Gwyddor Perfformiad Chwaraeon Uwch, MSc

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

Fel arfer, mae'n rhaid i ymgeiswyr feddu ar radd israddedig ar lefel 2:1 (neu gymhwyster rhyngwladol cyfatebol fel y'i diffinnir gan Brifysgol Abertawe) mewn Gwyddor Chwaraeon neu ddisgyblaeth wyddonol berthnasol sy’n debyg. Gweler - Gwybodaeth fesul gwlad ar gyfer Ymgeiswyr Ewropeaidd 2019 a Gwybodaeth fesul gwlad ar gyfer Ymgeiswyr Rhyngwladol 2019.

Bydd ymgeiswyr hefyd yn cael cyfweliad (wyneb yn wyneb neu dros Skype neu Zoom) cyn i gynnig cael ei wneud. Trefnir dyddiadau ar gyfer cyfweliadau ar ôl i'r cais gael ei adolygu.

Iaith Saesneg
Cymhwyster IELTS Saesneg gyda sgôr gyffredinol o 6.5 (5.5+ ym mhob cydran) neu gymhwyster cyfatebol a gydnabyddir gan Brifysgol Abertawe. Ceir manylion llawn ein polisi Iaith Saesneg, gan gynnwys hyd dilysrwydd tystysgrifau, yma.
Rydym yn croesawu ceisiadau gan ddarpar fyfyrwyr o bob cwr o'r byd ac yn chwilio am dystiolaeth o astudiaeth flaenorol sy'n cyfateb i'r gofynion mynediad a nodir uchod. Mae'r Swyddfa Derbyn Ôl-raddedig yn hapus i'ch cynghori ynghylch addasrwydd eich cymwysterau ar gyfer y cwrs yr hoffech ei astudio. E-bostiwch postgraduate@abertawe.ac.uk am ragor o wybodaeth.

Bydd y rhaglen yn defnyddio amrywiaeth o ddulliau gan gynnwys darlithoedd, gwaith mewn grwpiau bach, sesiynau ymarferol yn y labordy, prosiectau a defnyddio amgylcheddau dysgu rhithwir. O ganlyniad i'r pwyslais ar sgiliau ymarferol a'r lleoliad gwaith proffesiynol yn y rhaglen hon bydd yr addysgu'n seiliedig ar sefyllfaoedd go iawn ac yn cael ei lywio gan ymarfer. Gall modiwlau gynnwys recordiadau o ddarlithoedd, dysgu cyfunol a dulliau dysgu gwrthdro.

Mae manylion am y dulliau addysgu ac asesu a ddefnyddir ym mhob modiwl ar gael yn y disgrifiadau o'r modiwlau ac yn y llawlyfrau.

Mae academyddion yn Adran y Gwyddorau Chwaraeon ac Ymarfer Corff yn ymchwilwyr blaenllaw'n rhyngwladol ym maes gwyddor perfformiad chwaraeon elît a phroffesiynol. Adlewyrchir hyn nid yn unig gan yr hanes parhaus o ymchwil ryngwladol a wneir yn y maes hwn, ond hefyd gan y partneriaethau diwydiannol cryf a sefydledig a geir yn yr adran.

Cewch eich addysgu gan ddarlithwyr o’r radd flaenaf sy’n ymchwilwyr brwd. Mae eu meysydd arbenigedd ymchwil yn cynnwys Atal Dopio, Moeseg Chwaraeon, Gweithgarwch Corfforol Plant, Ffisioleg Ymarfer Corff a llawer mwy.

Gweler yr holl staff Gwyddor Chwaraeon a Pheirianneg yma.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.