Rheoli (Deallusrwydd Artiffisial), MSc

Datblygu'r sgiliau a'r wybodaeth i ragori yn y diwydiant AI modern

myfyrwyr

Trosolwg o'r Cwrs

Mae Deallusrwydd Artiffisial (AI) a'i effaith drawsnewidiol ar fusnes a chymdeithas yn datblygu'n sgil graidd gynyddol yn y gweithle mewn diwydiant a llywodraeth, wrth i nifer cynyddol o swyddi ddefnyddio systemau AI i ddatrys llawer o broblemau busnes.

Bydd y radd MSc Rheoli (Deallusrwydd Artiffisial) yn Abertawe'n rhoi cyflwyniad cadarn i'r goblygiadau busnes a rheoli sydd ynghlwm wrth fabwysiadu AI mewn sefydliadau, gan roi mewnwelediad gwerthfawr i fyfyrwyr o'r cymhlethdodau niferus sy'n ymwneud â defnydd cynyddol o AI.

Byddwch yn archwilio egwyddorion allweddol AI ac yn cael yr wybodaeth graidd o safbwyntiau damcaniaethol ac sy'n seiliedig ar ymarfer, gan roi dealltwriaeth fanwl a systematig i chi o'r materion allweddol, arfer gorau ac ystyriaethau moesegol ym maes AI. Mae galw cynyddol am y sgiliau allweddol hyn gan lawer o sefydliadau ar lefel fyd-eang.

Yn ogystal, byddwch yn dysgu am reoli mewn cymuned fyd-eang gysylltiedig yn ogystal â chysyniadau rheoli craidd megis rheoli adnoddau ariannol, rheoli gweithrediadau, rheoli adnoddau dynol a rheoli marchnata er mwyn rhoi gwybodaeth gadarn ichi mewn ystod o egwyddorion busnes dynamig.

Mae'r cwrs wedi'i achredu gan y Sefydliad Rheoli Siartredig (CMI), sef yr unig gorff proffesiynol siartredig yn y DU sy'n ymwneud yn benodol â hyrwyddo'r safonau uchaf o ran rhagoriaeth rheoli ac arwain, ac mae ar gael i fyfyrwyr o unrhyw ddisgyblaeth a hoffai weithio ym maes busnes neu reoli. Ar ôl cwblhau modiwlau wedi’u mapio perthnasol y radd MSc mewn Rheoli yn llwyddiannus, byddwch yn cymhwyso i gael tystysgrif lefel 7 y CMI mewn Rheoli ac Arwain Strategol.

Pam Rheoli (Deallusrwydd Artiffisial) yn Abertawe?

  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.
  • Gellir cwblhau'r rhaglen mewn un flwyddyn
  • Ar gael i ymgeiswyr heb brofiad blaenorol o bynciau sy'n gysylltiedig â busnes neu reoli
  • Achrediad gan y corff proffesiynol sy'n gallu helpu i hwyluso eich gyrfa
  • Caiff pob modiwl ei addysgu gan ein hacademyddion o'r radd flaenaf sydd â gwybodaeth ddiwydiannol ac academaidd
  • Addysgir ein rhaglenni myfyrwyr yn adeilad gwerth £22 miliwn yr Ysgol Reolaeth ar gampws y Bae
  • Mae Astudiaethau Busnes a Rheoli wedi'i roi yn safle 83 yn Nhablau Prifysgolion y Byd QS fesul Pwnc 2025

Eich Profiad Rheoli (Deallusrwydd Artiffisial)

Nod y radd MSc Rheoli (Deallusrwydd Artiffisial) yw bodloni'r galw cynyddol am weithwyr proffesiynol sy'n arbenigo mewn mabwysiadu AI mewn sefydliadau, gan roi'r wybodaeth a'r sgiliau i chi sy'n hanfodol yn y diwydiant AI modern ac mewn cymdeithas.

O'r diwrnod cyntaf yn yr Ysgol Reolaeth, byddwn yn gweithio gyda chi er mwyn eich helpu i ddatblygu eich sgiliau a'ch profiad i wella eich rhagolygon gyrfa yn y diwydiant cyffrous a chystadleuol hwn.

Mae'r addysgu yn Abertawe'n cael ei lywio gan ymchwil ac mae gan ein staff brofiad personol o ddamcaniaeth ac ymarfer, sy'n golygu y gallwch chi elwa o'u harbenigedd academaidd a'u profiad proffesiynol ymarferol.

Cyfleoedd Cyflogaeth Rheoli (Deallusrwydd Artiffisial)

Mae gennym hanes ardderchog o leoli ein graddedigion gyda chwmnïau amlwladol mawr.

Bydd eich rhaglen MSc Rheoli (Deallusrwydd Artiffisial) yn eich paratoi ar gyfer amrywiaeth o lwybrau gyrfa, gyda'i phwyslais ar ddulliau ymarferol ar gyfer dylunio ac adeiladu systemau deallus.

Bydd eich rhaglen Rheoli, gyda'i hachrediad gan y CMI, yn rhoi cyfleoedd i chi weithio mewn amrywiaeth eang o sectorau a ffynnu yn y farchnad gystadleuol hon.  

Gallai eich cam nesaf fod yn unrhyw un o'r rolau canlynol:

  • Gwyddonydd Data
  • Dadansoddwr Data AI
  • Ymgynghorydd Rheoli
  • Rheolwr Prosiect
  • Dadansoddwr Busnes

Modiwlau

Ymwadiad: Gall dewis modiwlau newid