Ysgrifennu Creadigol (Estynedig), MA

Astudia Ysgrifennu Creadigol a Datblygu Sgiliau Ysgrifennu'r Cyfryngau

Delwedd o fyfyrwyr yn mwynhau astudio yn y llyfrgell

Trosolwg o'r Cwrs

Mae ein gradd MA Ysgrifennu Creadigol (Estynedig) yn cynnig manteision ein cwrs MA sy’n para blwyddyn, lle byddwch yn cael eich hyfforddi i ysgrifennu testun llenyddol a chyfryngau, ynghyd â chyfnod o astudio dramor yn ein sefydliad partner yn yr Unol Daleithiau i ddatblygu eich sgiliau ysgrifennu a'ch profiad o hynny.

Yn ystod eich dwy flynedd o astudio byddwch yn cael eich addysgu mewn ystod eang o genres, gan gynnwys ffuglen, barddoniaeth, ffuglen wyddonol, ysgrifennu sgrîn a ffeithiol greadigol, gan dreulio'ch amser yn Abertawe yn meithrin cysylltiadau personol â Theatr Genedlaethol Cymru, Gwobr Ryngwladol Dylan Thomas, y Sefydliad Diwylliannol a chyhoeddwyr annibynnol ac asiantau llenyddol, ac yn datblygu eich sgiliau, eich profiad a’ch cyflogadwyedd yn ystod eich semester dramor ym Mhrifysgol Canolbarth Oklahoma.

Pam Ysgrifennu Creadigol (Estynedig) yn Abertawe?

Mae'r rhaglen Ysgrifennu Creadigol yn Abertawe wedi'i gwreiddio mewn amgylchedd gweithdy dychmygus sy'n grymuso myfyrwyr i fod yn ddysgwyr gweithredol, hunanbenderfynol. Pwysleisiwn greadigrwydd, annibyniaeth, ac integreiddio damcaniaeth ac ymarfer, er mwyn sicrhau bod pob myfyriwr yn cael profiad addysgol unigryw, wedi'i deilwra i'w anghenion a'i waith creadigol.

Mae ein gradd Estynedig 2 flynedd yn hyrwyddo gweithgarwch ymchwil unigol a chydweithredol o safon ryngwladol, a byddwch yn elwa o gymunedau deinamig a chreadigol Abertawe ac Edmond, Oklahoma yn ystod eich astudiaethau, i wella eich sgiliau a'ch profiad ar lefel ryngwladol.

Eich Profiad Ysgrifennu Creadigol (Estynedig)

Drwy gydol eich astudiaethau byddwch yn datblygu'r sgiliau i ddatgloi eich dychymyg a'ch creadigrwydd, gan hogi crefft adrodd straeon a barddoniaeth, o naratif a llais, i ffurf a strwythur.

Bydd eich astudiaethau yn Abertawe yn cynnwys ffuglen, barddoniaeth, ysgrifennu sgrîn, ffeithiol, drama a chyhoeddi, ynghyd â gweithdai ymarferol a darlithoedd gwadd o fyd celf a chyhoeddi rhyngwladol (trwy'r Sefydliad Diwylliannol), a bydd eich semester ym Mhrifysgol Canolbarth Oklahoma yn cynnwys 60 credyd ychwanegol o addysgu mewn meysydd fel ysgrifennu comedi a dychan, ffuglen wyddonol a ffantasi, ac ysgrifennu i blant.

Drwy gydol eich astudiaethau byddwch yn cael eich cefnogi gan dimau academaidd profiadol, arobryn sy'n meithrin amgylchedd dysgu cyfeillgar a chefnogol, gan eich helpu i ddod o hyd i’ch llais unigryw fel ysgrifennwr.

Cyfleoedd Cyflogaeth Ysgrifennu Creadigol (Estynedig)

Mae ein MA Estynedig mewn Ysgrifennu Creadigol yn rhoi'r sgiliau, yr wybodaeth a'r profiad i’ch galluogi i ymgysylltu â'r diwydiannau creadigol, ynghyd â’r hyder i gyflwyno eich prosiectau creadigol a'ch gwaith ar draws sawl llwyfan creadigol. Bydd eich semester ym Mhrifysgol Canolbarth Oklahoma yn datblygu eich sgiliau ysgrifennu creadigol, gan roi profiad i chi o astudio a byw dramor, gan brofi gwahanol ddiwylliannau, ehangu eich gorwelion a gwella eich cymwysterau cyflogadwyedd.

Mae ein graddedigion wedi mynd ymlaen i weithio mewn amrywiaeth o rolau ym meysydd cyhoeddi, darlledu, marchnata a hysbysebu, ac mae llawer yn gweithio fel awduron cyhoeddedig arobryn.

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Cynnig Nodweddiadol

2:2