Cyfraith Fasnach Ryngwladol, LLM

Deall y materion cymhleth sy'n deillio o faes masnach ryngwladol

students chatting while walking through the singleton campus

Trosolwg o'r Cwrs

Mae masnach ryngwladol yn hanfodol er mwyn sicrhau ffyniant economaidd byd-eang. Bydd ein rhaglen LLM mewn Cyfraith Masnach Ryngwladol yn sicrhau eich bod yn meddu ar ddealltwriaeth fanwl o'r agweddau cyfreithiol a masnachol cysylltiedig, er mwyn i chi allu manteisio ar amrywiaeth o gyfleoedd gyrfa cyffrous.

Gan ddysgu gan arbenigwyr sy'n meddu ar brofiad academaidd ac ymarferol ar lefel uchel, byddwch yn meithrin dealltwriaeth fanwl o'r gyfraith sy'n gysylltiedig â chontractau gwerthu rhyngwladol, o'r broses o'u llunio, i drefnu sut y caiff y nwyddau eu cludo, a datrys anghydfodau rhyngwladol.

Gall y wybodaeth a'r sgiliau arbenigol y byddwch yn eu meithrin o'r cwrs hwn gynnig llwyfan i yrfa ym maes ymarfer cyfreithiol, addysg, diwydiant, masnach, cyllid neu gyflafareddu.

Pam Cyfraith Masnach Ryngwladol ym Mhrifysgol Abertawe?

Fel myfyriwr ôl-raddedig yn Ysgol y Gyfraith Hillary Rodham Clinton, byddwch yn rhan o ysgol y gyfraith a gaiff ei chydnabod ledled y byd, sy'n cynnig amgylchedd academaidd ffyniannus sy'n ymrwymedig i ragoriaeth mewn addysgu a gwaith ymchwil, ac yn cynnig profiad eithriadol i fyfyrwyr.

  • Mae'r modiwl Cymrodeddu Masnachol Rhyngwladol (LACM17) sy'n cael ei gynnig fel rhan o'r radd hon wedi cael ei gydnabod gan Sefydliad Siartredig y Cymrodeddwyr (CIArb). Mae hyn yn golygu y bydd myfyrwyr LLM sy'n cwblhau'r modiwl Cymrodeddu Masnachol Rhyngwladol yn llwyddiannus yn Abertawe'n gymwys i gael eu derbyn i lefel Aelod Cysylltiol y Sefydliad.

  • Mae 83.3% o’n hymchwil yn cael effaith sylweddol yn nhermau ei chyrhaeddiad a’i harwyddocâd (REF 2021) 

  • Yn yr 300 Uchaf (Shanghai Rankings (Safle Byd-eang Pynciau Academaidd 2024)

Eich profiad Cyfraith Masnach Ryngwladol

Fel rhan o'r radd LLM hon, byddwch yn meithrin y wybodaeth a'r profiad i ddatblygu i fod yn gyfreithiwr neu'n ymarferydd gwasanaethau cyfreithiol yn y 21ain ganrif sy'n meddu ar ddealltwriaeth arbenigol a manwl o gyfraith masnach ryngwladol.

Mae ein graddau ôl-raddedig yn y gyfraith yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog.

Byddwch hefyd yn dysgu drwy'r canlynol:

  • Darlithoedd gwadd er mwyn rhoi cipolwg i chi ar ymarfer yn y maes
  • Cystadlaethau dadlau
  • Ysgolion haf dramor

Cyfleoedd cyflogaeth Cyfraith Masnach Ryngwladol

Mae graddedigion yr LLM mewn Cyfraith Masnach Ryngwladol mewn sefyllfa dda i fanteisio ar gyfleoedd gyrfa ysgogol a gwerthfawr.

Mae gwella eich cyflogadwyedd yn flaenoriaeth allweddol i ni, ac rydym yn trefnu amrywiaeth o ddigwyddiadau i helpu, gan gynnwys y ffair gyrfaoedd LLM flynyddol, sy'n cynnig y cyfle i chi gyfarfod â chwmnïau cyfreithiol lleol a rhyngwladol, yn ogystal â digwyddiadau rhwydweithio ac ymweliadau â phractisau blaenllaw yn Ninas Llundain.

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Cynnig Nodweddiadol

2:2