Cyfraith Fasnachol Ryngwladol, LLM

Archwiliwch yr heriau sy'n gysylltiedig ag amrywiol drafodion rhyngwladol

a group of students walking through the singleton campus

Trosolwg o'r Cwrs

Bydd y rhaglen LLM mewn Cyfraith Fasnachol Ryngwladol yn sicrhau eich bod yn meddu ar y wybodaeth a'r sgiliau i'ch rhoi ar ben y ffordd mewn perthynas ag amrywiaeth o yrfaoedd cyffrous yn y maes pwysig ac amrywiol hwn o'r gyfraith.

Gan ddysgu gan arbenigwyr sy'n meddu ar brofiad academaidd ac ymarferol ar lefel uchel, byddwch yn meithrin dealltwriaeth fanwl o'r heriau cyfreithiol ac ymarferol sy'n gysylltiedig â thrafodion masnachol rhyngwladol.

Bydd y radd LLM hon yn eich helpu i ddod yn arbenigwr mewn cyfraith fasnachol, ac yn meithrin gwybodaeth a sgiliau a gaiff eu gwerthfawrogi'n fawr gan gyflogwyr.

Pam Cyfraith Fasnachol Ryngwladol ym Mhrifysgol Abertawe?

Fel myfyriwr ôl-raddedig yn Ysgol y Gyfraith Hillary Rodham Clinton, byddwch yn rhan o ysgol y gyfraith a gaiff ei chydnabod ledled y byd, sy'n cynnig amgylchedd academaidd ffyniannus sy'n ymrwymedig i ragoriaeth mewn addysgu a gwaith ymchwil, ac yn cynnig profiad eithriadol i fyfyrwyr.

  • Mae'r modiwl Cymrodeddu Masnachol Rhyngwladol (LACM17) sy'n cael ei gynnig fel rhan o'r radd hon wedi cael ei gydnabod gan Sefydliad Siartredig y Cymrodeddwyr (CIArb). Mae hyn yn golygu y bydd myfyrwyr LLM sy'n cwblhau'r modiwl Cymrodeddu Masnachol Rhyngwladol yn llwyddiannus yn Abertawe'n gymwys i gael eu derbyn i lefel Aelod Cysylltiol y Sefydliad.

  • Mae 83.3% o’n hymchwil yn cael effaith sylweddol yn nhermau ei chyrhaeddiad a’i harwyddocâd (REF 2021) 

Eich profiad Cyfraith Fasnachol Ryngwladol

Fel rhan o'r radd LLM hon, byddwch yn meithrin y wybodaeth a'r profiad i ddatblygu i fod yn gyfreithiwr neu'n ymarferydd gwasanaethau cyfreithiol yn y 21ain ganrif sy'n meddu ar ddealltwriaeth arbenigol a manwl o gyfraith fasnachol ryngwladol.

Mae ein graddau ôl-raddedig yn y gyfraith yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog.

Byddwch hefyd yn dysgu drwy'r canlynol:

  • Darlithoedd gwadd er mwyn rhoi cipolwg i chi ar ymarfer yn y maes
  • Cystadlaethau dadlau
  • Ysgolion haf dramor

Cyfleoedd cyflogaeth Cyfraith Fasnachol Ryngwladol

Mae graddedigion yr LLM mewn Cyfraith Fasnachol Ryngwladol mewn sefyllfa dda i fanteisio ar gyfleoedd gyrfa ysgogol a gwerthfawr.

Mae gwella eich cyflogadwyedd yn flaenoriaeth allweddol i ni, ac rydym yn trefnu amrywiaeth o ddigwyddiadau i helpu, gan gynnwys y ffair gyrfaoedd LLM flynyddol, sy'n cynnig y cyfle i chi gyfarfod â chwmnïau cyfreithiol lleol a rhyngwladol, yn ogystal â digwyddiadau rhwydweithio ac ymweliadau â phractisau blaenllaw yn Ninas Llundain.

Modiwlau

Fel rhan o'r radd hon, gall myfyrwyr astudio'r modiwlau canlynol (rhaid i chi ddewis o leiaf 2 o'r modiwlau mewn print du):

E-fasnach, Cyfraith Cystadleuaeth, Cyfraith Eiddo Deallusol Ryngwladol, Cyfraith a Llywodraethu Corfforaethol Rhyngwladol, Cyfraith Cyllid Llongau ac Asedau Symudol Eraill, Cyfraith ac Ymarfer mewn perthynas â Bancio a Thaliadau Masnachol Rhyngwladol a Chyflafareddu Masnachol Rhyngwladol.

Wrth i’r astudiaeth yma ar LLM barhau drwy’r haf, bydd angen i fyfyrwyr gofrestru ar gyfer yr ail flwyddyn academaidd er mwyn cyflwyno eu prosiectau ymchwil.