Nanofeddygaeth, MSc / PGDip / PGCert

Manteisio ar Nanodechnoleg i ysgogi Datblygiadau mewn Gofal Iechyd

Nanomedicine Students

Trosolwg o'r Cwrs

A ydych chi'n raddedig gyda gradd mewn bioleg celloedd a moleciwlaidd, geneteg a biocemeg, biocemeg, biocemeg feddygol, fferyllol, peirianneg feddygol neu ffiseg? A ydych chi'n dymuno defnyddio'r wybodaeth hon ym meysydd meddygol neu wyddor bywyd? Gallwch wella'ch rhagolygon gyrfa drwy astudio Nanofeddygaeth, gan ryngwynebu gyda meddygaeth glinigol, ferylleg, meddygaeth adfywiol a nano(geno)docsicoleg.

Mae galwadau ac ymwybyddiaeth gynyddol o gymwysiadau nanodechnoleg ym maes Meddygaeth wedi arwain at ddatblygiad maes Nanofeddygaeth. Gan fanteisio ar y Ganolfan NanoIechyd (CNH) gwerth £22 miliwn, mae'r cwrs yn cael ei gyflwyno gan grŵp o wyddonwyr ymchwil blaenllaw yn yr ysgol feddygaeth orau o ran amgylchedd ymchwil y DU. Ar y cyd â chlinigwyr, arweinwyr diwydiannol ac arbenigwyr o ran arloesedd ymchwil a throsglwyddo technoleg, mae'r cwrs yn cynnig cyfle i astudio a chwarae rôl yn y cyfraniadau sylweddol y mae nanodechnoleg yn eu cynnig o ran gwella diagnosis, trin ac atal clefydau.

Mae'n addas i unrhyw un â gradd sy'n gysylltiedig â'r gwyddorau bywyd sy'n anelu at gyflogaeth yn y diwydiant fferyllol neu am yrfa ymchwil drwy PhD, a bydd myfyrwyr yn mynd i'r afael ag arloesi â chymorth nanodechnoleg ym maes meddygaeth foleciwlaidd, datblygu cyffuriau, rhoi cyffuriau uwch a delweddu/diagnosteg.Mae cynhyrchio fferyllol a therapiwteg uwch wedi'u gwreiddio ar draws y themâu hyn. Mae gennym ddau faes ffocws, sef meddygaeth adfywiol a nano-(geno)docsicoleg sy'n gysylltiedig â themâu craidd yr Ysgol. Mae'r meysydd hyn wedi'u hatgyfnerthu gan arbenigedd peirianneg a gwyddoniaeth, gan arwain at brosiect ymchwil labordy amlddisgyblaethol wedi'i seilio ar fodiwlau ystadegau/gwybodeg ymrwymedig a dyluniad/moeseg ymchwil.

Pam Nanofeddygaeth ym Mhrifysgol Abertawe?

Cewch eich addysgu gan academyddion a gwyddonwyr ymchwil o’r radd flaenaf sy’n dod â disgyblaethau gan gynnwys peirianneg, gwyddoniaeth a meddygaeth at ei gilydd yn ein cyfleusterau ymchwil o safon fyd-eang, y Sefydliad Gwyddor Bywyd. Bydd myfyrwyr Nanomeddygaeth yn ymgysylltu â chlinigwyr trwy bartneriaethau sefydledig gyda Byrddau Iechyd lleol tra'n elwa ar fynediad i'n Sefydliad Gwyddor Bywyd gwerth £100miliwn, sydd yn y 5ed safle uchaf ar gyfer ansawdd ymchwil cyffredinol (REF2021). Gyda chlinigwyr, arweinwyr diwydiant ac arbenigwyr mewn arloesi ymchwil a throsglwyddo technoleg yn ymuno â nhw, mae'r MSc mewn Nanomeddygaeth yn cynnig cyfle unigryw i astudio a chwarae rhan yn y cyfraniadau sylweddol y mae nanotechnoleg yn eu cyflwyno i ddatblygiadau mewn diagnosis, trin ac atal afiechyd.

Trwy berthnasoedd agos â Chymdeithas Nanomeddygaeth Prydain, byddwn yn caniatáu i'n myfyrwyr gorau astudio dramor yn unol â'n partneriaethau strategol rhyngwladol. Mae llawer o'n myfyrwyr wedi symud ymlaen i astudio Meddygaeth i Raddedigion, neu wedi mynd i rolau ymchwil i gwblhau PhD. Mae’r berthynas amlddisgyblaethol agos â phrosiectau ymchwil fel PATROLS, CALIN a’r Sefydliad Gwyddor Bywyd yn caniatáu i’n myfyrwyr sefydlu perthnasoedd a rhwydweithio ag academyddion ar draws ehangder ymchwil yn yr Ysgol Feddygaeth.

Eich Profiad Nanofeddygaeth

O'r eiliad y cyrhaeddwch yr Ysgol Feddygaeth, bydd ein staff arbenigol yn eich helpu i gynllunio a pharatoi ar gyfer eich dyfodol drwy nodi a datblygu sgiliau a fydd yn eich galluogi i wneud y mwyaf o'ch gradd ôl-raddedig a gwella'ch rhagolygon gyrfa. 

Bydd gennych y cyfle i ymgymryd ag ymchwil gydweithredol ar y cyd â diwydiant, gan gynnwys cwmnïoedd  dyfeisiau meddygol technegol uchel; yn Athrofa Gwyddor Bywyd yr Ysgol Feddygaeth.  

Bydd y rhaglen yn rhoi hyfforddiant ymarferol wedi'i seilio ar dystiolaeth gyffredinol gyda modiwlau ychwanegol sy'n ystyried meysydd y mae'r Ganolfan NanoIechyd yn arbenigo ynddynt, gan gynnwys; Cynhyrchio fferyllol a therapiwteg arloesoldatblygu cyffuriau ac ystyriaethau rheoleiddio, delweddu a diagnosteg dylunio ymchwil, moeseg a gweithrediad, llwyfannau ystadegol a dadansoddi data ar gyfer cymwysiadau gwyddor bywyd, nano(geno) docsicolegbioddeunyddiau a meddygaeth adfywiol, oll wedi'u haddysgu gan ymchwilwyr blaenllaw yn y maes. 

Ar raglen yr MSc, cewch eich annog i ryngweithio â'r gymuned nanodechnoleg a nanofeddygaeth ehangach drwy ymaelodi â Chymdeithas Nanofeddygaeth Prydain a mynychu'r cynadleddau/seminarau blynyddol.  

Cyfleoedd Cyflogaeth NanoFeddygaeth

Dyluniwyd gradd ôl-raddedig i roi'r holl sgiliau trosglwyddadwy sy'n cael eu hystyried yn werthfawr mewn gweithle i'n myfyrwyr. Mae'n hethos, a arweinir gan ymchwil, yn sicrhau bod myfyrwyr yn ystyried ffiniau gwybodaeth wyddonol, ac mae'r cydrannau ymarferol dwys yn darparu hyfforddiant cadarn mewn sgiliau technegol arloesol sy'n cael eu defnyddio yn y biowyddorau modern (gyrfa wyddonol neu ymchwil glinigol ym meysydd nanofeddygaeth a therapiwteg uwch) wrth weithio mewn meysydd o arbenigedd blaenllaw yn yr Ysgol. 

Mae'r cwrs Nanofeddygaeth yn apelio at bob sector ym maes y gwyddorau bywyd. Mae gennym fyfyrwyr sydd wedi cwblhau'r cwrs ac wedi symud ymlaen i ddiwydiant, academia (PhD) a galwedigaethau proffesiynol. Mae'r rhan fwyaf yn aros yn academia, mae rhai yn gwneud PhD mewn maes mwy penodol sy'n gysylltiedig â nanofeddygaeth, ac mae eraill yn mynd ymlaen i Feddygaeth i Raddedigion.  Mae rhai wedi mynd ymlaen i faes diwydiant, gydag amrywiaeth o gwmnïoedd biofferyllol i fiodechnolegol ym meysydd profi a datblygu cyffuriau/technoleg.