Benthyg, adnewyddu a rhoi cais ar eitemau llyfrgell

Gellir rhoi cais ar eitemau llyfrgell gan ddefnyddio ein Gwasanaeth Cais a Chasglu.

Os ydych yn rhoi cais ar eitem sydd ar gael ar y silff yn un o'n llyfrgelloedd, rhoddir yr eitem ar gael i chi i'w casglu o'ch llyfrgell ddewisedig. Os ydy pob copi o'r eitem eisoes wedi’u fenthyg neu'u neilltuo ar gyfer benthycwyr eraill, cedwir y copi nesaf sydd ar gael ar eich cyfer, i'w casglu o'ch llyfrgell ddewisedig, pan ddychwelwyd yr eitem gan y benthyciwr cyfredol.

Gwybodaeth bwysig ynglŷn â rhoi cais ar eitemau:

• Ni all defnyddwyr y llyfrgell fenthyg neu roi cais ar ail gopi o eitem sydd eisoes ganddynt ar fenthyg.
• Gall staff a myfyrwyr cael uchafswm o 15 o geisiadau ar eu cyfrif llyfrgell ar unrhyw un adeg.
• Ni all benthycwyr allanol rhoi cais ar eitemau.
• Na allwn ddweud gyda sicrwydd y dyddiad bydd yr eitem ar gael i chi ei benthyg.
• Anfonir hysbysiad e-bost atoch i roi gwybod pan bod yr eitem rydych chi wedi ei gofyn amdano yn barod i'w casglu o'ch llyfrgell ddewisedig.

Cyflwynwyd Adnewyddiadau Awtomatig i wneud pethau'n haws. Bydd eitemau ar fenthyg o'r llyfrgell yn adnewyddu yn awtomatig oni bai y gofynnir amdanynt. Felly mae'n hanfodol bod ceisiadau'n cael eu rhoi ar unrhyw eitemau yr hoffech eu benthyca sydd ar fenthyg i ddefnyddwyr eraill y llyfrgell ar hyn o bryd. Fodd bynnag, gallwch barhau i ffonio neu e-bostio'r llyfrgell i wneud cais ar lyfr. Cofiwch fod rhif eich myfyriwr yn barod. Y tu allan i oriau mae yna gyfleuster llais.

Sut i fenthyg eitem o'r llyfrgell

Gall y rhan fwyaf o eitemau o'r llyfrgell cael eu benthyg drwy ddefnyddio ein ciosgau hunan-fenthyca. Y cwbl sydd rhaid ei wneud yw sganio'ch cerdyn adnabod y Brifysgol ar y ciosg (gall benthycwyr allanol sganio eu cerdyn llyfrgell neu gerdyn adnabod eu sefydliad cartref), a gosodwch eich eitem(au) yn y peiriant er mwyn eu trosglwyddo i'ch cyfrif llyfrgell. Gallwch hefyd fenthyg eitemau o ddesg y llyfrgell.

Gall rhai eitemau cael eu benthyg o ddesg y llyfrgell yn unig, er enghraifft, benthyciadau rhwng llyfrgelloedd, theses ac eitemau eraill o storfeydd y llyfrgell, a chyfarpar hygyrchedd arbenigol.

Pa lyfrgell y gallaf i fenthyg oddi wrthi?

Gall staff a myfyrwyr Prifysgol Abertawe benthyg eitemau o unrhyw un o'n pum llyfrgell: Llyfrgell Parc Singleton, Llyfrgell y Bae, Llyfrgell y Glowyr De Cymru, Llyfrgell Banwen a Llyfrgell Parc Dewi Sant.

Gall benthycwyr allanol benthyg eitemau o unrhyw o'n llyfrgelloedd heblaw am Barc Dewi Sant, lle gellir defnyddio adnoddau ar sail cyfeirio yn unig.

Gall staff a myfyrwyr gofyn trosglwyddo eitem o'r llyfrgell lle leolir yr eitem, i'r llyfrgell le hoffent ei fenthyg, drwy ddefnyddio ein Gwasanaeth Cais a Chasglu.

Israddedigion, Ôl-raddedigion a Staff

Nifer eitemau:
Gall myfyrwyr a staff gael hyd at 30 o eitemau allan ar fenthyg ar yr un pryd (gan gynnwys uchafswm o 15 eitem o Lyfrgell Parc Dewi Sant).

Cyfnodau Benthyca:
Y cyfnod benthyca arferol yw 4 wythnos ar wahân i'r eithriadau canlynol:

• Os oes galw mawr am eitemau (pan geir nifer o geisiadau gan ddefnyddwyr eraill y llyfrgell i fenthyca'r eitem), caiff y cyfnod benthyca ei gwtogi i 1 wythnos nes bod yr holl geisiadau am yr eitem wedi'u bodloni.
• Os bydd defnyddiwr arall yn cyflwyno cais am eitem sydd gennych chi ar fenthyg, caiff y benthyciad ei adalw a bydd y cyfnod benthyca presennol yn cael ei gwtogi i 1 wythnos o’r dyddiad adalw.

Cyfnodau Benthyca Gliniaduron:
I fyfyrwyr, y cyfnod benthyca gliniaduron o'r loceri gliniaduron yw pythefnos.

Ceisiadau: 
Gall myfyrwyr a staff fod ag uchafswm o 15 cais ar eu cyfrifon llyfrgell ar unrhyw adeg benodol.

Ymwelwyr Allanol

Nifer Eitemau:
Gall benthycwyr allanol gael hyd at 5 eitem allan ar fenthyg  ar yr un pryd (gan unrhyw lyfrgell ac eithrio Llyfrgell Parc Dewi, lle gall benthycwyr allanol ddefnyddio deunyddiau'r llyfrgell at ddiben cyfeirio yn unig).

Cyfnodau Benthyca:
Y cyfnod benthyca arferol yw 4 wythnos. Sylwer y gellir adalw pob benthyciad, ac os bydd myfyriwr neu aelod o staff Prifysgol Abertawe yn cyflwyno cais am eitem sydd ar fenthyg gennych chi, caiff y benthyciad ei adalw a bydd y cyfnod benthyca presennol yn cael ei gwtogi i 1 wythnos o'r dyddiad adalw. Os yw'r benthyciad o fewn wythnos o'i ddyddiad dyledus eisoes ar yr adeg adalw, ni fydd y dyddiad dyledus yn newid. Os caiff benthyciad ei adalw, cewch eich hysbysu drwy e-bost i'r cyfeiriad e-bost a ddarparwyd gennych wrth gofrestru fel benthyciwr allanol.

Ceisiadau:
Ni chaiff benthycwyr allanol gyflwyno cais am eitemau na gofyn iddynt gael eu hadalw.

Adnewyddiadau awtomatig

Mi fydd y rhan fwyaf o fenthyciadau o'r llyfrgell yn cael eu hadnewyddu yn awtomatig nes eich bod yn dychwelyd yr eitem i'r llyfrgell. Mae yn rhai eithriadau i adnewyddiadau awtomatig. Er enghraifft, ni fydd benthyciad yn adnewyddu yn awtomatig yn yr amgylchiadau canlynol:

• Mae defnyddiwr arall y llyfrgell wedi rhoi cais ar yr eitem
• Mae'r benthyciad wedi cyrraedd y cyfnod hiraf a chaniateir ar gyfer adnewyddiadau (1 flwyddyn ar gyfer myfyrwyr israddedig; 3 flwyddyn ar gyfer myfyrwyr ôl-raddedig a staff; 4 wythnos ar gyfer benthycwyr allanol)
• Mae cyfrif llyfrgell y benthyciwr ar fin terfynu ar ddiwedd y cyfnod benthyca cyfredol
• Mae cyfrif llyfrgell y benthyciwr wedi'i rhwystro - e.e. oherwydd adalwadau orddyledus a/neu dirywion dyledus dros £25
• Nid yw'r eitem yn gymwys i gael ei adnewyddu - e.e. gliniaduron, cyfarpar arbenigol, thesisau ac eitemau eraill o storfeydd y llyfrgell
• Mae'r eitem ar fenthyciad rhwng llyfrgelloedd

Os nad ydy'ch benthyciad yn gymwys i gael ei adnewyddu, bydd angen ei dychwelyd i'r llyfrgell erbyn y dyddiad dyladwy.

Sut bydda i'n gwybod os gellir adnewyddu fy menthyciad?

Pan fydd hi'n bryd i'ch benthyciad adnewyddu'n awtomatig, bydd system y llyfrgell yn adnewyddu'r eitem ei hun, heb gysylltu â chi. Ond os nad oes modd adnewyddu eich benthyciad yn awtomatig am ba reswm bynnag, byddwch yn cael e-bost i'ch hysbysu bod yr eitem yn ddyledus a'r dyddiad pan fydd angen ei dychwelyd.

Gallwch hefyd wirio statws presennol eich benthyciadau drwy fewngofnodi i’ch cyfrif iFind. Gallwch wirio eich cyfrif llyfrgell hefyd yn unrhyw un o'r ciosgau hunanwasanaeth yn adeiladau ein llyfrgelloedd.

Bydd y sgrîn Eich Benthyciadau yn dangos eich holl ddyddiadau dyledus presennol ac yn dweud wrthych chi os nad os modd adnewyddu benthyciad. Cofiwch y gall statws eich benthyciadau newid, e.e. os yw eitem wedi cael ei hadalw, ond byddwch yn cael e-bost yn eich hysbysu am unrhyw newidiadau.

Mae Datganiadau Cyfrif Llyfrgell yn cael eu hanfon bob mis at yr holl fenthycwyr drwy e-bost, i'w hatgoffa'n gwrtais o'r holl eitemau sydd wedi'u benthyca ar gyfrif y defnyddiwr.

Os oes gennych ymholiad am eich cyfrif llyfrgell neu fenthyciadau, cysylltwch â Llyfrgelloedd a Chasgliadau. Rydyn ni yma i helpu!

I ble y dylid dychwelyd benthyciadau llyfrgell?

Gellir dychwelyd y rhan fwyaf o eitemau'r llyfrgell i unrhyw un o'n safleoedd llyfrgell, pa bynnag llyfrgell le gwnaethoch chi eu benthyg. Gwiriwch yr oriau agor cyfredol ar gyfer y safle le rydych am ddychwelyd eich eitemau. Ni ellir dychwelyd eitemau pan bod yr adeiladau ar gau.

Sylwch: rhaid dychwelyd gliniaduron a benthyciwyd o'r loceri gliniadur yn Llyfrgelloedd Parc Singleton a'r Bae i'r un llyfrgell le gwnaethoch chi fenthyg y gliniadur.

Sut i ddychwelyd eitemau i'r llyfrgell

Mae ciosgau hunan-dychwelyd eitemau ar gael yn Llyfrgell Parc Singleton, Llyfrgell y Bae, Llyfrgell y Glowyr De Cymru a Llyfrgell Parc Dewi Sant. Dyma'r ffordd fwyaf hawdd a chyflym i ddychwelyd eich eitemau, a gallwch hefyd dewis cael derbynneb dychwelyd o'r ciosg drwy e-bost.

Gellir dychwelyd y rhan fwyaf o fenthyciadau o'r llyfrgell drwy'r ciosgau hunan-dychwelyd, ond rhaid dychwelyd rhai eitemau i ddesg y llyfrgell, gan gynnwys:

• Benthyciadau rhwng llyfrgelloedd a benthyciwyd drwy'r gwasanaeth Cyflenwi Dogfennau
• Thesisau ac eitemau o'r casgliadau arbennig a gedwir yn storfeydd y llyfrgell
• Benthyciadau cyfarpar arbenigol megis gliniaduron a fenthycir dros gyfnod hir, recordwyr llais digidol, meddalwedd hygyrchedd a dolenni clyw is-goch

Gellir dychwelyd eitemau i ddesg y llyfrgell yn ystod oriau agor y ddesg yn unig.

Dychwelyd eitemau drwy'r post

Os nad ydych yn gallu dychwelyd eitem yn bersonol i'r llyfrgell, gallwn hefyd derbyn rhai dychweliadau drwy'r post. Cyfrifoldeb y benthyciwr yw'r tâl post. Cysylltwch â Llyfrgelloedd a Chasgliadau yn gyntaf, os oes angen i chi dychwelyd eitem drwy'r post.

Dychwelyd yn hwyr

Os rydych yn dychwelyd eitemau ar ôl eu dyddiad dyladwy, mae'n bosib cewch eich dirwyo. Mae dirwyon hwyr yn berthnasol i bob dosbarth benthycwyr, gan gynnwys staff academaidd. Gweler yr adran Dirwyon a thaliadau llyfrgell isod am fwy o wybodaeth am ddirwyon hwyr.

Os nad ydych yn gallu dychwelyd eitem erbyn y dyddiad dyladwy, gofynnwn i chi i gysylltu â Llyfrgelloedd a Chasgliadau cyn gynted ag sy'n bosib, gan efallai bydd effaith ar ddefnyddwyr eraill y llyfrgell y mae angen defnyddio'r eitem arnynt.
Os oes gennych chi amgylchiadau esgusodol sy'n eich rhwystro rhag dychwelyd eitem yn brydlon, rhowch wybod i ni cyn i'r eitem dod yn orddyledus os gwelwch yn dda.

Dirwyon hwyr

Cyfrifoldeb y benthyciwr yw sicrhau ei fod yn dychwelyd pob benthyciad o'r llyfrgell yn brydlon ac mewn cyflwr da. Os rydych yn dychwelyd eitem ar ôl ei dyddiad dyladwy, mae'n bosib cewch eich dirwyo. Mae dirwyon hwyr yn berthnasol i bob dosbarth benthycwyr, gan gynnwys staff academaidd.

Codir dirwyon fel y ganlyn os caiff eitem ei dychwelyd yn hwyr:

Sylwch: os oes gan fenthyciwr dirwyon o £25 neu yn fwy, rhwystrir ei gyfrif llyfrgell rhag gallu benthyg neu adnewyddu ym mhellach, tan fod y dirwyon dyledus wedi'u dod o dan £25.

Ni chodir dirwyon hwyr ar eitemau o Lyfrgell y Glowyr De Cymru neu Lyfrgell Banwen. Gall taliadau ar gyfer amnewid eitemau coll neu sydd wedi'u niweidio dal i fod ym mherthnasol.

Gwybodaeth bwysig ynglŷn â dyddiadau dyladwy

• Mae'n bosib caiff cyfnodau benthyg eu byrhau o adwelir eitem ar gyfer defnyddiwr arall y llyfrgell. Cewch eich hysbysu drwy e-bost am unrhyw adalwadau o'ch benthyciadau a newidiadau i'ch dyddiadau dyladwy.
• Ni fydd pob benthyciad yn gymwys i gael ei adnewyddu yn awtomatig ar bob adeg.
  • Mae defnyddiwr arall y llyfrgell wedi rhoi cais ar yr eitem
  • Mae'r benthyciad wedi cyrraedd y cyfnod hiraf a chaniateir ar gyfer adnewyddiadau (1 flwyddyn ar gyfer myfyrwyr israddedig; 3 flwyddyn ar gyfer myfyrwyr ôl-raddedig a staff; 4 wythnos ar gyfer benthycwyr allanol)
  • Mae cyfrif llyfrgell y benthyciwr ar fin terfynu ar ddiwedd y cyfnod benthyca cyfredol
  • Mae cyfrif llyfrgell y benthyciwr wedi'i rhwystro - e.e. oherwydd adalwadau orddyledus a/neu dirywion dyledus dros £25
  • Nid yw'r eitem yn gymwys i gael ei adnewyddu - e.e. gliniaduron, cyfarpar arbenigol, thesisau ac eitemau eraill o storfeydd y llyfrgell
  • Mae'r eitem ar fenthyciad rhwng llyfrgelloedd
• Os nad ydy'ch benthyciad yn gymwys i gael ei adnewyddu yn awtomatig, anfonir e-bost hysbys atoch i roi gwybod am y dyddiad erbyn pryd y dylid dychwelyd y benthyciad.
• Yn ogystal â negeseuon e-bost hysbys o'r llyfrgell, gallwch hefyd gwirio'ch dyddiadau dyladwy a statws adnewyddu/adalw eich benthyciadau drwy gofnodi i mewn i'ch cyfrif iFind.
• Cyfrifoldeb y benthyciwr yw gwirio ei e-bost neu ei gyfrif iFind i gadw'n hysbys am ddyddiadau dyladwy.

Eitemau coll neu sydd wedi'u niweidio

Os bydd eitem sydd gennych ar fenthyg yn mynd ar goll neu yn cael ei niwedidio, efallai codir tal ar gyfer amnewid yr eitem. Gofynnwn i chi i gysylltu â  cyn gynted ag sy'n bosib os mae eitem rydych wedi'i fenthyg wedi mynd ar goll neu wedi'i niweidio.

Gallwn gyhoeddi copïau o lyfrau sydd ar gael i chi ar gais. Ni allwn ond lyfrau postio i gyfeiriadau yn y DU. Byddwch yn atebol am gost y postio (cyfraddau post parsel). Bydd y tâl yn cael ei ychwanegu at eich cofnod llyfrgell a gallwch dalu'r ffi hon drwy'r post neu'r tro nesaf rydych chi yn y llyfrgell. Cyn gofyn am fenthyciad drwy'r post, gwiriwch a oes gennym y llyfr (au) mewn stoc trwy bori iFind (Catalog y Llyfrgell). 

Gellir llungopïo neu sganio erthyglau cylchgrawn a darnau o lyfrau i chi (yn ddarostyngedig i gyfraith hawlfraint). Gellir casglu llungopïau o unrhyw lyfrgell Prifysgol Abertawe neu gallwn eu postio atoch chi. Fe'ch codir am gost y llungopïo a'r sganio sy'n 10c yr A4; ac am unrhyw bostio, os yw'n berthnasol.

Gwybodaeth Bwysig - Faint y gallwch chi ei gopïo i mi? Am resymau hawlfraint, ni all y llyfrgell ond gyflenwi un bennod o lyfr neu erthygl sengl o bwnc cylchgrawn. Os oes angen mwy nag un bennod neu erthygl arnoch, bydd angen i chi drefnu ymweld â'r llyfrgell neu fenthyca'r llyfr trwy'r gwasanaeth LibraryPlus.

Os nad oes gennym y bennod neu'r erthygl lyfrau sydd ei hangen arnoch, gallwch wneud cais i'r Gwasanaeth Cyflenwi Dogfennau.