Polisi Cyhoeddus (Estynedig), MA

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

Y gofyniad mynediad nodweddiadol yw gradd gyntaf mewn unrhyw gefndir, 2:2 (55 y cant ar lleiafswm) neu uwch fel arfer, neu’r hyn sy’n cyfateb i hynny.  

Ar gyfer ymgeiswyr sy'n siarad Saesneg fel iaith gyntaf, rydym yn gofyn am sgôr IELTS gyffredinol o 6.5 (gydag isafswm o 5.5 ym mhob cydran) neu mewn prawf Saesneg cyfwerth.

Mae’r Adran Gwleidyddiaeth, Athroniaeth a Chysylltiadau Rhyngwladol yn cynnig portffolio o 5 rhaglen ôl-raddedig a addysgir sy’n arwain at radd Meistr y Celfyddydau (MA) ar sail blwyddyn o astudio (ar sail amser llawn). Mae’r rhan fwyaf ohonynt yn cynnwys amrywiad estynedig sy’n caniatáu i fyfyrwyr dreulio semester dramor. Gall myfyrwyr hefyd gofrestru ar sail amser llawn neu ran-amser ac astudio am dystysgrif (60 credyd) neu ddiploma (120 credyd), yn hytrach na gradd (180 credyd).

Staff yr adran sy’n addysgu’r rhan fwyaf o’r rhaglenni, ond mae rhai ohonynt yn cynnwys cydweithrediad ag adrannau neu ysgolion eraill, yn enwedig wrth ddarparu modiwlau dewisol. Daw ein myfyrwyr ôl-raddedig o'r Deyrnas Unedig ac Ewrop, ond hefyd o Asia, Affrica, yr Amerig a'r Môr Tawel, sy'n darparu cyfoeth o amrywiaeth ddiwylliannol i'n prifysgol a'n dinas.  Gall myfyrwyr tramor wneud cais am gyfres o ysgoloriaethau sy’n seiliedig ar astudio gyda ni, gan gynnwys Ysgoloriaethau Chevening a’r Gymanwlad.

Mae pob rhaglen MA yn cynnwys modiwlau gorfodol ynghyd â nifer o fodiwlau dewisol sy’n cael eu hargymell gan yr adran (gweler y manylion yn ôl y rhaglen isod). Fodd bynnag, gall myfyrwyr fanteisio ar y dewis sylweddol o fodiwlau ôl-raddedig a gynigir gan Gyfadran y Dyniaethau a’r Gwyddorau Cymdeithasol.

I weld yr ysgolion a’r adrannau sy’n llunio’r gyfadran: https://www.swansea.ac.uk/cy/dyniaethau-a-gwyddoraucymdeithasol/

I weld y modiwlau mae’r ysgolion a’r adrannau hyn yn eu cynnig, gweler catalog modiwlau’r brifysgol, https://intranet.swan.ac.uk/catalogue/default.asp

I gael rhagor o gyngor am opsiynau’r modiwl sydd ar gael yn ôl y rhaglen, cysylltwch ag arweinydd ôl-raddedig yr adran, Dr Gerard Clarke (g.clarke@swansea.ac.uk).

Addysgir ein graddau gan arbenigwyr sydd â gwybodaeth helaeth iawn i’w rhannu â’n myfyrwyr.

Mae rhagor o wybodaeth am ein harbenigedd academaidd ar ein tudalennau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein myfyrwyr yn bwysig i ni a'n nod yw sicrhau eich bod yn ennill y dosbarth gradd gorau. Mae gennyn system mentora personol lle y dyrennir mentor academaidd i chi. Mae gennym hefyd bolisi "drws agored" lle mae ein hathrawon academaidd ar gael i siarad â chi ar unrhyw adeg am unrhyw ymholiadau neu bryderon academaidd a allai fod gennych.

Dylech wneud cais drwy system ymgeisio fewnol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Mae'r MA Estynedig (EMA) yn gymhwyster ôl-raddedig 240 o gredydau sy'n gyfwerth â 120 o ECTS (System Trosglwyddo Credydau Ewropeaidd) ac felly mae'n gymhwyster Meistr cydnabyddedig ledled yr  Undeb Ewropeaidd. Mae'r EMA yn MA safonol yn y DU gyda 60 credyd ychwanegol (30 ETCS) ac ymgymerir â'r gwaith cwrs ychwanegol hwn dros un semester mewn sefydliad partner dramor. Felly, nid yn unig mae'r EMA yn gymhwyster ôl-raddedig cydnabyddedig yn yr UE, ond mae'n ychwanegu profiad o astudio dramor, gan wella elfen cyflogadwyedd y cymhwyster.