Rheoli (Rheoli Adnoddau Dynol), MSc

Dysgwch am heriau rheoli gweithlu byd-eang

Myfyrwyr

Trosolwg o'r Cwrs

Oes gennych uchelgais i fod yn rheolwr? Oes gennych sgiliau cyfathrebu gwych, ydych chi'n drefnus ac yn benderfynol? Allwch chi fod yn ddiduedd ac yn wrthrychol a chymell pobl i wneud eu gorau? Os hoffech greu argraff dda a dringo ysgol gyrfa mewn rheoli busnes, bydd angen i chi ddysgu gan yr arbenigwyr am sut i lwyddo.

Cynlluniwyd yr MSc Rheoli (Rheoli Adnoddau Dynol) ym Mhrifysgol Abertawe ar gyfer myfyrwyr sydd â diddordeb yn yr elfen ddynol o reoli busnes - o ddulliau clasurol o reoli adnoddau dynol i feysydd megis arweinyddiaeth a rheoli elfennau dynol busnes mewn cyd-destun byd-eang dynamig.

Byddwch hefyd yn astudio rheoli mewn cymuned fyd-eang gyd-gysylltiedig yn ogystal â chysyniadau rheoli craidd, megis rheoli adnoddau ariannol, rheoli gweithrediadau, rheoli adnoddau dynol a rheoli marchnata, i roi sylfaen gadarn i chi mewn amrywiaeth o egwyddorion busnes dynamig.

Wedi’i achredu gan y Sefydliad Rheolaeth Siartredig (CMI), sef yr unig gorff proffesiynol siartredig yn y Deyrnas Unedig yn benodol ar gyfer hyrwyddo’r safonau uchaf mewn rhagoriaeth rheoli ac arweinyddiaeth, mae’r cwrs ar agor i fyfyrwyr o unrhyw ddisgyblaeth a hoffai weithio ym myd busnes neu reoli. Ar ôl gorffen y modiwlau a fapiwyd yn y cwrs gradd MSc mewn rheoli byddwch chi’n cymhwyso ar gyfer Tystysgrif mewn Rheoli ac Arweinyddiaeth Strategol Lefel 7 y Sefydliad Rheolaeth Siartredig.

Gwyddom ein bod yn byw mewn byd cystadleuol. I'ch helpu i fanteisio i'r eithaf ar eich astudiaethau ac i achub y blaen ar eich cystadleuwyr, mae’r rhaglen hefyd yn cynnwys modiwl ar sgiliau academaidd sy’n ymdrin â materion megis dulliau ymchwil.

Pam Rheoli (Rheoli Adnoddau Dynol) yn Abertawe?

  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.
  • Ar agor i ymgeiswyr nad oes ganddynt unrhyw brofiad blaenorol o bynciau busnes neu reoli
  • Addysgir ein holl fodiwlau gan ein hacademyddion o'r radd flaenaf sy'n meddu ar wybodaeth academaidd a phrofiad proffesiynol
  • Achrediad gan y corff proffesiynol (gan ddibynnu ar y modiwlau rydych yn eu dewis) sy'n gallu helpu i hwyluso eich gyrfa
  • Addysgir ein rhaglenni myfyrwyr yn adeilad gwerth £22 miliwn yr Ysgol Reolaeth ar gampws y Bae
  • Mae Astudiaethau Busnes a Rheoli wedi'i roi yn safle 83 yn Nhablau Prifysgolion y Byd QS fesul Pwnc 2025

Eich Profiad Rheoli (Rheoli Adnoddau Dynol)

O'r funud rydych yn cyrraedd yr Ysgol Reolaeth, byddwn yn gweithio gyda chi i’ch helpu i feithrin eich sgiliau a'ch profiad er mwyn cyfoethogi'ch cyfleoedd gyrfa.

Cewch gyngor pwrpasol, un i un, diderfyn ar yrfaoedd gan ein tîm gyrfaoedd ymroddedig. Cewch gyfle i wneud lleoliad gwaith neu interniaeth drwy Rwydwaith Interniaeth â Thâl Abertawe (SPIN) neu'r fenter Wythnos o Waith.

Mae ein holl fyfyrwyr yn elwa o rannu'r safle arloesol ar Gampws y Bae â phartneriaid diwydiannol. Mae ein cyfleusterau'n cynnwys mannau wedi'u neilltuo i addysgu ac astudio, a chyfleusterau TG helaeth â'r galedwedd a'r feddalwedd arbenigol ddiweddaraf.

Cyfleoedd Cyflogaeth Rheoli (Rheoli Adnoddau Dynol)

Mae gennym brofiad helaeth o leoli ein graddedigion gyda chwmnïau aml-wladol mawr.

Bydd eich rhaglen Rheolaeth (Rheoli Adnoddau Dynol), gyda'i hachrediad gan y CMI, yn rhoi cyfleoedd i chi weithio mewn amrywiaeth eang o sectorau a ffynnu yn y farchnad gystadleuol hon.

Gallai eich cam nesaf fod yn unrhyw un o'r rolau hyn:

  • Partner Busnes Adnoddau Dynol
  • Rheolwr Datblygu Busnes
  • Ymgynghorydd Rheoli

Modiwlau

Mae myfyrwyr sydd yn dechrau ym mis Medi neu Ionawr yn astudio’r run modiwlau craidd fel rhan o’r rhaglen. Mae dyddiadau Ionawr i’w cadarnhau.

Dyma rai o'r modiwlau nodweddiadol: Rheoli Adnoddau Dynol, Strategaeth ac Arweinyddiaeth.

Ymwadiad: Gall dewis modiwlau newid