Seicoleg (Trosiad), MSc

I gael eich ystyried am y radd Meistr hon, bydd angen y canlynol arnoch chi:

• Gradd gyntaf (2.1 neu'n uwch) mewn unrhyw ddisgyblaeth, gan gynnwys C/4 mewn Mathemateg ar lefel TGAU neu gymhwyster cyfwerth a gydnabyddir gan Brifysgol Abertawe.
• Datganiad personol wedi'i ysgrifennu a'i strwythuro'n dda
• Geirda academaidd
• Os nad Saesneg neu Gymraeg yw eich iaith gyntaf, bydd yn ofynnol i chi ennill sgôr o 7 neu’n well mewn prawf IELTS, ynghyd ag isafswm o 6.5 ym mhob cydran, neu gymhwyster cyfwerth a gydnabyddir gan Brifysgol Abertawe, cyn dechrau'r rhaglen.

Bydd myfyrwyr yn dysgu ar sail ymagwedd dysgu cyfunol a gaiff ei hwyluso drwy amrywiaeth eang o ddulliau, gan gynnwys darlithoedd, cynnwys ar-lein, astudio annibynnol, seminarau, gweithdai a dosbarthiadau meistr i gyfoethogi datblygiad academaidd, personol a phroffesiynol myfyrwyr.

Mae'r rhaglen yn galluogi myfyrwyr i ennill cymhwyster cydnabyddedig mewn seicoleg sy'n eu cymhwyso ar gyfer Aelodaeth Siartredig i Raddedigion o Gymdeithas Seicolegol Prydain (BPS), sef y cam cyntaf at ddod yn seicolegydd siartredig.

Yn y rhan a addysgir o'r rhaglen, byddwch yn astudio chwe modiwl gorfodol sy'n werth 20 credyd. Mae dau o'r rhain (Dadansoddi Data a Phroses Ymchwil) wedi'u rhannu â rhaglenni ôl-raddedig a addysgir eraill yn yr Ysgol Seicoleg.

Byddwch chi hefyd yn cwblhau prosiect ymchwil dan oruchwyliaeth sy'n werth 60 credyd yn ystod y rhaglen.

Drwy gydol y rhaglen, bydd myfyrwyr yn cael profiad o ymchwil drwy archwilio gwaith cyhoeddedig ac ymchwil gyfredol a thrwy ymgymryd â'u hymchwil eu hunain.  Bydd llawer o hyn wedi'i lywio gan ymarfer neu bydd â pherthnasedd uniongyrchol i ymarfer. 

Rydym yn falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Ar wahân i nifer bach o gyrsiau ar-lein yn unig, mae'r rhan fwyaf o'n cyrsiau'n cynnwys addysgu wyneb yn wyneb, ar y campws. 

Fodd bynnag, efallai y bydd gweithgareddau dysgu 'byw' ar-lein gan ddefnyddio meddalwedd megis Zoom, gan eich galluogi i ryngweithio â'r darlithydd a myfyrwyr eraill. Mae recordiadau o ddarlithoedd hefyd yn cynnig hyblygrwydd i fwrw golwg arall ar ddeunydd a'i adolygu ar gyfer asesiadau.

O leiaf 40 credyd

Mae'n bosib astudio o leiaf 40 credyd o'r cwrs ôl-raddedig hwn drwy gyfrwng y Gymraeg. Mae nifer o adrannau'r Brifysgol yn datblygu ac yn cynnig modiwlau cyfrwng Cymraeg neu fodiwlau dwyieithog fel rhan o'u cyrsiau felly bydd angen i ti drafod y posibiliadau gyda'r Cyfarwyddwr Rhaglen perthnasol. Gelli astudio modiwl/modiwlau trwy gyfrwng y Gymraeg lle bo'r cyfle neu gyflwyno dy draethawd estynedig yn y Gymraeg gydag arweiniad gan arbenigwr pwnc trwy gyfrwng y Gymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Yr opsiwn i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Wedi'i achredu gan Gymdeithas Seicolegol Prydain.

Dr Andrew G Thomas: Uwch-ddarlithydd mewn Seicoleg

Rôl: Cyfarwyddwr y Rhaglen

Arbenigedd: Seicoleg esblygiadol, gwahaniaethau rhyw, seicotherapi, ymddygiad paru

Yr Athro Phil Reed: Athro Seicoleg

Rôl: Arweinydd y Modiwl Dadansoddi Data

Arbenigedd: Ymddygiad dysgu, iechyd menywod, awtistiaeth, sgitsoteipi, ymddygiad digidol.

Dr Gabi Jiga-Boy: Uwch-ddarlithydd mewn Seicoleg

Rôl: Arweinydd y Modiwl Proses Ymchwil

Arbenigedd: Methodoleg ymchwil; seicoleg iechyd; seicoleg y cyfryngau.

Tîm estynedig y rhaglen:

Dr Claire Williams

Modiwl: Llwyddiant Academaidd: Sgiliau ar gyfer dysgu, Sgiliau am Oes

Dr Luke Jefferies

Modiwl: Sgiliau a Datblygiad Academaidd Ôl-raddedig

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae gennym hefyd amrywiaeth o Ysgoloriaethau Meistr a Addysgir ar gael, yn ogystal ag ysgoloriaethau ar gyfer unigolion sydd am astudio rhan o'u cwrs trwy gyfrwng y Gymraeg.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cyflwynwch gais drwy system ymgeisio ganolog y Brifysgol.

Am ragor o arweiniad, ewch i'n tudalennau ‘sut i gyflwyno cais am astudiaethau ôl-raddedig’.

Caiff myfyrwyr eu dewis am y rhaglen ar sail y cais ysgrifenedig, geirdaon academaidd a chyfweliad.

Darparwch eirda academaidd cyfredol.

Os nad Cymraeg neu Saesneg yw eich iaith gyntaf bydd yn ofynnol i chi ennill sgôr o 7 neu’n well mewn prawf IELTS, ynghyd ag isafswm o 6.5 ym mhob cydran, neu gymhwyster cyfwerth a gydnabyddir gan Brifysgol Abertawe, cyn dechrau'r rhaglen.

Bydd ymgeiswyr sy'n bodloni'r holl feini prawf uchod yn cael eu gwahodd i gyfweliad byr a chânt eu sgorio ar sail nifer o gwestiynau. Os nad ydynt yn cael cynnig yn dilyn y cyfweliad, gellir rhoi ymgeiswyr ar restr aros neu gynnig cwrs cymwys amgen iddynt.

I gael gwybodaeth am y broses ymgeisio, e-bostiwch astudio@abertawe.ac.uk

Myfyrwyr rhyngwladol - mae gwybodaeth am fisâu a mewnfudo ar gael ar ein gwefan a chaiff ei diweddaru'n rheolaidd - https://www.swansea.ac.uk/international-campuslife/immigration/

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.