Llenyddiaeth Saesneg, MA

Datblygu Sgiliau Uwch mewn amrywiaeth o Fodiwlau Llenyddiaeth Saesneg

Ffotograff o fyfyrwyr yn mwynhau astudio yn y llyfrgell

Trosolwg o'r Cwrs

Mae'r MA mewn Llenyddiaeth Saesneg yn eich galluogi i astudio amrywiaeth ddiddorol o destunau Saesneg a manteisio ar arbenigedd ymchwil unigol ein staff profiadol.

Chi fydd yn dewis eich llwybr drwy'r cwrs, o blith dewis o fodiwlau diddorol o'r MA mewn Saesneg a chyfuniad o raddau MA arbenigol eraill fel yr MA mewn Rhywedd a Diwylliant.

Gallai hyn olygu eich bod yn cyfuno rhywedd a hiwmor yn yr Ewrop ganoloesol a modern cynnar â modiwl ar ysgrifennu dramâu radio.

Bydd prosiect traethawd hir 60-credyd yn ail hanner y cwrs yn canolbwyntio ar bwnc o'ch dewis.

Pam Llenyddiaeth Saesneg yn Abertawe?

Mae'r ysgol wedi’i leoli ar ein campws ysbrydoledig ym Mharc Singleton, ar barcdir sy’n edrych dros Fae Abertawe.

Wedi’i dylunio i hyrwyddo gweithgareddau ymchwil unigol a chydweithredol o safon ryngwladol, mae'r Ganolfan i Raddedigion yn darparu amgylchedd cefnogol ar gyfer ymchwil ôl-raddedig ac astudio cwrs meistr a addysgir.

Mae hyfforddiant ôl-raddedig ar gael er mwyn gwella datblygiad academaidd a phroffesiynol, yn ogystal â rhaglenni seminar, gweithdai a chynadleddau rhyngwladol.

Eich Profiad Llenyddiaeth Saesneg

Byddwch yn astudio nifer benodol o fodiwlau 20-credyd dewisol cyn cyflawni prosiect traethawd hir 60-credyd o'ch dewis chi yn ystod ail hanner y cwrs.

Ymhlith y modiwlau amrywiol mae sgiliau ymchwil lefel uwch mewn Saesneg, hunaniaethau Cymreig, ysgrifennu creadigol nad yw'n ffuglennol, ysgrifennu dramâu radio, ysgrifennu sgriptiau, rhywedd a diwylliant, James Joyce a theori lenyddol, a ffuglen a phŵer.

Mae ysgrifennu dramâu yn gryfder addysgu arbennig, ac mae'n cynnwys maes cymharol newydd, nas archwiliwyd, Dramayddiaeth.

Cyfleoedd Cyflogaeth Llenyddiaeth Saesneg

Byddwch yn meithrin sgiliau llafar ac ysgrifennu creadigol ardderchog ac yn dysgu sut i gyflwyno eich syniadau mewn amrywiaeth o fformatau.

Mae graddedigion o’r cwrs hwn yn ymuno ag amrywiaeth o ddiwydiannau creadigol gan gynnwys cyhoeddi, darlledu, marchnata a hysbysebu. Maent hefyd yn mynd ati i astudio graddau ymchwil a dilyn gyrfa academaidd.

Modiwlau

Byddwch yn astudio nifer benodol o fodiwlau 20-credyd dewisol cyn cyflawni prosiect traethawd hir 60-credyd o'ch dewis chi. Ymhlith y modiwlau mae sgiliau ymchwil lefel uwch mewn Saesneg, hunaniaethau Cymreig, ysgrifennu creadigol nad yw'n ffuglennol, ysgrifennu dramâu radio, ysgrifennu sgriptiau, rhywedd a diwylliant, James Joyce a theori lenyddol, a ffuglen a phŵer.