Mathemateg, MSc

Gradd Anrhydedd 2:2 neu gyfwerth mewn Mathemateg, Cyfrifiadureg, Peirianneg neu Ffiseg.

IELTS 6.0 (gydag isafswm o 5.5 ym mhob cydran) neu brawf Saesneg cyfwerth.

Byddwch yn cael eich asesu drwy gyfuniad o arholiadau ysgrifenedig, gwaith cwrs a thraethawd hir ar y cwrs.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Byddwch yn cael eich addysgu gan ein staff academaidd blaenllaw, gan ddarlithwyr sy'n weithredol wrth gyfrannu at Nodau Datblygiad Cynaliadwy'r Cenhedloedd Unedig drwy waith ymchwil sy'n arwain y ffordd yn fyd-eang mewn meysydd megis ymchwil i ganser, mathemateg bellach mewn ysgolion a modelu mathemategol ac ystadegol.

Yr Athro Elaine Crooks, Neate, A.D.Pennaeth yr Adran

Dr Andrew Neate, Cyfarwyddwr y Rhaglen

Yr Athro Chenggui Yuan, Tiwtor Derbyn Myfyrwyr Ôl-raddedig a Addysgir

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein darlithwyr yn gweithredu polisi 'drws agored,' felly gallwch sgwrsio â nhw am unrhyw bryderon a allai fod gennych. Nid oes yn rhaid i'r rhain fod yn gysylltiedig â'r cwrs yn unig; mae ein staff academaidd yno i'ch helpu gydag unrhyw beth yn ystod eich amser yn Abertawe.

Mae gan bob cwrs Gynrychiolydd Myfyrwyr. Maen nhw yno i wneud yn siŵr bod llais pob myfyriwr yn cael ei glywed. Eu rôl yw gwrando ac adrodd eich barn, mynd i gyfarfodydd rheolaidd a sicrhau bod y bobl sy'n gallu gwneud newidiadau yn gwrando ar y bobl sydd yn wirioneddol bwysig – chi!

Rydym yn cynnig mentora academaidd a mentora cymheiriaid. Pennir Mentor Academaidd i bob myfyriwr ar ein cyrsiau israddedig, a fydd yn cynnig Arweiniad Academaidd i chi yn ogystal â chyngor ar ddod o hyd i gymorth am faterion personol a chael mynediad at y cyngor hwn. Mae ein cynllun mentora cymheiriaid ar waith er mwyn helpu myfyrwyr newydd i ymgartrefu yn y Brifysgol yma yn Abertawe. Byddwch yn cael cyfle i siarad â'ch mentor a all ddweud wrthych am ei brofiadau fel myfyriwr, ac yn cael cyfle hefyd i gael sgwrs am fywyd myfyriwr. Mae'r cynllun mentora cymheiriaid yn ffordd wych o gwrdd â myfyrwyr ac ehangu eich cylch ffrindiau tra byddwch yn Abertawe.

Gallwch hefyd gael cymorth am faterion personol gyda'n hystod eang o wasanaethau cymorth i fyfyrwyr megis BywydCampws, Gwasanaethau Cymorth Cynhwysol i Fyfyrwyr a'r Ganolfan Llwyddiant Academaidd.

Dylech wneud cais drwy system ymgeisio fewnol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.