Prifysgol Talaith Fflorida

Sefydliad addysgu ac ymchwilio a gydnabyddir yn rhyngwladol yw Prifysgol Talaith Fflorida, a ddosbarthwyd yn “Brifysgol Ymchwil gyda Safon Ymchwil Uchel Iawn” gan Sefydliad Carnegie. Mae rhai o’r Colegau mwyaf poblogaidd yn cynnwys y Celfyddydau a’r Gwyddorau, Busnes, Gwyddorau Cymdeithasol, Addysg a Gwyddoniaeth Ddynol. Mae myfyrwyr blaenorol wedi cael cyfle i weithio ochr yn ochr ag enillwyr Gwobrau Nobel a Gwobrau Pulitzer, Cymrodorion Guggenheim ac athrawon ac ymchwilwyr eraill a gydnabyddir yn fyd-eang. Mae'r Brifysgol yn cynnig Canolfan Hamdden i Fyfyrwyr sy'n cynnwys 120,000 o droedfeddi sgwâr yn nghanol y campws, gyda thros 100 o ddosbarthiadau ffitrwydd grŵp wythnosol am ddim, a gynigir ar y cyd â hyfforddiant personol a ardystiwyd gan NSCA. Mae'r cyfleuster hwn yn cynnwys tri chwrt pêl-fasged o'r maint cywir yn ôl rheoliadau, pwll nofio ac ardal sba sy'n cynnwys trobyllau, ystafelloedd ager a sawna. Ac, os nad ydych wedi ymlacio gormod wedi hynny, gallwch dreulio'ch amser yn gwylio lliwiau Prifysgol Talaith Fflorida garned ac aur, a wisgir gan dimau chwaraeon rhyng-golegol "Pobl Seminole Talaith Fflorida". Yn ystod hanes 113 o flynyddoedd Prifysgol Talaith Fflorida, mae'r timau chwaraeon sy'n ei chynrychioli wedi ennill 20 o bencampwriaethau athletaidd cenedlaethol ac mae athletwyr Seminole wedi ennill 78 o bencampwriaethau cenedlaethol NCAA unigol. P'un a ydych yn mynd â'ch ffrindiau i fowlio yn Crenshaw Lanes, yn gwylio ffilm yn Student Life Cinema neu'n darllen ac yn ysgrifennu ar gyfer papur newydd y campws, rydych yn siŵr o dreulio cyfnod bythgofiadwy ym Mhrifysgol Talaith Fflorida.

Ni fydd modd treulio blwyddyn dramor yn y brifysgol hon os oes gennych asesiadau, megis arholiadau atodol neu wedi'u
gohirio, yn ystod cyfnod asesu mis Awst ym Mhrifysgol Abertawe.