Gwaith Cymdeithasol, MSc

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

I gyflwyno cais am y cwrs hwn, bydd rhaid i chi feddu ar y canlynol:

• Gradd o’r DU (2:2 neu'n uwch) mewn disgyblaeth sy'n berthnasol i waith cymdeithasol neu wyddor gymdeithasol, yn ogystal â TGAU Saesneg neu Gymraeg gradd A*-C neu gymhwyster cyfwerth e.e. Sgiliau Hanfodol/Sgiliau Hanfodol lefel 2 Cyfathrebu;
• Dealltwriaeth o'r Côd Ymarfer Proffesiynol ar gyfer Gofal Cymdeithasol;
• Profiad perthnasol digonol o ofal cymdeithasol fel eich bod yn gallu dangos y gwerthoedd a'r sgiliau sy'n cyfateb i'r rhai a ddisgwylir yn gyffredinol gan weithwyr cymdeithasol
• Rhinweddau personol a deallusol priodol
• A rhaid eich bod yn gallu deall Saesneg neu Gymraeg a chyfathrebu'n effeithiol yn un neu ddwy o’r ieithoedd hyn, yn ysgrifenedig ac ar lafar.

Os bydd eich cais yn llwyddiannus, bydd rhaid i chi gael gwiriad gan y Gwasanaeth Datgelu a Gwahardd ac archwiliad gan Iechyd Galwedigaethol cyn dechrau’r rhaglen. Bydd angen i chi gofrestru gyda Gofal Cymdeithasol Cymru fel gweithiwr cymdeithasol dan hyfforddiant hefyd.

Rydyn ni'n falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Ar wahân i nifer fach o gyrsiau ar-lein yn unig, mae'r rhan fwyaf o'n cyrsiau yn cynnwys addysgu wyneb yn wyneb ar y campws, gan eich galluogi chi i ymgysylltu'n llawn â'ch darlithwyr a'ch cyd-fyfyrwyr.

Cynhelir sesiynau sgiliau ymarferol, seminarau gwaith labordy a gweithdai gan amlaf ar ffurf wyneb yn wyneb, gan alluogi myfyrwyr i weithio mewn grwpiau a gwylio arddangosiadau. Rydyn ni hefyd yn gweithredu labordai rhithwir ac amgylcheddau dysgu efelychol a fydd yn cynyddu mynediad at gyfleoedd hyfforddiant yn y dyfodol. Fodd bynnag, mae ein hymagwedd hefyd yn cynnwys rhywfaint o ddysgu ar-lein i ategu ac atgyfnerthu addysgu wyneb yn wyneb traddodiadol. 

Gall dysgu ar-lein fod yn ‘fyw’ drwy ddefnyddio meddalwedd megis Zoom, sy’n eich galluogi i ryngweithio â'r darlithydd a'r myfyrwyr eraill ac i ofyn cwestiynau. Mae recordiadau o ddarlithoedd hefyd yn rhoi mwy o hyblygrwydd i ail-ymweld â deunyddiau, adolygu ar gyfer aseiniadau a gwella dysgu y tu allan i'r ystafell ddosbarth. Mae gan rai modiwlau adnoddau ychwanegol yn Canvas, megis fideos, sleidiau a chwisiau sy'n cynnig rhagor o hyblygrwydd wrth astudio.

Mae'r cwrs hwn yn cynnwys elfennau academaidd ac ymarferol a byddwch chi'n cwblhau o leiaf 200 awr o ddysgu ymarferol ar draws y ddwy flynedd. Mae hanner y rhaglen wedi'i neilltuo ar gyfer ymarfer dan oruchwyliaeth mewn asiantaethau gwasanaethau cymdeithasol, lle bydd cyfle gennych i: ddysgu drwy arsylwi, ymarfer a chyflawni tasgau. Cynhelir y lleoliadau gwaith cymdeithasol yn awdurdodau lleol Castell-nedd Port Talbot, Abertawe, Sir Benfro, Sir Gaerfyrddin a Cheredigion.

Asesir myfyrwyr trwy draethodau ysgrifenedig, cyflwyniadau llafar, ymarferion TG, sylwebaethau myfyriol a gwaith portffolio ar draws dwy flynedd o astudio.

Asesir lleoliadau ymarfer drwy gyfuniad o waith ysgrifenedig, arsylwi ar ymarfer ac asesiadau personol, gan ddefnyddio'r Safonau Galwedigaethol Cenedlaethol ar gyfer Gwaith Cymdeithasol.

Disgwylir i chi gwblhau traethawd estynedig ar sail ymchwil a chyflwyniad poster yn eich ail flwyddyn astudio (oddeutu 15,000 o eiriau) gyda chymorth gan oruchwyliwr penodedig.

O leiaf 40 credyd

Mae'n bosib astudio o leiaf 40 credyd o'r cwrs ôl-raddedig hwn drwy gyfrwng y Gymraeg. Mae nifer o adrannau'r Brifysgol yn datblygu ac yn cynnig modiwlau cyfrwng Cymraeg neu fodiwlau dwyieithog fel rhan o'u cyrsiau felly bydd angen i ti drafod y posibiliadau gyda'r Cyfarwyddwr Rhaglen perthnasol. Gelli astudio modiwl/modiwlau trwy gyfrwng y Gymraeg lle bo'r cyfle neu gyflwyno dy draethawd estynedig yn y Gymraeg gydag arweiniad gan arbenigwr pwnc trwy gyfrwng y Gymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Yr opsiwn i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Achredir gan Gofal Cymdeithasol Cymru

Mae'r holl aelodau staff addysgu ar y cwrs yn ymchwilio yn weithgar ac yn cymryd rhan mewn gweithgarwch ymchwil ar lefel genedlaethol a rhyngwladol sy'n rhychwantu nifer o feysydd diddordeb, gan gynnwys: plant sy'n derbyn gofal, rhywioldeb a lles, cyfranogiad defnyddwyr gwasanaeth a gofalwyr mewn addysg, plant sy'n ceisio lloches ac ymfudiad, hawliau a lles plant, a chynhwysiant cymdeithasol ac anghenion gofal pobl hŷn.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gofal Cymdeithasol Cymru - Bwrsariaeth Gwaith Cymdeithasol.

Gallech chi fod yn gymwys am fwrsariaeth Gofal Cymdeithasol Cymru gwerth £25,430 (£12,715 y flwyddyn am ddwy flynedd). I gael rhagor o wybodaeth am hyn a chymorth ariannol arall sydd ar gael, ewch i wefan Gofal Cymdeithasol Cymru.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.