Economeg, MSc

Datblygwch y sgiliau a ddisgwylir gan economegydd proffesiynol

Myfyrwyr

Trosolwg o'r Cwrs

Hoffech chi gael gyrfa ddynamig mewn llywodraeth, busnes neu gyllid sy'n galw am arbenigedd mewn economeg ac sy'n talu'n dda?  Oes gennych sgiliau meddwl yn feirniadol a dadansoddi ardderchog ac ydych chi'n gyfathrebwr da?

Mae Economeg yn chwarae rôl bwysig ym myd busnes, gan ddarparu dealltwriaeth o gymhellion ac ymddygiad cwsmeriaid, cyflenwyr, cystadleuwyr, cyflogwyr ac arianwyr. Mae'n hollbwysig hefyd ar gyfer llywio prosesau penderfynu strategol a gweithredol rheolwyr a chyfarwyddwyr. Ar y cynllun gradd hwn, byddwch yn dysgu sgiliau trosglwyddadwy a fydd yn eich gwneud yn ddeniadol iawn i gyflogwyr yn y sectorau cyhoeddus a phreifat ac yn hwyluso'ch llwybr i yrfa sy'n talu cyflog uchel.

Mae eich rhaglen MSc mewn Economeg ym Mhrifysgol Abertawe wedi'i chynllunio  ar gyfer graddedigion mewn meysydd perthynol i economeg sy'n chwilio am raglen uwch i gyfoethogi eu gyrfaoedd neu i archwilio cyfleodd i wneud ymchwil pellach.

Byddwch yn meithrin y sgiliau a'r arbenigedd a ddisgwylir gan yr economydd proffesiynol, gan ddatblygu'ch gallu i ddeall a chynnal ymchwil arloesol mewn sefyllfaoedd damcaniaethol ac ymarferol.

Bydd y sgiliau trosglwyddadwy, soffistigedig ac amlochrog, y byddwch yn eu datblygu ar y cwrs hwn yn agor drysau neu'n darparu pont i amrywiaeth eang o lwybrau gyrfaol, llai arbenigol, eraill mewn masnach, diwydiant a'r byd academaidd.

Pam Economeg yn Abertawe?

  • Caiff yr holl fodiwlau eu haddysgu gan ein hacademyddion o'r radd flaenaf sy'n meddu ar wybodaeth academaidd a phrofiad proffesiynol
  • Mae ein staff yn cynghori sefydliadau ac asiantaethau'r llywodraeth yn rheolaidd ar ddatblygu polisïau ac ymchwil economaidd ac yn cyhoeddi mewn cyfnodolion ymchwil rhyngwladol

Eich Profiad Economeg

O'r funud rydych yn cyrraedd yr Ysgol y Gwyddorau Cymdeithasol, byddwn yn gweithio gyda chi i’ch helpu i feithrin eich sgiliau a'ch profiad er mwyn cyfoethogi'ch cyfleoedd gyrfa.

Cewch gyngor pwrpasol, un i un, diderfyn ar yrfaoedd gan ein tîm gyrfaoedd ymroddedig. Cewch gyfle i wneud lleoliad gwaith neu interniaeth drwy Rwydwaith Interniaeth â Thâl Abertawe (SPIN) neu'r fenter Wythnos o Waith.

Mae gennym gysylltiadau cryf ag amrywiaeth o sefydliadau blaenllaw gan gynnwys Dell ac Ernst and Young.

Mae ein holl fyfyrwyr yn elwa o rannu'r safle arloesol ar Gampws y Bae â phartneriaid diwydiannol. Mae ein cyfleusterau'n cynnwys mannau wedi'u neilltuo i addysgu ac astudio, a chyfleusterau TG helaeth â'r galedwedd a'r feddalwedd arbenigol ddiweddaraf.

Cyfleoedd Cyflogaeth Economeg

Mae gennym brofiad helaeth o leoli ein graddedigion gyda chwmnïau amlwladol mawr.

Bydd eich rhaglen MSc mewn Economeg yn darparu'r sgiliau i'ch galluogi i adeiladu gyrfa ffyniannus mewn amgylchedd cystadleuol, mewn amrywiaeth o sectorau.

Modiwlau

Byddwch yn astudio amrywiaeth o fodiwlau gorfodol a dewisol yn semester un a dau'r cwrs hwn, cyn ymgymryd â phrosiect/traethawd hir yn annibynnol yn eich trydydd semester.

Dyma rai o'r modiwlau nodweddiadol: Econometreg, Micro-economeg a Macro-economeg.  Gallwch astudio modiwlau dewisol hefyd.

 Ymwadiad: Gall dewis modiwlau newid