Ydych chi'n fedrus wrth ymdrin â ffigurau, ac yn awyddus i ddilyn gyrfa mewn cyfrifeg neu gyllid? Mae'r MSc mewn Cyfrifeg a Chyllid ym Mhrifysgol Abertawe yn medru arwain at broffesiynau poblogaidd lle mae swyddi'n ddiogel, mae'r cyfraddau tâl yn dda ac mae rolau diddorol ar gael ar draws amrywiaeth o sectorau, gan ddarparu'r cyfleoedd rydych chi wedi bod yn chwilio amdanynt.
Bydd y rhaglen hon yn eich helpu i ddatblygu dealltwriaeth well a manwl am bynciau cyfrifeg a chyllid allweddol a fydd yn symud eich rhagolygon gyrfa yn y dyfodol ymlaen yn gynt.
Nid oes angen i chi fod â chefndir mewn cyfrifeg na chyllid er mwyn astudio'r cwrs trosi un flwyddyn hwn, oherwydd bod y cwrs wedi'i ddylunio i ehangu ar y profiad astudio israddedig sydd gennych eisoes, a rhoi'r cyfle i chi symud ymlaen yn gynt i'r proffesiwn o'ch dewis, a allai fod unrhyw le yn y byd.
Hefyd, mae ein partneriaethau agos gyda chyrff proffesiynol blaenllaw yn golygu y gallwch ennill eithriadau a chymwysterau sy'n cael eu cydnabod ym myd diwydiant ac sy'n cryfhau eich CV, ac yn gwella eich cyfle o lwyddo i gael rolau ar lefel raddedig mewn cyfrifeg a chyllid.
Pam Accounting and Finance yn Abertawe?
Mae'r rhaglen MSc mewn Cyfrifeg a Chyllid yn gwrs trosi llawn, a gellir ei gwblhau mewn blwyddyn. Mae'r cwrs wedi'i ddylunio ar gyfer ymgeiswyr heb brofiad blaenorol o gyfrifeg, cyllid neu fusnes.
Byddwch chi'n cael eich addysgu gan academyddion o safon fyd-eang, sydd â gwybodaeth eang am fyd diwydiant a'r byd academaidd, ac sy'n gweithio yn yr Ysgol Reolaeth flaenllaw y buddsoddwyd £22 miliwn ynddi ar Gampws y Bae. Mae gan ein cyfleusterau fannau addysgu ac astudio pwrpasol, ynghyd â chyfleusterau TG sylweddol sydd â’r galedwedd a’r feddalwedd arbenigol ddiweddaraf.
Mae'r Ysgol Reolaeth wedi'i hachredu gan AACSB International, y sefydliad addysg fusnes mwyaf yn y byd, sy'n cysylltu ysgolion busnes, busnesau a dysgwyr i greu'r genhedlaeth nesaf o arweinwyr gwych.
Yn ogystal â hyn, mae gan yr Ysgol gysylltiadau cryf â Sefydliad y Dadansoddwyr Ariannol Siartredig (CFA), Sefydliad Siartredig y Cyfrifwyr Rheoli (CIMA), a Sefydliad Cyfrifwyr Siartredig Cymru a Lloegr (ICAEW).
Hefyd, mae'r rhaglen wedi cael ei hachredu gan Gymdeithas y Cyfrifwyr Ardystiedig Siartredig (ACCA), ac mae’n cynnwys eithriad ar gyfer nifer o arholiadau sylfaenol yr ACCA.
Eich Profiad Accounting and Finance
Mae'r rhaglen hon yn eich paratoi'n drylwyr ar gyfer nifer o rolau proffesiynol. Gwneir hyn drwy integreiddio damcaniaeth ac ymarfer drwy:
Ddysgu ar sail achosion ac ar sail problemau - gan ddefnyddio senarios ariannol y byd go iawn ac astudiaethau achos rhyngwladol i'ch galluogi i roi fframweithiau damcaniaethol ar waith mewn ffyrdd ymarferol
Prosiectau byw ac ymgysylltu â diwydiant - gan eich galluogi i ymgysylltu â phartneriaid diwydiannol, efelychiadau a phrosiectau ar arddull ymgynghori sy'n adlewyrchu'r heriau proffesiynol y gallwch chi eu hwynebu ym maes cyllid byd-eang
Addysgu sydd wedi'i lywio gan ymchwil - gan gynnwys modiwlau a arweinir gan academyddion ac ymarferwyr sy'n ymgorffori ymchwil gyfredol yn rhagweithiol, gan sicrhau eich bod chi'n ymdrin â datblygiad arloesol ym maes cyfrifeg a chyllid
Prosiect copa neu draethawd hir - prosiect terfynol mawr sy'n eich galluogi i archwilio mater cymhleth o'ch dewis chi, gan gymhwyso gwybodaeth ddamcaniaethol i ymchwil ymarferol neu empiraidd
Offer digidol a dadansoddol - darparu mynediad i chi at feddalwedd a phlatfformau dadansoddeg data safonol y diwydiant er mwyn pontio'r bwlch rhwng dealltwriaeth gysyniadol a chymhwysiad technegol
O'ch diwrnod cyntaf yn yr Ysgol Reolaeth, byddwn yn gweithio gyda chi er mwyn eich helpu i ddatblygu eich sgiliau a'ch profiad i wella eich rhagolygon gyrfa. Mae cymorth personol ar gael gan Ymgynghorwyr Gyrfaoedd, gydag opsiynau megis lleoliad gwaith neu interniaeth ar gael drwy Rwydwaith Interniaeth â Thâl Abertawe (SPIN) neu'r fenter Wythnos o Waith.
Cyfleoedd Cyflogaeth Accounting and Finance
Mae'r rhaglen MSc mewn Cyfrifeg a Chyllid wedi'i dylunio i sicrhau bod gennych chi'r arbenigedd technegol, y gallu i feddwl yn feirniadol, a'r sgiliau proffesiynol sydd eu hangen i ffynnu yn y farchnad swyddi fyd-eang gystadleuol.
Mae ein graddedigion yn dilyn gyrfaoedd llwyddiannus mewn cyfrifeg, cyfrifyddu, dadansoddi ariannol, ymgynghori, a chyllid corfforaethol ar draws amrywiaeth eang o sectorau gan gynnwys cwmnïau Big Four, corfforaethau amlwadol, sefydliadau yn y sector cyhoeddus, a chwmnïau newydd.
Mae'r rhaglen yn cynnig cysylltiadau cryf â chyrff proffesiynol megis ACCA a CIMA, ynghyd â chymorth cyflogadwyedd wedi'i deilwra gan gynnwys gweithdai CV, ffug gyfweliadau, a mynediad at ddigwyddiadau a arweinir gan gyflogwyr drwy'r Ysgol Reolaeth.
Ar gyfer y rhai hynny sydd ag uchelgeisiau entrepreneuraidd, mae'r Brifysgol yn darparu arweiniad arbenigol, cyngor ar gyllid a chymorth wrth ddechrau busnesau er mwyn helpu i drawsnewid syniadau arloesol yn fentrau busnes hyfyw. P'un a ydych chi'n gobeithio sicrhau rôl i raddedigion, ymgymryd â chymhwyster proffesiynol neu lansio eich menter eich hun, rydym yn ymrwymedig i gefnogi datblygiad eich gyrfa ar bob cam o'r ffordd.
Mae rolau arferol i raddedigion yn cynnwys:
Dadansoddwr Cyllid Masnachol
Arweinydd Tîm Cyllid
Swyddog Cyswllt Archwilio
Dadansoddwr Ariannol Iau
Goruchwyliwr Cyllid
Rheolwr Credyd
Cyfrifydd Systemau Prosiect
Modiwlau
Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.
Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.
Gofynion Mynediad
Nodyn ar gyfer ymgeiswyr rhyngwladol ac Ewropeaidd:
gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.
Rhaid i fyfyrwyr ennill 2:2 (neu gymhwyster tramor cyfwerth) mewn gradd israddedig. Bydd unrhyw bwnc gradd yn cael ei ystyried.
Rydym yn ystyried pob cais yn unol â’i deilyngdod ac yn edrych ar bob cais unigol cyn gwneud cynnig, felly dylai myfyrwyr sy’n methu bodloni’r meini prawf mynediad o drwch blewyn yn unig barhau i ymgeisio.
Rhaid i siaradwyr Saesneg ail iaith ennill sgôr IELTS gyffredinol o 6.0 heb unrhyw gydran yn is na 5.5. Darperir rhestr o brofion cyfwerth yma. Os ydych wedi astudio gradd israddedig trwy gyfrwng y Saesneg efallai na fydd y gofyniad hwn yn berthnasol i chi – cliciwch yma am wybodaeth bellach.
Rydym yn cynnig amrywiaeth o raglenni hyfforddi Cyn Gradd Meistr i fyfyrwyr sy’n methu’r gofyniad iaith Saesneg yn unig y gallwch ymgymryd â nhw cyn dechrau’ch Gradd Meistr.
Rydym yn cynnig rhaglen Cyn Gradd Meistr drwy'r Coleg, Prifysgol Abertawe, i fyfyrwyr sy’n methu’r gofyniad mynediad cyffredinol yn sylweddol, a fydd yn rhoi cyfle i chi gael eich derbyn ar ein rhaglenni ôl-raddedig.
dylunio i'ch helpu i ddatblygu sgiliau trosglwyddadwy allweddol.
Drwy gydol y rhaglen, bydd gennych chi'r cyfle hefyd i fynychu sgyrsiau gwadd gan weithwyr proffesiynol ym myd diwydiant, gan wella eich gwybodaeth broffesiynol. Defnyddir offer dysgu digidol hefyd i wella'ch profiad dysgu. Gallai’r rhain gynnwys:
Darlithoedd wedi'u recordio i gefnogi astudio ac adolygu hyblyg.
Adnoddau ar-lein ar amgylchedd dysgu rhithwir y Brifysgol (Canvas), gan gynnwys fideos, deunyddiau darllen, cwisiau a fforymau trafod.
Mae'r ymagwedd hon yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.
Sylwer: Os ydych chi'n fyfyriwr rhyngwladol sy'n astudio â Fisa Llwybr Myfyrwyr, sylwch y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn cael eu cynnal ar y campws.Yn unol â phrotocol UKVI, bydd y sesiynau hyn yn cael eu monitro a bydd data ar gael ar gais.
Yn anffodus, does dim darpariaeth cyfrwng Cymraeg ffurfiol ar y cwrs hwn ar
hyn o bryd. Os hoffet ti roi gwybod i ni bod gennyt ddiddordeb mewn dilyn elfen
o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny
gan nodi'r flwyddyn mynediad ac fe wnawn ein gorau i weld beth sy'n bosib.
Er nad yw'r cwrs hwn yn darparu cynnwys academaidd trwy'r Gymraeg ar hyn o
bryd, mae'r Brifysgol yn gallu darparu'r canlynol ar dy gyfer, ac mae
cefnogaeth ar gael i ti trwy Academi Hywel
Teifi:
Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Tiwtor Personol Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
Mae'r MSc mewn Cyfrifeg a Chyllid wedi'i hachredu gan Gymdeithas y Cyfrifwyr Ardystiedig Siartredig (ACCA) ac mae’n cynnwys eithriad ar gyfer hyd at saith o arholiadau sylfaenol yr ACCA.
Hefyd, mae gan y rhaglen gysylltiadau agos â’r cyrff proffesiynol canlynol:
Sefydliad y Dadansoddwyr Ariannol Siartredig (CFA)
Sefydliad Siartredig y Cyfrifwyr Rheoli (CIMA)
Sefydliad Cyfrifwyr Siartredig Cymru a Lloegr (ICAEW)
Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.
Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Efallai y byddwch yn gymwys i gael arian i helpu i gefnogi eich astudiaethau.
I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.
Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Mae’n bosib eich bod yn gymwys i gael cymorth ariannol tuag at eich astudiaethau.
Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau.
I gael mwy o wybodaeth, ewch i'n tudalen benthyciadau Ôl-raddedig.
I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen
ysgoloriaethau a bwrsariaethau'r Brifysgol.
Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog.
I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi
Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.
Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):
Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Yn ogystal â chymorth pwnc penodol gan staff addysgu'r coleg a'ch tiwtor
personol, mae'r
Ganolfan Llwyddiant Academaidd yn darparu cyrsiau, gweithdai a chymorth un-i-un mewn
meysydd fel:
Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)
Yn ogystal, os oes gennych Anhawster Dysgu Penodol (ADP/SpLD), anabledd,
cyflwr iechyd meddwl neu gyflwr meddygol, mae gan y Ganolfan Llwyddiant
Academaidd Diwtoriaid Arbenigol i gefnogi'ch dysgu. Bydd y tiwtoriaid yn
gweithio ochr yn ochr â'r Swyddfa Anabledd
a'r Gwasanaeth Lles i gefnogi eich holl anghenion a
gofynion tra byddwch yn astudio ym Mhrifysgol Abertawe.
Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer
cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae
rhagor o wybodaeth ar gael ar ein tudalen we Dyddiadau
cau ar gyfer cyflwyno cais.
