Gwyddoniaeth Glinigol (Ffiseg Feddygol), MSc

Cyflawni Rhagoriaeth mewn Ffiseg Radiotherapi a Diogelwch Ymbelydredd

MRI Scanner

Trosolwg o'r Cwrs

Hoffech chi gael gyrfa fel ffisegydd meddygol sy'n cyfrannu'n uniongyrchol at driniaeth a gofal claf? Dyma rôl arbenigol yn y diwydiant iechyd sy'n cynnwys cyfleoedd i wneud gwaith labordy, ymchwil sylfaenol a chynhwysol, yn ogystal â rheoli ac addysgu.

Addysgir y radd tair blynedd MSc mewn Gwyddoniaeth Glinigol (Ffiseg Feddygol) yn yr Ysgol Feddygaeth ac mae'n adeiladu ar gydweithrediad sydd eisoes ar y gweill â'r GIG. Mae'n darparu'r prif lwybr i gymhwyso am deitl proffesiynol Gwyddonydd Clinigol ym maes Ffiseg Feddygol.

Mae’r rhaglen wedi’i hachredu  gan Ysgol Genedlaethol Gwyddoniaeth Gofal Iechyd (NSHCS) ac mae'n darparu'r gydran academaidd o'r Rhaglen Hyfforddiant Gwyddonydd ar gyfer ffisegwyr meddygol dan hyfforddiant, o fewn y fframwaith Moderneiddio Gyrfaoedd Gwyddonol a ddiffiniwyd gan Adran Iechyd y DU.

Mae'r cwrs hwn yn cynnig cyfle i chi arbenigo mewn naill ai ffiseg radiotherapi neu ddiogelwch ymbelydredd. I fod yn gymwys am y radd hon, mae'n rhaid eich bod yn cael eich noddi gan y GIG neu ddarparwr gofal iechyd cyfatebol.

Pam Gwyddoniaeth Glinigol (Ffiseg Feddygol) ym Mhrifysgol Abertawe?

  • Y 5 uchaf am ansawdd cyffredinol ymchwil (REF2021)
  • Caiff myfyrwyr ôl-raddedig ddefnyddio'r cyfleusterau yn yr Athrofa Gwyddor Bywyd gwerth £100 miliwn
  • Mae’r Athrofa yn rhoi pwyslais ar ymchwil clinigol o bwys cymdeithasol trwy ei gysylltiadau â'r GIG ac â phartneriaid diwydiannol
  • What Uni? Enillydd Dewis y Myfyrwyr 2017 – Ôl-raddedig
  • Gradd wedi'i noddi ar gael drwy GIG Cymru
  • Addysgir gan wyddonwyr clinigol y GIG a staff meddygol eraill
  • Cyfleoedd i wneud lleoliadau gwaith ar brosiectau ymchwil, gan ddatrys problemau ar flaen y gad ym maes gwyddor feddygol
  • Cymorth o safon uchel ar gyfer prosiectau ymchwil gan fyfyrwyr MSc

Eich Profiad Gwyddoniaeth Glinigol (Ffiseg Feddygol)

Fel rhan o'ch gradd cewch gyfle i ddefnyddio cyfleusterau o'r radd flaenaf. Oherwydd ein cysylltiadau cryf ag Ysbyty Singleton ac Ymddiriedolaeth GIG Felindre - canolfan trin canser sydd â ffocws academaidd cryf - gallwn ddarparu mynediad at gyfarpar modern, ac addysgu ac ymchwil o'r safon uchaf.

Byddwch hefyd yn elwa o'r berthynas weithio agos rhwng Prifysgol Abertawe a'r GIG yng Nghymru, drwy Gonsortiwm Hyfforddi Cymru gyfan ar gyfer Ffiseg Feddygol a Pheirianneg Glinigol. Bydd yn cynnig yr amgylchiadau delfrydol ar gyfer addysgu ac ymchwil ar y cyd. Mae gennym gysylltiadau cryf hefyd â Chyngor Ymchwil y DU a Llywodraeth Cymru ynghyd â nifer o gysylltiadau cenedlaethol a rhyngwladol.

Cyfleoedd cyflogaeth gyda Gwyddoniaeth Glinigol (Ffiseg Feddygol)

Rydym wedi cynllunio'r cwrs yn ofalus i ddarparu gwybodaeth a dealltwriaeth gynyddol i chi o Wyddoniaeth Glinigol (Ffiseg Feddygol) a’r sgiliau a’r galluoedd y bydd eu hangen arnoch i roi’ch addysg ar waith wrth ymarfer yn broffesiynol.

O ganlyniad, bydd y radd Meistr hon yn rhoi gwybodaeth drylwyr i chi o’r maes, a gallai wella eich rhagolygon gyrfa.

Modiwlau

Yn nodweddiadol, mae modiwlau'n cynnwys: Radiotherapi Uwch, Delweddu Meddygol a Diogelwch Ymbelydredd. Gallwch astudio modiwlau dewisol hefyd.