Deallusrwydd Artiffisial, MSc

Ymgeisio

Manylion Allweddol y Cwrs

Dull Astudio: Ar y Campws
Cynnig Nodweddiadol (gweler dewisiadau arall): 2:2
Lleoliad: Campws Bae

Dyddiad Dechrau	Ffioedd Dysgu - Blwyddyn 1
Ion 2026	£ 11,450

MSc 16 Month Llawn Amser

Dull Astudio: Ar y Campws
Cynnig Nodweddiadol: 2:2 - Gwybodaeth Rhagor
Lleoliad: Campws Bae

Dyddiad Dechrau	Ffioedd Dysgu - Blwyddyn 1
Ion 2026	£ 26,250

Mae 90% o'n hymchwil yn arwain y byd ac yn rhagorol yn rhyngwladol

Fframwaith Rhagoriaeth Ymchwil (REF) 2021

robot and human hands touching finger tips

Trosolwg o'r Cwrs

Mae ein gradd MSc Deallusrwydd Artiffisial (AI) yn darparu sylfaen gynhwysfawr yn y cysyniadau a'r technolegau sy'n angenrheidiol ar gyfer datblygu a chymhwyso deallusrwydd artiffisial mewn cyd-destunau amrywiol.

Mae'r cwrs 16 mis hwn, sy'n dechrau ym mis Ionawr, yn cynnwys egwyddorion, dulliau a systemau cyfrifiadol, sy'n berthnasol i gymwysiadau’r byd go iawn. Pwysleisir y sylfeini mathemategol, sgiliau rhaglennu a'r meddwl yn feirniadol sydd eu hangen ar gyfer deallusrwydd artiffisial.

Trwy gydol y cwrs byddwch yn archwilio pynciau deallusrwydd artiffisial clasurol, fel dysgu peirianyddol, delweddu, optimeiddio a data mawr, yn ogystal â dulliau cyfoes sy’n cynnwys prosesu iaith naturiol a deallusrwydd artiffisial symbolaidd.

Yn ystod yr haf byddwch yn cymhwyso eich gwybodaeth ar y pynciau uchod i gyfarch problem byd go iawn trwy fodiwl prosiect cydweithredol.

Pam Cyfrifiadureg yn Abertawe?

Cydnabyddir Cyfrifiadureg ym Mhrifysgol Abertawe yn adran flaenllaw yn y DU, ac mae mewn safle nodedig mewn llu o dablau sy’n adlewyrchu rhagoriaeth ymchwil ac addysgu.

Uchaf 150 Cyfrifiadureg and Peirianneg (Global Ranking of Academic Subjects 2024), Ymhlith y 201-250 orau yn y byd (Tablau Prifysgolion y Byd THE 2025)
Ymhlith y 201-250 orau yn y byd ar gyfer Cyfrifiadureg a Systemau Gwybodaeth (Tablau Prifysgolion y Byd QS 2025)
100% ar gyfer arwain y ffordd yn fyd-eang a sgoriau ardderchog yn rhyngwladol ar gyfer effaith ymchwil - Fframwaith Rhagoriaeth Ymchwil 2021

Fe'ch dysgir gan arbenigwyr cyfrifiaduron ysbrydoledig megis yr Athro Matt Jones, a gydnabyddir yn eang fel arweinydd wrth rymuso cymunedau digidol gwledig yn y DU ac ar draws y byd datblygol.

Eich profiad Cyfrifiadureg

Byddwch chi wedi'ch lleoli yn y Ffowndri Gyfrifiadol ar ein Campws y Bae, sef canolbwynt ein cymuned fywiog ar gyfer arweinwyr ymchwil o safon fyd-eang ym maes cyfrifiadureg.

Yn ystod y cwrs gradd hwn, cewch eich addysgu gan aelodau staff o grwpiau ymchwil Deallusrwydd Artiffisial sy'n adnabyddus yn rhyngwladol, gan gynnwys yr Athro Matt Jones y dyfarnwyd Cymrodoriaeth fawreddog bersonol o 5 mlynedd iddo gan y Cyngor Ymchwil Peirianneg a'r Gwyddorau Ffisegol (EPSRC) i ddilyn agenda ymchwil Deallusrwydd Artiffisial anturus ac uchelgeisiol.

Mae ein gwybodaeth am ddatblygiadau parhaus ym maes Deallusrwydd Artiffisial yn helpu i gadw’r hyn a ddysgir gennych yn gyfoes ac yn berthnasol i’r diwydiant ehangach.

Caiff ein labordai eu huwchraddio yn barhaus i sicrhau na fydd cyfarpar byth yn fwy na thair blwydd oed, ac yn brin iawn yn fwy na dwy flwydd oed. Mae tri labordy sydd wedi'u cysylltu â'r rhwydwaith yn llawn ar waith ar hyn o bryd.

Cyflogaeth Cyfleoedd Cyfrifiadureg

Mae gradd Meistr mewn Deallusrwydd Artiffisial yn rhoi'r sgiliau a'r wybodaeth angenrheidiol i ddilyn ystod eang o yrfaoedd ar draws amrywiaeth o ddiwydiannau. Dyma rywfaint o deitlau swyddi y gall graddedigion roi ystyriaeth iddynt:

Gwyddonydd Ymchwil Deallusrwydd Artiffisial
Peiriannydd Dysgu Peirianyddol
Datblygwr Meddalwedd Deallusrwydd Artiffisial
Peiriannydd Roboteg
Peiriannydd Gweledigaeth Gyfrifiadurol
Peiriannydd Prosesu Iaith Naturiol
Pensaer Atebion Deallusrwydd Artiffisial
Arbenigwr Dysgu Dwfn
Rheolwr Cynnyrch Deallusrwydd Artiffisial
Peiriannydd Systemau Awtonomaidd
Hyfforddwr Deallusrwydd Artiffisial
Dylunydd Rhyngweithio â Llais
Arbenigwr Gweithredu Deallusrwydd Artiffisial
Dadansoddwr Polisi Deallusrwydd Artiffisial

Mae'r rolau hyn yn cynnwys nifer o ddiwydiannau, gan gynnwys technoleg, cyllid, gofal iechyd, moduro, gweithgynhyrchu, adloniant a mwy. Mae'r galw am arbenigedd ym maes Deallusrwydd Artiffisial yn tyfu ac mae gweithwyr proffesiynol â sgiliau deallusrwydd artiffisial uwch mewn sefyllfa dda i fanteisio ar yr amrywiaeth o gyfleoedd sydd ar gael yn y maes deinamig hwn.

Modiwlau

Mae rhan gyntaf yr MSc hon yn cynnwys chwe modiwl, gan gynnwys modiwl prosiect grŵp dros yr haf. Yn yr ail ran, byddwch yn medru canolbwyntio ar brosiect ymchwil gwerth 60 credyd.

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Blwyddyn 1 (Lefel 7T)

FHEQ 7 Taught Masters / PGDip / PGCert

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
Research Methods	September-January (TB1)	20	CSCM010J
Optimisation Techniques	September-January (TB1)	20	CSCM072
Machine Learning	September-January (TB1)	20	CSCM445
Symbolic AI and Natural Language Processing	January-June (TB2)	20	CSCM422
Data Mining & Analytics	January-June (TB2)	20	CSCM435
Artificial Intelligence Development & Solutions	June-September (TB3)	20	CSCM424

Blwyddyn 2 (Lefel 7D)

FHEQ 7 Taught Masters Dissertation

Modiwlau Gorfodol
Enw'r Modiwl	Hyd y Modiwl	Credydau	Cod y Modiwl
MSc Project	September-June (TB1+2)	60	CSPM20

Gofynion Mynediad

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

Lleiafswm 2:2 (neu gyfwerth) mewn cyfrifiadureg neu ddisgyblaeth gysylltiedig.

IELTS 6.0 (gydag o leiaf 5.5 ymhob elfen) neu brawf Saesneg cyfatebol.

Hefyd, bydd gofyniad i chi feddu ar rywfaint o wybodaeth am raglennu.

Eich Addysgu

Byddwch chi’n cael eich asesu gan gyfuniad o arholiadau ysgrifenedig, gwaith cwrs a Thraethawd Estynedig ar y cwrs.

Darpariaeth Gymraeg

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Tiwtor Personol Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

ddatblygiad naturiol i ti os wyt ti wedi astudio trwy'r Gymraeg ar lefel israddedig.
ffordd o sicrhau dy gyfle i gael yr addysg orau.
ffordd o dderbyn lefel uchel o gefnogaeth wrth i'r grwpiau astudio fod yn llai.
ychwanegiad gwerthfawr i dy CV a dy ddatblygiad gyrfaol.

Cwrdd â'ch Darlithwyr

Byddwch yn ymuno â'n cymuned Gwyddoniaeth Cyfrifiadurol, a dysgwch gan ddarlithwyr sy'n arwain y byd sy'n frwdfrydig iawn am eu hymchwil yn gweithio tuag at Nodau Cynaliadwy'r Cenhedloedd Unedig i lunio'r byd er gwell. Mae ein meysydd ymchwil yn cynnwys arian cyfred Crypto, diogelwch data, cyberterrorism a thechnolegau rhyngweithio yn y Dyfodol.

Gweler ein holl staff Cyfrifiadureg

Ffioedd Dysgu

Dyddiad Dechrau	D.U.	Rhyngwladol
Ionawr 2025	£ 10,900	£ 25,000
Ionawr 2026	£ 11,450	£ 26,250

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Sut i wneud cais

Dylech wneud cais drwy system ymgeisio fewnol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.