Cyfraith Fasnachol a Morwrol Ryngwladol, LLM

Arbenigwch mewn cyfraith fasnachol a chyfraith forol ryngwladol

a student in a seminar in the Richard Price Building

Trosolwg o'r Cwrs

Bydd yr LLM mewn Cyfraith Fasnachol a Chyfraith Forol Ryngwladol yn sicrhau eich bod yn meddu ar y wybodaeth a'r sgiliau mewn dau faes pwysig o'r gyfraith er mwyn eich rhoi ar ben y ffordd mewn perthynas ag amrywiaeth o yrfaoedd cyffrous.

Gan ddysgu gan arbenigwyr sy'n meddu ar brofiad academaidd ac ymarferol ar lefel uchel, byddwch yn meithrin dealltwriaeth fanwl o'r heriau cyfreithiol ac ymarferol sy'n gysylltiedig â thrafodion masnachol rhyngwladol, a'r materion sy'n gysylltiedig â rheoleiddio masnach, mordwyo, a gweithgareddau eraill ar y moroedd.

Bydd y radd LLM hon yn eich helpu i ddod yn arbenigwr mewn cyfraith fasnachol a chyfraith forol, ac yn meithrin gwybodaeth a sgiliau a gaiff eu gwerthfawrogi'n fawr gan gyflogwyr.

Pam Cyfraith Fasnachol a Chyfraith Forol Ryngwladol ym Mhrifysgol Abertawe?

Fel myfyriwr ôl-raddedig yn Ysgol y Gyfraith Hillary Rodham Clinton, byddwch yn rhan o ysgol y gyfraith a gaiff ei chydnabod ledled y byd, sy'n cynnig amgylchedd academaidd ffyniannus sy'n ymrwymedig i ragoriaeth mewn addysgu a gwaith ymchwil, ac yn cynnig profiad eithriadol i fyfyrwyr.

  • Mae'r modiwl Cymrodeddu Masnachol Rhyngwladol (LACM17) sy'n cael ei gynnig fel rhan o'r radd hon wedi cael ei gydnabod gan Sefydliad Siartredig y Cymrodeddwyr (CIArb). Mae hyn yn golygu y bydd myfyrwyr LLM sy'n cwblhau'r modiwl Cymrodeddu Masnachol Rhyngwladol yn llwyddiannus yn Abertawe'n gymwys i gael eu derbyn i lefel Aelod Cysylltiol y Sefydliad.
  • Mae ein rhaglenni cyfraith forwrol ymhlith y 10 orau yn y Deyrnas Unedig (LLM Guide 2024)
  • Mae 83.3% o’n hymchwil yn cael effaith sylweddol yn nhermau ei chyrhaeddiad a’i harwyddocâd (REF 2021) 
  • Mae'r Gyfraith yn Abertawe ymhlith y 125 gorau yn y Byd (The Times Higher Education World University Rankings by Subject 2025)
  • Mae'r Gyfraith yn Prifysgol Abertawe Ymhlith y 101-150 gorau yn y Byd (QS World University Rankings by Subject 2025)

Eich profiad Cyfraith Fasnachol a Chyfraith Forol Ryngwladol

Fel rhan o'r radd LLM hon, byddwch yn meithrin y wybodaeth a'r profiad i ddatblygu i fod yn gyfreithiwr neu'n ymarferydd gwasanaethau cyfreithiol yn y 21ain ganrif sy'n meddu ar ddealltwriaeth arbenigol a manwl o gyfraith fasnachol a chyfraith forol ryngwladol.

Mae ein graddau ôl-raddedig yn y gyfraith yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog.

Byddwch hefyd yn dysgu drwy'r canlynol:

  • Darlithoedd gwadd er mwyn rhoi cipolwg i chi ar ymarfer yn y maes
  • Cystadlaethau dadlau
  • Ysgolion haf dramor

Cyfleoedd cyflogaeth Cyfraith Fasnachol a Chyfraith Forol Ryngwladol

Mae graddedigion yr LLM mewn Cyfraith Fasnachol a Chyfraith Forol Ryngwladol mewn sefyllfa dda i fanteisio ar gyfleoedd gyrfa ysgogol a gwerthfawr.

Mae gwella eich cyflogadwyedd yn flaenoriaeth allweddol i ni, ac rydym yn trefnu amrywiaeth o ddigwyddiadau i helpu, gan gynnwys y ffair gyrfaoedd LLM flynyddol, sy'n cynnig y cyfle i chi gyfarfod â chwmnïau cyfreithiol lleol a rhyngwladol, yn ogystal â digwyddiadau rhwydweithio ac ymweliadau â phractisau blaenllaw yn Ninas Llundain.

Modiwlau

Rhaid i fyfyrwyr ddewis un modiwl o'r rhestr ganlynol:

  • Cyfraith Morlys, Cyfraith Yswiriant Morol, Siarteri Llogi Llongau: Y Gyfraith ac Ymarfer, Cludo Nwyddau ar Fôr, Tir ac yn yr Awyr a Chyfraith Olew a Nwy: Contractau a Rhwymedigaethau, a Chyfraith y Môr.

Ynghyd ag un modiwl o'r rhestr ganlynol:

  • Cyfraith Masnach Ryngwladol, Cyfraith ac Ymarfer mewn perthynas â Bancio a Thaliadau Masnachol Rhyngwladol, Cyfraith E-fasnach, Cyfraith Cystadleuaeth, Cyfraith Eiddo Deallusol Ryngwladol, Cyfraith Rheoli Asedau Deallusol a Thrafodion, Cyfraith a Llywodraethu Corfforaethol Rhyngwladol, a Chyfraith Cyllid Llongau ac Asedau Symudol Eraill.

Gall myfyrwyr ddewis 2 fodiwl arall o blith y modiwlau sydd ar gael ar Gyfraith Forol Ryngwladol neu Cyfraith Fasnachol Ryngwladol.

Wrth i’r astudiaeth yma ar LLM barhau drwy’r haf, bydd angen i fyfyrwyr gofrestru ar gyfer yr ail flwyddyn academaidd er mwyn cyflwyno eu prosiectau ymchwil.