Bydd y rhaglen LLM mewn Eiddo Deallusol ac Arloesi yn sicrhau eich bod yn meddu ar y wybodaeth a'r sgiliau i'ch rhoi ar ben y ffordd mewn perthynas ag amrywiaeth o yrfaoedd cyffrous yn y maes cynyddol amlwg hwn.
Byddwch yn meithrin dealltwriaeth fanwl o'r asedau anniriaethol neu 'gudd', sef 70% o werth cwmni fel arfer, ac yn dysgu sut y gall busnesau eu rheoli yn y ffordd fwyaf cost-effeithiol a masnachol.
Fel myfyriwr ôl-raddedig yn Ysgol y Gyfraith Hillary Rodham Clinton, byddwch yn rhan o ysgol y gyfraith a gaiff ei chydnabod ledled y byd, sy'n cynnig amgylchedd academaidd ffyniannus sy'n ymrwymedig i ragoriaeth mewn addysgu a gwaith ymchwil, ac yn cynnig profiad eithriadol i fyfyrwyr.
Mae'r modiwl Cymrodeddu Masnachol Rhyngwladol (LACM17) sy'n cael ei gynnig fel rhan o'r radd hon wedi cael ei gydnabod gan Sefydliad Siartredig y Cymrodeddwyr (CIArb). Mae hyn yn golygu y bydd myfyrwyr LLM sy'n cwblhau'r modiwl Cymrodeddu Masnachol Rhyngwladol yn llwyddiannus yn Abertawe'n gymwys i gael eu derbyn i lefel Aelod Cysylltiol y Sefydliad
Mae 83.3% o’n hymchwil yn cael effaith sylweddol yn nhermau ei chyrhaeddiad a’i harwyddocâd (REF 2021)
Fel rhan o'r radd LLM hon, byddwch yn meithrin y wybodaeth a'r profiad i ddatblygu i fod yn gyfreithiwr neu'n ymarferydd gwasanaethau cyfreithiol yn y 21ain ganrif sy'n meddu ar ddealltwriaeth arbenigol a manwl o eiddo deallusol ac arloesi.
Mae ein graddau ôl-raddedig yn y gyfraith yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog.
Byddwch hefyd yn dysgu drwy'r canlynol:
Mae graddedigion yr LLM mewn Eiddo Deallusol ac Arloesi mewn sefyllfa dda i fanteisio ar gyfleoedd gyrfa ysgogol a gwerthfawr.
Mae gwella eich cyflogadwyedd yn flaenoriaeth allweddol i ni, ac rydym yn trefnu amrywiaeth o ddigwyddiadau i helpu, gan gynnwys y ffair gyrfaoedd LLM flynyddol, sy'n cynnig y cyfle i chi gyfarfod â chwmnïau cyfreithiol lleol a rhyngwladol, yn ogystal â digwyddiadau rhwydweithio ac ymweliadau â phractisau blaenllaw yn Ninas Llundain.
Rydym yn cynnig amrywiaeth eang o fodiwlau. Mae'n orfodol i fyfyrwyr ar y rhaglen LLM hon astudio Cyfraith Rheoli Asedau Deallusol a Thrafodion. Bydd yn ofynnol i fyfyrwyr ddewis 3 modiwl o'r rhestr ganlynol:
Wrth i’r astudiaeth yma ar LLM barhau drwy’r haf, bydd angen i fyfyrwyr gofrestru ar gyfer yr ail flwyddyn academaidd er mwyn cyflwyno eu prosiectau ymchwil.
