Oes gennych chi awydd i ddylanwadu ar ddyfodol cyllid a data? Mae ein gradd MSc mewn Cyllid a Dadansoddeg Data Mawr yn rhoi'r offer i chi ddadansoddi marchnadoedd, rheoli risg ac ysgogi arloesedd.
Mae ein cwrs MSc mewn Cyllid a Dadansoddeg Data Mawr ym Mhrifysgol Abertawe wedi'i ddylunio i integreiddio egwyddorion allweddol cyllid a dadansoddeg data, gan roi'r wybodaeth a'r sgiliau technegol i chi wneud penderfyniadau cyllid yn seiliedig ar ddata a dadansoddi deinameg marchnadoedd cymhleth.
Gan adfyfyrio ar ofynion esblygiadol y sector cyllid byd-eang, mae'r rhaglen yn darparu sylfaen gref mewn marchnadoedd cyllid, dulliau meintiol, a chymwysiadau data mawr, a fydd yn eich paratoi chi ar gyfer gyrfa ddeinamig yn y diwydiant cyllid, gan gynnwys mewn rolau fel dadansoddwr cyllid, arbenigwr rheoli risg, neu ymgynghorydd dadansoddi data.
Drwy astudio'r cwrs hwn, byddwch yn gallu ymgysylltu'n feirniadol ag ystyriaethau moesegol, cymdeithasol a chynaliadwyedd sy'n ymwneud â defnyddio data mawr mewn cyllid, gan hyrwyddo gwneud penderfyniadau cyfrifol a gwybodus.
Mae'r rhaglen drosi blwyddyn o hyd hon yn croesawu myfyrwyr o unrhyw gefndir. Nid oes angen i chi feddu ar gefndir mewn cyfrifeg, cyllid neu fusnes i astudio'r cwrs blwyddyn o hyd hwn. Mae'r cwricwlwm yn adeiladu ar addysgu israddedig ac yn eich galluogi i drosglwyddo'n gyflym i yrfaoedd proffesiynol mewn cyllid, dadansoddi data neu feysydd cysylltiedig unrhyw le yn y byd.
Pam Cyllid a Dadansoddeg Data Mawr yn Abertawe?
Mae dewis Abertawe yn golygu ymuno â phrifysgol sydd ag enw da rhyngwladol am addysg cyllid ac ymrwymiad i baratoi graddedigion ar gyfer dyfodol y diwydiant. Mae ein gradd MSc mewn Cyllid a Dadansoddeg Data Mawr yn cael ei haddysgu gan academyddion sy'n cyfuno arbenigedd ymchwil â gwybodaeth ymarferol gan sicrhau bod eich addysgu'n adlewyrchu'r datblygiadau diweddaraf ym maes technoleg ariannol, data mawr a dadansoddeg.
Byddwch yn astudio ar Gampws y Bae, campws modern sy’n gartref i’r Ysgol Reolaeth y buddsoddwyd £22 miliwn ynddi. Byddwch yn elwa o amgylchedd bywiog a chydweithredol sy'n gwerthfawrogi arloesedd a safbwyntiau byd-eang. Mae'r rhaglen drosi hon wedi'i dylunio ar gyfer graddedigion o unrhyw ddisgyblaeth, felly nid oes arnoch angen gefndir mewn cyllid i lwyddo.
Mae technoleg ddigidol wedi'i gwreiddio drwy gydol y rhaglen, gan roi mynediad i chi at feddalwedd, offer rhaglennu a phlatfformau delweddu data o safon y diwydiant i ddadansoddi setiau data cyllid go iawn a datblygu sgiliau technegol ymarferol.
Y tu hwnt i'r ystafell ddosbarth, byddwch yn elwa o'n cysylltiadau cryf â chyrff proffesiynol a chyflogwyr. Gan ddefnyddio ein cysylltiadau agos â chyrff proffesiynol gan gynnwys Sefydliad Siartredig y Dadansoddwyr Ariannol (CFA), Sefydliad Siartredig y Bancwyr, a sefydliadau blaenllaw eraill, byddwch chi'n cael cyfle i rwydweithio, mynd i ddarlithoedd gwadd ac ymgysylltu â'r diwydiant.
Gyda'n ffocws ar gyflogadwyedd, ymarfer moesegol, a chynaliadwyedd, byddwch yn graddio â'r sgiliau, yr hyder, a'r cysylltiadau i ffynnu mewn byd ariannol sy'n cael ei lywio gan ddata.
Mae'r rhaglen wedi'i hachredu gan y Gymdeithas Cyfrifwyr Ardystiedig Siartredig (ACCA) ac mae’n cynnwys sawl eithriad. Hefyd mae gan yr Ysgol Reolaeth gysylltiadau cryf â Sefydliad Siartredig y Dadansoddwyr Ariannol (CFA), Sefydliad Siartredig y Bancwyr, Sefydliad Siartredig y Cyfrifwyr Rheoli (CIMA), Sefydliad Siartredig Gwarantau a Buddsoddiad, Sefydliad Siartredig Cyfrifwyr Cymru a Lloegr (ICAEW). Bydd y berthynas agos hon â chyrff proffesiynol yn gwella rhagolygon gyrfa, gan roi mantais gystadleuol i raddedigion yn y farchnad swyddi fyd-eang.
Eich Profiad Cyllid a Dadansoddeg Data Mawr
O'r diwrnod cyntaf yn yr Ysgol Reolaeth, byddwn yn gweithio gyda chi er mwyn eich helpu i ddatblygu eich sgiliau a'ch profiad i wella eich rhagolygon gyrfa.
Trwy ymuno â’n gradd MSc mewn Cyllid a Dadansoddeg Data Mawr, byddwch chi’n cael profiad o amgylchedd dysgu rhyngweithiol, cynhwysol sydd wedi’i ddylunio i’ch paratoi chi ar gyfer realiti byd ariannol sy’n cael ei lywio gan ddata.
Byddwch yn cael eich addysgu ar gampws modern sef Campws y Bae, lle byddwch yn elwa o gyfleusterau o'r radd flaenaf ac awyrgylch cydweithredol sy'n annog arloesedd a meddwl byd-eang. Bydd eich astudiaethau'n cyfuno theori â chymhwysiad ymarferol drwy weithdai rhaglennu, labordai dadansoddeg data, a dysgu ar sail achosion sy'n adlewyrchu heriau ariannol y byd go iawn.
Byddwch chi'n datblygu sgiliau technegol gydag offer megis Python, SQL a platfformau delweddu data, wrth feithrin hyder mewn cymhwyso modelau ariannol a dehongli setiau data cymhleth.
Mae technoleg ddigidol wedi’i gwreiddio drwy gydol y rhaglen, gan roi mynediad i chi at ddarlithoedd sydd wedi'u recordio, adnoddau rhyngweithiol a lleoedd cydweithredol ar-lein drwy Canvas. Mae'r hyblygrwydd hwn yn eich galluogi chi i ddysgu ar eich cyflymdra eich hun wrth gymryd rhan mewn prosiectau grŵp a fforymau trafod sy'n meithrin gwaith tîm a’r gallu i ddatrys problemau.
Byddwch yn rhan o garfan amrywiol, ryngwladol, gan rannu syniadau a safbwyntiau a fydd yn cyfoethogi eich dealltwriaeth o gyllid byd-eang. Bydd cyfleoedd rheolaidd i fyfyrio a chael adborth yn eich helpu chi i olrhain eich cynnydd, tra bydd tiwtora personol a chefnogaeth academaidd yn sicrhau eich bod yn teimlo eich bod wedi'ch tywys drwy gydol eich taith.
Erbyn i chi raddio, bydd gennych chi fwy nag arbenigedd technegol, bydd gennych yr hyblygrwydd, y sgiliau meddwl yn feirniadol a'r hyder proffesiynol i ffynnu mewn amgylcheddau ariannol byd-eang sy'n newid yn gyflym.
Cyfleoedd Cyflogaeth Cyllid a Dadansoddeg Data Mawr
Mae gennym hanes ardderchog o sicrhau lleoliadau gwaith i raddedigion gyda chwmnïau amlwladol mawr, a bydd eich gradd MSc mewn Cyllid a Dadansoddeg Data Mawr yn rhoi mantais gystadleuol i chi mewn diwydiant sy'n esblygu'n gyflym.
Gydag achrediad Cymdeithas Siartredig y Cyfrifwyr Ardystiedig (ACCA), gallwch ddangos i gyflogwr bod gennych chi'r wybodaeth ariannol gref, yr arbenigedd technegol a'r sgiliau meddwl yn strategol sydd eu hangen i lwyddo mewn amgylcheddau busnes cymhleth.
Mae galw mawr am raddedigion y rhaglen hon ar draws ystod eang o ddiwydiannau, gan gynnwys cyllid a bancio, technoleg a thechnoleg ariannol, ymgynghori, gofal iechyd, e-fasnach, gweithgynhyrchu, y llywodraeth ac ynni. Mae'r radd hon yn rhoi'r gallu i chi drosi data cymhleth yn strategaethau busnes gweithredol ac ariannol, gan ei gwneud yn hynod amlbwrpas ac yn barod am y dyfodol.
Mae llwybrau gyrfa arferol yn cynnwys rolau megis:
Mae llawer o raddedigion hefyd yn symud ymlaen i swyddi uwch megis Prif Swyddog Data neu Brif Swyddog Technoleg, neu’n symud ymlaen i rolau ymgynghori a rheoli prosiect lle mae gwneud penderfyniadau ar sail data'n allweddol. I'r rhai hynny sydd â diddordeb mewn ymchwil neu'r byd academaidd, mae'r rhaglen hon yn sylfaen ardderchog ar gyfer astudiaethau pellach, gan gynnwys graddau PhD mewn cyllid neu economeg.
Drwy gyfuno gwybodaeth ariannol uwch â sgiliau dadansoddi data arloesol, mae'r cwrs MSc hwn yn agor drysau i yrfaoedd mewn bancio buddsoddi, rheoli asedau, technoleg ariannol a thu hwnt, gan eich paratoi chi i ffynnu yn y dirwedd ariannol fyd-eang sy'n cael ei llywio gan ddata.
Modiwlau
Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.
Modiwlau
Blwyddyn 1 (Lefel 7)
FHEQ 7 Taught Masters / PGDip / PGCert
Mae myfyrwyr yn dewis 180 o gredydau o'r opsiynau canlynol:
Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.
Gofynion Mynediad
Nodyn ar gyfer ymgeiswyr rhyngwladol ac Ewropeaidd:
gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.
Rhaid i fyfyrwyr ennill 2:2 (neu gymhwyster tramor cyfwerth) mewn gradd israddedig. Bydd unrhyw bwnc gradd yn cael ei ystyried.
Rydym yn ystyried pob cais yn unol â’i deilyngdod ac yn edrych ar bob cais unigol cyn gwneud cynnig, felly dylai myfyrwyr sy’n methu bodloni’r meini prawf mynediad o drwch blewyn yn unig barhau i ymgeisio i’r Ysgol Reolaeth.
Rhaid i siaradwyr Saesneg ail iaith ennill sgôr IELTS gyffredinol o 6.0 heb unrhyw gydran yn is na 5.5. Darperir rhestr o brofion cyfwerth yma. Os ydych wedi astudio gradd israddedig trwy gyfrwng y Saesneg efallai na fydd y gofyniad hwn yn berthnasol i chi – cliciwch yma am wybodaeth bellach.
Rydym yn cynnig amrywiaeth o raglenni hyfforddi Cyn Gradd Meistr i fyfyrwyr sy’n methu’r gofyniad iaith Saesneg yn unig y gallwch ymgymryd â nhw cyn dechrau’ch Gradd Meistr.
Rydym yn cynnig rhaglen Cyn Gradd Meistr drwy'r Coleg, Prifysgol Abertawe, i fyfyrwyr sy’n methu’r gofyniad mynediad cyffredinol yn sylweddol, a fydd yn rhoi cyfle i chi gael eich derbyn ar ein rhaglenni ôl-raddedig.
Yn Abertawe, byddwch yn elwa o addysg o ansawdd uchel, sydd wedi’i llywio gan ymchwil, sy'n cyfuno amrywiaeth o ddulliau addysgu effeithiol a chynhwysol, wedi'u teilwra'n ofalus i ddiwallu anghenion eich cwrs. Addysgir y cwrs hwn wyneb yn wyneb, ar y campws, gan roi cyfle i chi feithrin cysylltiadau â myfyrwyr eraill, staff academaidd a chymuned ehangach y brifysgol.
Gallwch ddisgwyl cymysgedd o ddarlithoedd, seminarau, gweithdai a sesiynau ymarferol. Mae'r sesiynau hyn wedi'u dylunio i annog cyfranogiad gweithredol, cydweithio, a datblygu sgiliau dadansoddol.
Defnyddir offer dysgu digidol hefyd i wella'ch profiad dysgu. Gall y rhain gynnwys:
Caiff darlithoedd wedi'u recordio, seminaraua digwyddiadau siaradwyr gwadd eu cyflwyno gan weithwyr proffesiynol cyllid. Maent ar gael drwy lwyfannau ar-lein ac fel recordiadau ar gyfer mynediad anghydamserol i gefnogi astudio ac adolygu hyblyg.
Adnoddau ar-leinar amgylchedd dysgu rhithwir y Brifysgol (Canvas), gan gynnwys fideos, setiau data ariannol, deunyddiau darllen, cwisiau a fforymau trafod.
Mae'r ymagwedd hon yn eich galluogi i ymdrin â chynnwys a'i adolygu yn eich amser eich hun wrth elwa o strwythur a chefnogaeth addysgu wyneb yn wyneb.
Sylwer: Os ydych chi'n fyfyriwr rhyngwladol sy'n astudio â Fisa Llwybr Myfyrwyr, sylwer y bydd eich gweithgareddau wedi'u hamserlennu, ynghyd ag unrhyw weithgareddau goruchwylio ychwanegol (gyda staff Prifysgol Abertawe yn bresennol) yn cael eu cynnal ar y campws.Yn unol â phrotocol UKVI, bydd y sesiynau hyn yn cael eu monitro a bydd data ar gael ar gais.
Yn anffodus, does dim darpariaeth cyfrwng Cymraeg ffurfiol ar y cwrs hwn ar
hyn o bryd. Os hoffet ti roi gwybod i ni bod gennyt ddiddordeb mewn dilyn elfen
o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny
gan nodi'r flwyddyn mynediad ac fe wnawn ein gorau i weld beth sy'n bosib.
Er nad yw'r cwrs hwn yn darparu cynnwys academaidd trwy'r Gymraeg ar hyn o
bryd, mae'r Brifysgol yn gallu darparu'r canlynol ar dy gyfer, ac mae
cefnogaeth ar gael i ti trwy Academi Hywel
Teifi:
Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Tiwtor Personol Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
Mae'r radd MSc mewn Cyllid a Dadansoddeg Data Mawr ym Mhrifysgol Abertawe wedi'i hachredu gan Gymdeithas y Cyfrifwyr Ardystiedig Siartredig (ACCA). Mae hyn yn golygu y gallwch gael eich eithrio o hyd at dri o arholiadau sylfaenol ACCA, gan roi mantais i chi yn eich taith broffesiynol (efallai bydd ffïoedd cofrestru ychwanegol yn berthnasol).*
*Mae eithriadau'n dibynnu ar eich dewis o fodiwlau.
Mae cwrs achrededig yn gwrs sydd wedi cael ei gymeradwyo gan gorff proffesiynol perthnasol am fodloni ei safonau ansawdd. Mae'n dangos bod eich astudiaethau wedi'u cysylltu'n agos â'r diwydiant, gan ddod ag ymarfer byd go iawn i'ch addysgu. Yn aml mae'r cyrsiau hyn yn cyfrif tuag at gymwysterau a chofrestriadau proffesiynol, gan roi eich gyrfa ar lwybr carlam.
Pa fanteision mae achrediad proffesiynol yn eu cynnig?
Achub y blaen: Gyda gradd sydd wedi'i hachredu'n broffesiynol, gallwch gael eich eithrio o arholiadau neu gymwysterau cychwynnol penodol, gan roi hwb gwerthfawr i chi ar ddechrau eich gyrfa.
Cymorth a chysylltiadau: Gallwch gofrestru ar gyfer aelodaeth myfyriwr gyda'r corff proffesiynol a chael mynediad at adnoddau gyrfa, cyfleoedd i rwydweithio a chyngor arbenigol. Mae'n ychwanegiad gwych i'ch CV ac mae'n eich helpu i deimlo'n barod ar gyfer cyflogaeth.
Sylwer, i sawl proffesiwn, mae astudio cwrs achrededig yn gam cychwynnol yn unig at fod yn gwbl gymwys. Gallwch wirio gyda'r cyrff proffesiynol perthnasol am ofynion penodol eraill.
Cewch eich addysgu gan ddarlithwyr o safon fyd-eang sy’n ymchwilwyr brwd. Ewch i'nTudalennau Staff yr Ysgol Reolaethi ddysgu mwy am ein tîm academaidd.
Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.
Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Efallai y byddwch yn gymwys i gael arian i helpu i gefnogi eich astudiaethau.
I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.
Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Mae’n bosib eich bod yn gymwys i gael cymorth ariannol tuag at eich astudiaethau.
Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau.
I gael mwy o wybodaeth, ewch i'n tudalen benthyciadau Ôl-raddedig.
I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen
ysgoloriaethau a bwrsariaethau'r Brifysgol.
Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog.
I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi
Mae'r Ysgol Reolaeth hefyd yn cynnig Ysgoloriaethau Datblygu Dyfodol ar gyfer myfyrwyr ôl-raddedig (a addysgir) sydd wedi derbyn cynnig i astudio yn yr Ysgol Reolaeth.
Mae'r ysgoloriaeth yn annog myfyrwyr i ddatblygu nifer o sgiliau proffesiynol wrth iddynt weithio gyda'r Ysgol drwy gydol y flwyddyn academaidd.
Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.
Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):
Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Yn ogystal â chymorth pwnc penodol gan staff addysgu'r coleg a'ch tiwtor
personol, mae'r
Ganolfan Llwyddiant Academaidd yn darparu cyrsiau, gweithdai a chymorth un-i-un mewn
meysydd fel:
Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)
Yn ogystal, os oes gennych Anhawster Dysgu Penodol (ADP/SpLD), anabledd,
cyflwr iechyd meddwl neu gyflwr meddygol, mae gan y Ganolfan Llwyddiant
Academaidd Diwtoriaid Arbenigol i gefnogi'ch dysgu. Bydd y tiwtoriaid yn
gweithio ochr yn ochr â'r Swyddfa Anabledd
a'r Gwasanaeth Lles i gefnogi eich holl anghenion a
gofynion tra byddwch yn astudio ym Mhrifysgol Abertawe.
Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer
cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae
rhagor o wybodaeth ar gael ar ein tudalen we Dyddiadau
cau ar gyfer cyflwyno cais.
