plant/Iechyd Meddwl) – Blwyddyn 1
• Therapi Galwedigaethol
• Ymarfer yr Adran Lawdriniaethau
• Osteopatheg
• Gwyddor Barafeddygol
• Gofal yn ystod Llawdriniaeth
• TAR Gynradd neu Uwchradd gyda Statws Athro Cymwysedig
• Cydymaith Meddygol
• Gwaith Cymdeithasol

Cyflwyno cais:
Wrth gyflwyno cais am lety ar-lein, bydd angen i chi ddewis y canlynol:

• Dan gategori'r cais, dewiswch y canlynol: CYRSIAU GWYDDOR IECHYD (Nyrsys, Gofal Iechyd, etc)

Pe bai'n well gennych beidio â byw gyda myfyrwyr eraill sy'n astudio ar gyrsiau â dyddiadau ansafonol, byddwch yn ymwybodol y bydd angen i chi sicrhau llety amgen rhwng dechrau eich cwrs a phrif gyfnod croesawu myfyrwyr y Brifysgol.

Os bydd angen i chi newid dyddiadau contract, a wnewch chi gysylltu â ni i nodi'r dyddiad newydd, gan amlinellu'r newid gofynnol yn glir, a gallwn geisio eich helpu gyda hyn. Os yw llety wedi'i neilltuo i chi eisoes ac mae'r dyddiadau'n newid, efallai y caiff fflat wahanol ei neilltuo i chi. Mae hyn i sicrhau y byddwch yn dechrau ar yr un pryd â myfyrwyr eraill sy'n astudio ar yr un dyddiadau â'ch cwrs.

Os yw'r cwrs rydych yn ei astudio'n dilyn dyddiadau safonol, yna gallwch gyflwyno cais i fyw mewn unrhyw lety.

Myfyrwyr ymweld a chyfnewid

Myfyrwyr ymweld a chyfnewid – Myfyrwyr sy'n cyrraedd

Ar ôl i'ch cynnig i astudio yn Abertawe gael ei dderbyn, bydd tîm Ewch yn Fyd-eang yn anfon gwybodaeth atoch sy'n cynnwys eich rhif myfyriwr, y gallwch ei ddefnyddio i gwblhau eich cais am lety ar-lein. Ni allwch gwblhau eich cais heb yr wybodaeth gan dîm Ewch yn Fyd-eang.

Er nad ydym yn ymrwymo i ddarparu llety ar gyfer myfyrwyr ymweld a chyfnewid, mae croeso i chi gyflwyno cais serch hynny. I gael y cyfle gorau i sicrhau llety, dylech gyflwyno cais cyn:

Blwyddyn lawn (Medi – Mehefin): 30 Mehefin

Semester 1 (Medi – Ionawr): 30 Mehefin

Semester 2 (Ionawr – Mehefin): 30 Tachwedd

Pryd byddaf yn gwybod bod llety ar gael i mi?
Blwyddyn lawn: Fel arfer, bydd myfyrwyr ymweld a chyfnewid yn cael cynnig ystafelloedd ar ôl i ni gyflawni'n hymrwymiad i neilltuo ystafelloedd i'n myfyrwyr amser llawn. Bydd hyn yn digwydd ar ôl i'r rhan fwyaf o fyfyrwyr dderbyn canlyniadau eu harholiadau tua diwedd mis Awst. Yna caiff cynigion eu hanfon bron bob dydd.

Un semester: Dylech dderbyn cynnig ystafell o fewn pythefnos i gyflwyno cais, neu o leiaf bythefnos cyn cyrraedd. Gwiriwch eich cyfrif e-bost a llety am y newyddion diweddaraf ynghylch neilltuo llety.

Fel arfer, ni fydd modd terfynu eich contract yn gynnar ar ôl i chi ei lofnodi. Bydd yn rhaid i chi gadw at amodau eich contract ac efallai y bydd angen i chi ymgymryd â phroses apelio er mwyn cael eich rhyddhau.

Talu eich Ffïoedd Llety

Myfyrwyr Ymweld o'r Unol Daleithiau sy'n Talu Ffïoedd yn Unig

Hyd yn oed os bydd eich prifysgol gartref yn Unol Daleithiau America'n talu costau eich llety'n uniongyrchol i Brifysgol Abertawe, chi sy'n gyfrifol am drefnu eich llety eich hun, ond ni fydd yn rhaid i chi dalu unrhyw beth i ni heblaw am eich blaendal cadw lle wrth gyflwyno eich cais ar-lein. Cysylltwch â'r swyddfa astudio dramor yn eich prifysgol gartref i holi a yw hyn yn berthnasol i chi.

Myfyrwyr Abertawe sy'n Astudio Dramor – Myfyrwyr sy'n gadael

Os ydych yn astudio i ffwrdd o Abertawe am ran o'r flwyddyn, rydym yn deall y gall fod yn anos dod o hyd i lety. Felly, mae rhai opsiynau am lety ar gael yn ein preswylfeydd.

Os ydych yn Abertawe ar gyfer y canlynol:

Myfyrwyr blwyddyn lawn (Medi – Mehefin)

Os byddwch yn cofrestru ar gyfer ein llety ac yn canfod eich bod yn astudio dramor, bydd angen i chi wneud y canlynol:

Rhoi gwybod i ni erbyn 30 Mehefin
Anfon llythyr ymlaen oddi wrth eich adran
Cyflwyno cais arall am lety'r flwyddyn ganlynol
Caiff unrhyw flaendal cadw lle a dalwyd am y flwyddyn honno ei drosglwyddo i'r cais a gyflwynir y flwyddyn ganlynol

Semester 1 (Medi – Ionawr) neu Semester 2 (Ionawr – Mehefin)

• Gallwch gyflwyno cais am lety ar gyfer un semester
• Fel arall, gallwch archwilio opsiynau yn y sector preifat.
Er ein bod yn ymrwymo y cewch gynnig ystafell, sylwer y bydd opsiynau cyfyngedig ar gael.

Llety yn y Sector Preifat

Byddwn yn eich helpu i ddod o hyd i dai a fflatiau a rennir yn y sector preifat, ac yn darparu rhestr o'r llety preifat sydd ar gael drwy Studentpad, cyfleuster ar-lein i chwilio am dŷ.