Bydd yr LLM mewn Hawliau Dynol yn sicrhau eich bod yn meddu ar y wybodaeth a'r sgiliau i ymdrin â rhai o'r heriau mwyaf sy'n wynebu cymdeithas heddiw, gan gynnig cyfleoedd gyrfa cyffrous ym maes hawliau dynol.
Byddwch yn meithrin dealltwriaeth fanwl o'r heriau ym maes hawliau dynol ledled y byd ac ymatebion posibl drwy ddeddfwriaeth, polisi ac arfer.
Caiff y Rhaglen LLM hon ei haddysgu gan arbenigwyr hawliau dynol ac mae'n seiliedig ar waith ymchwil eithriadol.
Fel myfyriwr ôl-raddedig yn Ysgol y Gyfraith Hillary Rodham Clinton, byddwch yn rhan o ysgol y gyfraith a gaiff ei chydnabod ledled y byd, sy'n cynnig amgylchedd academaidd ffyniannus sy'n ymrwymedig i ragoriaeth mewn addysgu a gwaith ymchwil, ac yn cynnig profiad eithriadol i fyfyrwyr.
Byddwch yn meithrin y wybodaeth a'r profiad i ddatblygu i fod yn gyfreithiwr neu'n ymarferydd gwasanaethau cyfreithiol yn y 21ain ganrif sy'n meddu ar ddealltwriaeth arbenigol a manwl o faterion hawliau dynol.
Mae'r cwrs yn cynnig y canlynol:
Byddwch hefyd yn dysgu drwy'r canlynol:
Mae graddedigion yr LLM mewn Hawliau Dynol mewn sefyllfa dda i fanteisio ar gyfleoedd gyrfa ysgogol a gwerthfawr. Gallech weithio mewn swydd draddodiadol neu arbenigol yn un o'r meysydd canlynol yn y dyfodol:
Byddwch yn astudio modiwlau a addysgir (gorfodol a dewisol) ac yn cwblhau traethawd hir.
Bydd modiwlau gorfodol yn archwilio'r fframwaith hawliau dynol rhyngwladol, yn cyflwyno dulliau ymchwil ar hawliau dynol ac yn trafod atebolrwydd dros hawliau dynol, gan gynnwys asesu effaith.
