Rheoli Adnoddau Dynol, MSc / PGDip

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

Rhaid i fyfyrwyr ennill gradd israddedig neu gymhwyster cyfwerth ag o leiaf 2:1 mewn disgyblaeth gysylltiedig (e.e. rheoli busnes, astudiaethau busnes, rheoli adnoddau dynol, marchnata, entrepreneuriaeth, economeg).

Rhaid i siaradwyr Saesneg anfrodorol gyflawni IELTS neu gyfwerth gyda sgôr o 6.5 neu uwch, heb fod yn llai na 5.5 mewn unrhyw un elfen. Darperir rhestr o brofion cyfatebol yma. Os ydych chi wedi astudio gradd israddedig a addysgir trwy gyfrwng y Saesneg, efallai y byddwch wedi'ch heithrio o'r gofyniad hwn – cliciwch yma am ragor o wybodaeth.

I fyfyrwyr sy'n methu cyrraedd y gofyniad Saesneg yn unig, rydym yn cynnig ystod o raglenni hyfforddi cyn-Meistr y gallwch eu cyflawni cyn dechrau ar eich cymhwyster Meistr.

Rydyn ni'n falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Addysgir ein cyrsiau wyneb yn wyneb, ar y campws, sy’n galluogi chi i ymgysylltu'n llawn â'ch darlithwyr a'ch cyd-fyfyrwyr. 

Mae sesiynau sgiliau ymarferol, seminarau, a gweithdai yn cael eu cynnal wyneb yn wyneb fel arfer, gan ganiatáu i chi weithio a chyflwyno mewn grŵp. Fodd bynnag, mae ein hymagwedd hefyd yn cynnwys defnyddio cymorth ar-lein i ategu ac atgyfnerthu addysgu wyneb yn wyneb traddodiadol. 

Efallai y bydd dysgu ar-lein yn digwydd yn 'fyw' gan ddefnyddio meddalwedd fel Zoom, a fydd yn eich galluogi i ryngweithio â'r darlithydd a'ch cyfoedion ac i ofyn cwestiynau. Mae recordio darlithoedd yn cynnig mwy o hyblygrwydd o ran ail-edrych ar ddeunydd a gwella’ch dysgu y tu allan i'r ystafell ddosbarth. Mae gan rai modiwlau adnoddau ychwanegol yn ein hamgylchedd dysgu rhithwir (Canvas), megis fideos, sleidiau a chwisiau sy'n galluogi astudiaeth hyblyg bellach. 

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Mae Ysgol Reolaeth Prifysgol Abertawe yn Ddarparwr Rhaglen Achrededig y Sefydliad Siartredig Personél a Datblygu (CIPD). Ar ôl cwblhau'n llwyddiannus fodiwlau perthnasol wedi'u mapio sy'n rhan o'r MSc Rheoli Adnoddau Dynol, byddwch yn gymwys i gael Aelodaeth Gysylltiol o'r CIPD ac yn cael y cyfle i ymgeisio i uwchraddio i Aelodaeth Siartredig.

Am ragor o wybodaeth, gweler ein tudalen Achredu Proffesiynol.

Beth yw Cwrs Achrededig?

Cwrs sydd wedi'i gymeradwyo gan gorff proffesiynol perthnasol gan ei fod yn bodloni ei safonau ansawdd. Mae'n amlygu cysylltiad agos rhwng byd diwydiant a'ch cwrs, gan ddod ag arferion blaengar o’r byd go iawn i'ch astudiaethau. Gall cyrsiau achrededig helpu i’ch rhoi chi ar drywydd cyflym yn y llwybr gyrfa o'ch dewis.

Pa fanteision mae Achrediad Proffesiynol yn eu cynnig?

Cofrestrwch am aelodaeth myfyriwr a gallwch chi ddechrau elwa o gymorth gyrfa corff proffesiynol, yn ogystal â chysylltiadau â chymheiriaid ac arbenigwyr. Mae'n edrych yn dda ar eich CV ac mae'n eich helpu i baratoi ar gyfer cyflogaeth.

Byddwch yn cael eich addysgu gan dîm o academyddion profiadol. Mae'r holl academyddion sy'n gysylltiedig â'r rhaglen yn ymchwilwyr, gyda'r mwyafrif hefyd â chefndir mewn diwydiant fel gweithwyr adnoddau dynol.  Mewn addysgu dan arweiniad ymchwil, mae'r dystiolaeth ymchwil ddiweddaraf yn llywio trafodaeth a dadl mewn gweithdai, seminarau, a darlithoedd. Fodd bynnag, mae'r materion a archwilir yn aml yn dod yn uniongyrchol o ddiwydiant lle gellir mynd i'r afael ag atebion, neu ffyrdd o ddeall rheoli pobl yn well.

Cewch fwy o wybodaeth am ein staff academaidd drwy ddarllen ein proffiliau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

 Mae'r Ysgol Reolaeth hefyd yn cynnig Ysgoloriaeth Datblygu Dyfodol ar gyfer myfyrwyr cyrsiau ôl-raddedig (a addysgir) sydd wedi cael cynnig i astudio yn yr Ysgol Reolaeth. 

Mae'r pecyn ysgoloriaeth yn annog myfyrwyr i feithrin nifer o sgiliau proffesiynol wrth iddynt weithio gyda'r Ysgol drwy gydol y flwyddyn academaidd.

 

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

• Aelodaeth o'r CIPD fel Myfyriwr*

Efallai y bydd cyfle i ymweld â byd diwydiant a mynd ar deithiau maes sy'n gysylltiedig â'r rhaglen a allai arwain at gostau ychwanegol cymedrol.

* Sylwer bod yn rhaid talu ffïoedd ychwanegol i ymaelodi â'r CIPD. Os yw graddedigion ein MSc Rheoli Adnoddau Dynol am gyflwyno cais i uwchraddio i Aelodaeth Siartredig, sylwer na fydd Prifysgol Abertawe'n cymryd rhan yn y broses hon na'r penderfyniad. Gwneir y penderfyniad gan y CIPD ar sail llwybrau gyrfa a thystiolaeth unigolion.

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae gan yr Ysgol Reolaeth hefyd dîm Cyflogadwyedd mewnol dynodedig sy’n cynnig cymorth ychwanegol.
Yn ystod eich amser gyda ni, bydd gennych gyfle i:

• Ymuno â'n cynllun Mentora Cyflogadwyedd a chael eich mentora gan gyflogwr a all eich helpu i bontio o fod yn fyfyriwr i fod yn weithiwr proffesiynol.
• Siarad â’n cymuned gynyddol o gyn-fyfyrwyr.
• Gweithio a rhwydweithio â chyflogwyr o amrywiaeth o gwmnïau cenedlaethol ac amlwladol drwy ein seminarau a'n digwyddiadau.
• Gwella eich sgiliau a chwrdd â chyflogwyr yn ystod ein Modiwl Cyflogadwyedd, a gynhelir ddwywaith y flwyddyn.
• Manteisiwch ar gefnogaeth ddiderfyn 1-2-1 i ddatblygu eich profiad gyrfa
• Cadwch mewn cysylltiad am gefnogaeth am bum mlynedd ar ôl i chi raddio

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Mae'r PGDip mewn Rheoli Adnoddau Dynol yn radd ôl-raddedig alwedigaethol fyrrach sy'n cynnig hyfforddiant arbenigol mewn rheoli adnoddau dynol. Mae'r cwrs hwn yn addas i swyddogion AD proffesiynol sydd â diddordeb mewn datblygu gyrfa ac am wella eu CV mewn llai o amser. 

Wedi'i lunio'n benodol ar gyfer ymarferwyr AD, darpar ymarferwyr AD a rheolwyr sydd am wella eu dealltwriaeth o reoli pobl.  Bydd y rhaglen hon yn rhoi'r wybodaeth a'r sgiliau strategol y bydd eu hangen arnoch i ddatblygu eich gyrfa AD. 

Hefyd, gallwch ystyried datblygu eich astudiaethau ymhellach i lefel gradd Meistr.  Os ydych yn cwblhau eich Diploma Ôl-raddedig ac yn penderfynu'n ddiweddarach yr hoffech barhau i MSc mewn Rheoli Adnoddau Dynol, gallwch gyflwyno cais i'r swyddfa derbyn myfyrwyr a gofyn  a allwch drosglwyddo eich credyd presennol tuag at radd Meistr. Byddai'n rhaid i chi wneud hyn o fewn 5 mlynedd o dderbyn Diploma Ôl-raddedig. 

Mae ein PGDip wedi'i achredu gan y CIPD. Wrth gwblhau eich astudiaethau'n llwyddiannus, byddwch yn ennill aelodaeth cysylltiol o'r CIPD* yn awtomatig gyda'r potensial i uwchraddio eich aelodaeth i statws Siartredig yn ddibynnol ar eich lefelau o brofiad.

*Sylwer, i fod yn gymwys am aelodaeth gysylltiol, rhaid i fyfyrwyr fod yn aelodau o'r CIPD am hyd eu hastudiaethau.  Sylwer bod yn rhaid talu ffïoedd ychwanegol i ymaelodi â'r CIPD. Os yw graddedigion ein PGDip Rheoli Adnoddau Dynol am gyflwyno cais i uwchraddio i Aelodaeth Siartredig, sylwer na fydd Prifysgol Abertawe'n cymryd rhan yn y broses hon na'r penderfyniad. Gwneir y penderfyniad gan y CIPD ar sail llwybrau gyrfa a thystiolaeth unigolion.