Nyrsio Iechyd Cyhoeddus Cymunedol Arbenigol (Nyrsio mewn Ysgolion), PGDip / MSc

I ymgeisio bydd angen i chi fod: 

• Nyrs / bydwraig lefel gyntaf wedi'i chofrestru gyda'r NMC
• Cwblhau gradd Anrhydedd yn llwyddiannus yn y DU
• Datgeliad cyfredol uwch gan y DBS
• Sefydliad lletyol priodol y Bwrdd Iechyd ac argaeledd lleoliad ymarfer addas sydd ag archwiliad addysgol cyfredol a chefnogaeth Aseswr Ymarfer a Goruchwylydd sy'n bodloni gofynion yr NMC.
• Secondiad wedi'i drafod

Cyllid wedi’i sicrhau (dim ond i nyrsys neu fydwragedd sy’n gweithio i’r GIG yng Nghymru y mae lleoedd a ariennir gan AaGIC yn berthnasol). Rhaid i nyrsys / bydwragedd sy'n gweithio y tu allan i'r GIG neu'r tu allan i Gymru ddarparu tystiolaeth o gyllid wrth wneud cais.

Drwy gydol y rhaglen disgwylir i chi gynnal eich cofrestriad ac ymarfer yn unol â'r Cod: Safonau ymddygiad, perfformiad a moeseg ar gyfer nyrsys a bydwragedd (2015).

Dylid gwneud ceisiadau yn uniongyrchol i Brifysgol Abertawe drwy gysylltu â'n Tîm Derbyn: chhsadmissions@swansea.ac.uk

Bydd cyfweliadau yn cael eu cynnal yn ystod misoedd yr haf ac mae’r cwrs yn cychwyn ar ddechrau mis Hydref pob blwyddyn. 

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. Ar wahân i nifer fach o gyrsiau ar-lein, mae'r rhan fwyaf o'n cyrsiau'n cynnwys addysgu wyneb yn wyneb ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

Yn ystod yr asesiad bydd yn rhaid i chi gwblhau portffolio clinigol Cymru Gyfan sy'n asesu elfen glinigol y rhaglen. Yn ogystal, bydd y rhan fwyaf o fodiwlau yn cynnwys asesiad academaidd. Defnyddir amrywiaeth o asesiadau i ddangos cyflawniad canlyniadau dysgu'r modiwl ac maent yn cynnwys arholiadau, traethodau, cyflwyniad a chlytwaith nas gwelwyd o'r blaen.

Sylwch, dim ond ar sail amser llawn y gellir cynnig y cwrs hwn.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Wedi'i achredu gan y Cyngor Nyrsio a Bydwreigiaeth

Cyfarwyddwr Rhaglen: Mrs Cathy Taylor, Ymwelydd Iechyd Nyrsio Iechyd Cyhoeddus Cymunedol Arbenigol

Darlithydd ac Ymwelydd Iechyd – Amanda Thomas

Darlithydd – Elizabeth Churne.

Uwch Ddarlithydd a Nyrs Ardal – Andrea Surridge

Darlithydd a Nyrs Ardal – Nia Griffin

Mae gan yr holl staff sy'n addysgu ar y rhaglen radd gyntaf o leiaf gyda'r mwyafrif yn meddu ar radd Meistr a / neu ddoethuriaeth. Bydd gan lawer gymwysterau arbenigol ee Ymwelwyr Iechyd, Nyrsio Ysgol, Nyrsio Ardal. Mae'r holl staff academaidd wedi'u cofrestru gyda'r NMC ac felly mae'n rhaid iddynt fodloni gofynion ailddilysu'r NMC.

Mae mwyafrif yr academyddion sy'n addysgu ar y rhaglen yn meddu ar gymhwyster addysgu cofnodadwy NMC (neu'n gweithio tuag ato) a/neu Gymrodoriaeth yr Academi Addysg Uwch (AAU). Mae hyn yn gydnabyddiaeth ryngwladol o ymrwymiad i broffesiynoldeb mewn addysgu a dysgu mewn addysg uwch ac mae'n dangos bod ein hymarfer yn cyd-fynd â Fframwaith Safonau Proffesiynol y DU (UKPSF).

Yn ogystal, mae’r ysgol yn cynnwys nifer o arbenigwyr eraill o fewn ei hadnoddau staff gan gynnwys darlithwyr anrhydeddus, staff cymorth academaidd ac athrawon ymarfer clinigol ac unigolion a gyflogir yn y GIG ac asiantaethau eraill sy’n cyfrannu at waith yr adran mewn amrywiaeth o ffyrdd.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Bydd cyfweliadau yn cael eu cynnal yn ystod misoedd yr haf ac mae’r cwrs yn cychwyn ar ddechrau mis Hydref pob blwyddyn. 

Specialist Community Public Health Nursing Application

Dylid gwneud ceisiadau yn uniongyrchol i Brifysgol Abertawe drwy gysylltu â'n Tîm Derbyn: chhsadmissions@swansea.ac.uk

Gellir cael rhagor o wybodaeth gan y Cyfarwyddwr Rhaglen Mrs Cathy Taylor neu drwy'r Tîm Derbyn (Ffôn: 01792 (98)7661)

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.