Rheoli (Rheoli Gweithrediadau a Chyflenwi), MSc

Dysgwch sut i reoli gweithrediadau byd-eang a rhwydweithiau cyflenwi

Myfyrwyr

Trosolwg o'r Cwrs

A oes gennych ymwybyddiaeth fasnachol gref a diddordeb mewn rheoli cyflenwi ym marchnadoedd byd-eang a hynod gystadleuol yr oes sydd ohoni?

Mae'r rhaglen MSc Rheoli (Rheoli Gweithrediadau a Chyflenwi) ym Mhrifysgol Abertawe ar gyfer myfyrwyr sydd â diddordeb amlwg mewn deall sut y caiff cynhyrchion a gwasanaethau eu creu a'u dosbarthu, a dysgu sut y gellir gwella'r broses hon ar gyfer cwmnïau'r 21ain ganrif. Cynlluniwyd y cwrs gradd yn benodol â ffocws clir ar reoli mewn cymuned fyd-eang gyd-gysylltiedig.

Mae'r cwrs yn cynnig cyfle i chi ganolbwyntio ar fodiwlau sy'n ymwneud â rheoli cadwyni cyflenwi byd-eang a rheoli prosiectau. Mae hefyd yn mynd i'r afael â chysyniadau rheoli craidd fel rheoli adnoddau ariannol, rheoli gweithrediadau, rheoli adnoddau dynol a rheoli gwaith marchnata.

Wedi’i achredu gan y Sefydliad Rheolaeth Siartredig (CMI), sef yr unig gorff proffesiynol siartredig yn y Deyrnas Unedig yn benodol ar gyfer hyrwyddo’r safonau uchaf mewn rhagoriaeth rheoli ac arweinyddiaeth, mae’r cwrs ar agor i fyfyrwyr o unrhyw ddisgyblaeth a hoffai weithio ym myd busnes neu reoli. Ar ôl gorffen y modiwlau a fapiwyd yn y cwrs gradd MSc mewn rheoli byddwch chi’n cymhwyso ar gyfer Tystysgrif mewn Rheoli ac Arweinyddiaeth Strategol Lefel 7 y Sefydliad Rheolaeth Siartredig.

Gwyddom fod hwn yn fyd cystadleuol. Er mwyn eich helpu i gael y gorau o'ch astudiaethau a chael mantais dros eich cystadleuwyr, mae'r rhaglen hefyd yn cynnwys modiwl sgiliau academaidd sy'n cwmpasu materion fel dulliau ymchwil.

Pam Rheoli (Rheoli Gweithrediadau a Chyflenwi) yn Abertawe?

  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.
  • Ar agor i ymgeiswyr nad oes ganddynt unrhyw brofiad blaenorol o bynciau busnes neu reoli
  • Addysgir ein holl fodiwlau gan ein hacademyddion o'r radd flaenaf sy'n meddu ar wybodaeth academaidd a phrofiad proffesiynol
  • Achrediad corff proffesiynol sy'n gallu rhoi hwb i'ch gyrfa
  • Addysgir ein rhaglenni myfyrwyr yn adeilad gwerth £22 miliwn yr Ysgol Reolaeth ar gampws y Bae
  • Mae Astudiaethau Busnes a Rheoli wedi'i roi yn safle 83 yn Nhablau Prifysgolion y Byd QS fesul Pwnc 2025

Eich Profiad Rheoli (Rheoli Gweithrediadau a Chyflenwi)

O'r eiliad y byddwch yn cyrraedd yr Ysgol Reolaeth, byddwn yn gweithio gyda chi er mwyn eich helpu i ddatblygu eich sgiliau a'ch profiad i wella eich rhagolygon gyrfa.

Bydd ein tîm gyrfaoedd penodol yn rhoi'r holl gyngor ar yrfaoedd sydd ei angen arnoch, a hwnnw'n gyngor un i un wedi'i deilwra ar eich cyfer. Gallwch gwblhau lleoliad gwaith neu interniaeth drwy Rwydwaith Interniaeth â Thâl Abertawe (SPIN) neu fenter Wythnos o Waith.

Mae ein holl fyfyrwyr yn elwa o rannu'r safle arloesol ar Gampws y Bae â phartneriaid diwydiannol. Mae ein cyfleusterau'n cynnwys mannau wedi'u neilltuo i addysgu ac astudio, a chyfleusterau TG helaeth â'r galedwedd a'r feddalwedd arbenigol ddiweddaraf.

Cyfleoedd Cyflogaeth Rheoli (Rheoli Gweithrediadau a Chyflenwi)

Mae gennym hanes ardderchog o leoli ein graddedigion gyda chwmnïau amlwladol mawr.

Bydd eich rhaglen Rheolaeth (Rheoli Gweithrediadau a Chyflenwi), gyda'i harchrediad CMI, yn rhoi cyfleoedd i chi weithio mewn amrywiaeth eang o sectorau a ffynnu yn y farchnad gystadleuol hon.  

Gallai eich cam nesaf fod yn unrhyw un o'r rolau canlynol:

  • Ymgynghorydd Gweithrediadau a Chyflenwi
  • Rheolwr Datblygu Busnes
  • Ymgynghorydd Rheoli
  • Dadansoddwr neu Ymchwilydd

Modiwlau

Rydym wrthi'n adolygu ein cwricwlwm i wella eich profiad dysgu ac ymgorffori sgiliau a fydd o fudd i'ch gyrfa yn y dyfodol. Mae hyn yn golygu y gall rhai modiwlau newid.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Cynnig Nodweddiadol

2.2