Ysgrifennu Creadigol (Estynedig), MA

Astudia Ysgrifennu Creadigol a Datblygu Sgiliau Ysgrifennu'r Cyfryngau

Delwedd o fyfyrwyr yn mwynhau astudio yn y llyfrgell

Trosolwg o'r Cwrs

Mae'r MA mewn Ysgrifennu Creadigol yn rhaglen unigryw ysbrydoledig sy'n darparu hyfforddiant integredig ym maes ysgrifennu testun llenyddol a thestun ar gyfer y cyfryngau.

Mae'r cwrs hwn, a addysgir gan awduron profiadol adnabyddus, yn cwmpasu amrywiaeth o genres yn cynnwys ffuglen, y stori fer, barddoniaeth, drama, ysgrifennu sgriptiau ac ysgrifennu creadigol nad yw'n ffuglennol.

Bydd eich astudiaethau yn cydblethu â diwylliant llenyddol unigryw Cymru, sydd ag un o'r traddodiadau barddol hynaf yn Ewrop.

Mae’r MA mewn Ysgrifennu Creadigol (EMA) yn gymhwyster ôl-raddedig gwerth 240 credyd sy’n gyfwerth â 120 ECTS (System Trosglwyddo Credydau Ewropeaidd) ac felly mae’n gymhwyster Meistr sy’n cael ei gydnabod ledled yr Undeb Ewropeaidd. Mae’r EMA yn radd Meistr safonol yn y DU gyda 60 credyd ychwanegol (30 ECTS) ac mae’r gwaith cwrs ychwanegol hwn yn cael ei gwblhau dros un semester mewn sefydliad partner dramor. Felly, nid yn unig mae’r EMA yn gymhwyster ôl-raddedig a gydnabyddir, ond mae’n ychwanegu profiad o astudio dramor, gan wella buddion cyflogadwyedd y cymhwyster.

Pam Ysgrifennu Creadigol (Estynedig) yn Abertawe?

Fel rhan o gymuned fywiog o awduron ac artistiaid yn Abertawe, cewch y cyfle i feithrin cysylltiadau personol â Theatr Genedlaethol Cymru a digwyddiadau mic-agored mewn lleoliadau fel Canolfan Dylan Thomas a Howl. Bydd cyfle hefyd i gael profiad gwaith gyda chyhoeddwyr lleol.

Mae Coleg y Celfyddydau a’r Dyniaethau wedi’i leoli ar ein campws bywiog ym Mharc Singleton, ar barcdir sy’n edrych dros Fae Abertawe.

Wedi’i dylunio i hyrwyddo gweithgareddau ymchwil unigol a chydweithredol o safon ryngwladol, mae'r Ganolfan i Raddedigion yn darparu amgylchedd cefnogol ar gyfer ymchwil ôl-raddedig ac astudio cwrs meistr a addysgir.

Mae’n cynnig hyfforddiant ôl-raddedig er mwyn gwella datblygiad academaidd a phroffesiynol, ac mae’n hwyluso rhaglenni seminar, gweithdai a chynadleddau rhyngwladol.

Eich Profiad Ysgrifennu Creadigol (Estynedig)

Byddwch yn astudio nifer benodol o fodiwlau 20-credyd dewisol, cyn cyflawni traethawd hir ysgrifennu creadigol 60-credyd yn ystod ail hanner y cwrs.

Ymhlith y modiwlau amrywiol mae ffuglen hir, ysgrifennu dramâu radio, ysgrifennu sgriptiau, James Joyce a theori lenyddol, y cyfryngau byd-eang a newyddiaduraeth gymharol.

Mae ysgrifennu dramâu yn gryfder addysgu arbennig, ac mae'n cynnwys maes cymharol newydd, nas archwiliwyd, Dramayddiaeth.

Cewch y cyfle i ysgrifennu ar gyfer y cyfnodolyn ar-lein The Swansea Review, y cyfnodolyn ar-lein a gaiff ei redeg gan fyfyrwyr The Siren, a phapur newydd y myfyrwyr The Waterfront.

Ar Ddiwrnod blynyddol yr Awduron yng Nghanolfan Dylan Thomas, gallwch gwrdd â golygyddion, asiantiaid, cyhoeddwyr ac awduron, er mwyn trafod y byd cyhoeddi a'r grefft o ysgrifennu yn fanwl.

Byddwch hefyd yn cael budd o weld gwesteion gwadd o fyd y celfyddydau a chyhoeddi, ac aelodaeth am ddim o Lenyddiaeth Cymru, yr asiantaeth hyrwyddo llenyddiaeth genedlaethol.

Cyfleoedd Cyflogaeth Ysgrifennu Creadigol (Estynedig)

Yn ogystal â gwella eich sgiliau ysgrifennu'n sylweddol, dylech feithrin sgiliau cyfathrebu llafar drwy ddysgu sut i gyflwyno eich syniadau mewn amrywiaeth o fformatau.

Mae graddedigion o’r cwrs hwn yn ymuno ag amrywiaeth o ddiwydiannau creadigol gan gynnwys cyhoeddi, darlledu, marchnata a hysbysebu.

Modiwlau

Byddwch yn astudio set o fodiwlau 20-credyd opsiynol cyn ymgymryd â thraethawd hir ysgrifennu creadigol gwerth 60 credyd. Ymysg yr ystod eang o fodiwlau mae ffuglen hir, ysgrifennu dramâu radio, ysgrifennu sgriptiau, James Joyce a damcaniaeth lenyddol, y cyfryngau byd-eang a newyddiaduraeth gymharol.