Cyfraith Forwrol Ryngwladol, LLM

Meithrinwch wybodaeth fanwl am gyfraith forol

a group of students walking through the singleton campus

Trosolwg o'r Cwrs

Mae'r môr yn hanfodol i bobl fyw – at ddibenion masnach, llwybrau mordwyo, ac fel ffynhonnell bwysig o adnoddau naturiol. Mae galw cyson am arbenigedd cyfreithiol mewn perthynas â'r materion sy'n gysylltiedig â'r gyfraith yn y meysydd hyn.

Bydd ein rhaglen LLM mewn Cyfraith Forol Ryngwladol yn meithrin dealltwriaeth fanwl o'r gyfraith sy'n gysylltiedig â chontractau ar gyfer cludo nwyddau, yswiriant morol, masnach ryngwladol a chyfraith y môr.

Gan ddysgu gan arbenigwyr sy'n meddu ar brofiad academaidd ac ymarferol ar lefel uchel, byddwch yn meithrin gwybodaeth a sgiliau arbenigol a gaiff eu gwerthfawrogi'n fawr gan gyflogwyr, ac yn cael cyfle i fanteisio ar amrywiaeth o gyfleoedd gyrfa cyffrous. 

Pam Cyfraith Forol Ryngwladol ym Mhrifysgol Abertawe?

Fel myfyriwr ôl-raddedig yn Ysgol y Gyfraith Hillary Rodham Clinton, byddwch yn rhan o ysgol y gyfraith a gaiff ei chydnabod ledled y byd, sy'n cynnig amgylchedd academaidd ffyniannus sy'n ymrwymedig i ragoriaeth mewn addysgu a gwaith ymchwil, ac yn cynnig profiad eithriadol i fyfyrwyr.

  • Mae'r modiwl Cymrodeddu Masnachol Rhyngwladol (LACM17) sy'n cael ei gynnig fel rhan o'r radd hon wedi cael ei gydnabod gan Sefydliad Siartredig y Cymrodeddwyr (CIArb). Mae hyn yn golygu y bydd myfyrwyr LLM sy'n cwblhau'r modiwl Cymrodeddu Masnachol Rhyngwladol yn llwyddiannus yn Abertawe'n gymwys i gael eu derbyn i lefel Aelod Cysylltiol y Sefydliad
  • Mae ein rhaglenni cyfraith forwrol ymhlith y 10 orau yn y Deyrnas Unedig (LLM Guide 2024)
  • Mae 83.3% o’n hymchwil yn cael effaith sylweddol yn nhermau ei chyrhaeddiad a’i harwyddocâd (REF 2021) 
  • Mae'r Gyfraith yn Abertawe ymhlith y 125 gorau yn y Byd (The Times Higher Education World University Rankings by Subject 2025)
  • Mae'r Gyfraith yn Prifysgol Abertawe Ymhlith y 101-150 gorau yn y Byd (QS World University Rankings by Subject 2025)

Eich profiad Cyfraith Forol Ryngwladol

Fel rhan o'r radd LLM hon, byddwch yn meithrin y wybodaeth a'r profiad i ddatblygu i fod yn gyfreithiwr neu'n ymarferydd gwasanaethau cyfreithiol yn y 21ain ganrif sy'n meddu ar ddealltwriaeth arbenigol a manwl o gyfraith forol ryngwladol.

Mae ein graddau ôl-raddedig yn y gyfraith yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog.

Byddwch hefyd yn dysgu drwy'r canlynol:

  • Darlithoedd gwadd er mwyn rhoi cipolwg i chi ar ymarfer yn y maes
  • Cystadlaethau dadlau
  • Ysgolion haf dramor

Cyfleoedd cyflogaeth Cyfraith Forol Ryngwladol

Mae graddedigion yr LLM mewn Cyfraith Forol Ryngwladol mewn sefyllfa dda i fanteisio ar gyfleoedd gyrfa ysgogol a gwerthfawr.

Mae gwella eich cyflogadwyedd yn flaenoriaeth allweddol i ni, ac rydym yn trefnu amrywiaeth o ddigwyddiadau i helpu, gan gynnwys y ffair gyrfaoedd LLM flynyddol, sy'n cynnig y cyfle i chi gyfarfod â chwmnïau cyfreithiol lleol a rhyngwladol, yn ogystal â digwyddiadau rhwydweithio ac ymweliadau â phractisau blaenllaw yn Ninas Llundain.

Modiwlau

Fel rhan o'r radd hon, gall myfyrwyr astudio'r modiwlau canlynol (rhaid i chi ddewis o leiaf 2 o'r modiwlau mewn print du):

  • Cyfraith Morlys, Siarteri Llogi Llongau: Cyfraith ac Ymarfer, Yswiriant Morol, Cyfraith Olew a Nwy: Contractau a Rhwymedigaethau, Cludo Nwyddau ar y Môr, Tir ac yn yr Awyr, Cyfraith y Môr, Cyfraith Masnach Ryngwladol, E-fasnach, Cyflafareddu Masnachol Rhyngwladol, a Chyfraith Cyllid Llongau ac Asedau Symudol Eraill.

Wrth i’r astudiaeth yma ar LLM barhau drwy’r haf, bydd angen i fyfyrwyr gofrestru ar gyfer yr ail flwyddyn academaidd er mwyn cyflwyno eu prosiectau ymchwil.