Mae pob un o'n gradd llwybr at Feddygaeth yn cynnig cyfweliad gwarantedig ar gyfer Meddygaeth i Raddedigion yn ein Hysgol Feddygaeth.
Os na chawsoch chi le ar gwrs Meddygaeth a'ch bod yn gwneud cais prifysgol drwy'r broses Glirio, mae ein llwybrau gradd yn ddewis delfrydol i chi.
Mae Gwyddorau Meddygol Cymhwysol yn faes astudio amlddisgyblaethol sy'n canolbwyntio ar agweddau biolegol iechyd a chlefydau dynol. Mae'n cyfuno egwyddorion o fioleg, cemeg, a disgyblaethau gwyddonol eraill i ddeall mecanweithiau sylfaenol clefydau, datblygu offer diagnostig, ac archwilio triniaethau ac ymyriadau. Mae gwyddonwyr meddygol Cymhwysol yn chwarae rhan hanfodol wrth ddatblygu gwybodaeth feddygol a gwella gofal iechyd.
Mae Biocemeg Feddygol yn rhaglen sy'n canolbwyntio ar astudio biocemeg gyda phwyslais penodol ar ei chymwysiadau mewn meddygaeth a gofal iechyd. Mae Biocemeg Feddygol yn faes arbenigol sy'n canolbwyntio ar y prosesau biocemegol a'r moleciwlau sy'n gysylltiedig ag iechyd a chlefydau dynol. Trwy astudio gradd Biocemeg Feddygol bydd myfyrwyr yn archwilio sut mae celloedd, meinweoedd, ac organau yn gweithredu ar lefel foleciwlaidd a sut y gall aflonyddwch yn y prosesau hyn arwain at gyflyrau meddygol.
Mae Geneteg Feddygol yn faes cyffrous sy'n symud yn gyflym ac sy'n cael effaith aruthrol ar Feddygaeth. Mae Geneteg Feddygol yn canolbwyntio ar astudio anhwylderau genetig, a'r ffactorau genetig sy'n dylanwadu ar iechyd a chlefydau dynol. Mae gradd mewn geneteg feddygol yn rhoi'r wybodaeth a'r sgiliau i unigolion weithio ar y groesffordd rhwng geneteg a gofal iechyd, gan wneud cyfraniadau hollbwysig at ddiagnosis, triniaeth ac atal anhwylderau genetig a chlefydau etifeddol. Bydd gradd mewn Geneteg Feddygol yn helpu i'ch paratoi trwy ddeall y wyddoniaeth sy'n chwyldroi Meddygaeth.
Ffarmacoleg Feddygol yw'r wyddoniaeth y tu ôl i gyffuriau a meddyginiaethau, eu heffeithiau ar systemau byw, a'u rôl wrth drin afiechyd. Mae'r math hwn o raglen radd wedi'i chynllunio i roi dealltwriaeth ddofn i fyfyrwyr o ffarmacoleg a'i chymwysiadau mewn gofal iechyd ac ymarfer clinigol. Mae'n ymwneud yn arbennig â datblygiad, defnydd, ac effeithiau meddyginiaethau yng nghyd-destun ymarfer meddygol, gan gynnwys deall mecanweithiau cyffuriau, cymwysiadau therapiwtig, a sgîl-effeithiau posibl. Mae gradd mewn ffarmacoleg feddygol yn rhoi'r wybodaeth a'r sgiliau i unigolion weithio ar y groesffordd rhwng ffarmacoleg a gofal iechyd, gan gyfrannu at y defnydd diogel ac effeithiol o feddyginiaethau mewn ymarfer clinigol ac ymchwil.
Rhaglen Gwyddorau Meddygol ac Iechyd Poblogaethau Prifysgol Abertawe yw eich porth i yrfa ddeinamig a gwerth chweil ym myd gofal iechyd, epidemioleg a pholisi iechyd y cyhoedd. Mae ein Rhaglen Gwyddorau Meddygol ac Iechyd Poblogaethau arloesol wedi'i chynllunio i roi'r wybodaeth, y sgiliau a'r profiad ymarferol sydd eu hangen arnoch i ragori ym maes iechyd y boblogaeth sy'n datblygu'n gyflym. Gyda phwyslais cryf ar ddysgu rhyngddisgyblaethol, mae'r rhaglen hon yn cyfuno'r gwyddorau meddygol, iechyd y cyhoedd a'r gwyddorau cymdeithasol yn ddi-dor, gan roi dealltwriaeth gyfannol i chi o systemau iechyd a gofal iechyd.
Rydym yn falch iawn o'r cyfleoedd mae ein graddau Llwybrau'n eu cynnig i'n myfyrwyr, rydym yn cynnig nifer o raddau Dim Llwybrau i Feddygaeth a fydd yn eich rhoi wrth wraidd cynnig cymorth y mae ei angen ar gleifion a chefnogi gwneud penderfyniadau clinigol i gael cleifion ar y ffordd i adferiad. Mae gwella iechyd a lles cymunedau yn ymagwedd un tîm, ac rydym yn cynnig amrywiaeth o gyfleoedd clinigol.
Graddau sydd ar gael:
Mae myfyrwyr sy'n dewis llwybr i feddygaeth yn elwa ar fodiwlau pwrpasol a arsylwadau iechyd neu gysylltiedig. Cânt eu paratoi'n arbenigol ar gyfer gwneud cais i'n cwrs Meddygaeth i Raddedigion ochr yn ochr â chyfweliad gwarantedig ar gyfer ein cwrs Meddygaeth i Raddedigion.
Rydym yn gwarantu cyfweliad i raddedigion sydd ar ein Llwybrau israddedig penodol ar gyfer ein rhaglen Meddygaeth i Raddedigion, cyhyd a'u bod yn cyrraedd y gofynion mynediad pan yn gwneud cais, ac yn cwblhau'r llwybr israddedig yn llwyddiannus.
Bydd myfyrwyr sy'n cyrraedd y meini prawf mynediad yn gymwys am Gyfweliad Gwarantedig yn eu blwyddyn olaf, ond dim ond unwaith y caiff fyfyrwyr ddefnyddio'r Cyfweliad Gwarantedig, yn eu blwyddyn olaf o astudio.
