Advanced Management (Sport Business and Leadership), MSc / PGDip / PGCert

Rhaid i fyfyrwyr ennill 2:1 (neu gymhwyster tramor cyfwerth) mewn gradd israddedig, a chaiff unrhyw bwnc gradd ei ystyried. Byddem hefyd yn fodlon ystyried y rhai hynny â chefndir a phrofiad gwaith chwaraeon penodol arall yn y sector, yn lle gofyniad am radd israddedig.

Rhaid i fyfyrwyr nad ydynt yn siarad Saesneg fel mamiaith ennill sgôr IELTS gyffredinol o 6.5 gan sgorio o leiaf 6.0 ym mhob elfen. Os ydych wedi astudio cwrs gradd israddedig a addysgwyd drwy gyfrwng y Saesneg, gallwch gael eich eithrio o'r gofyniad hwn – cliciwch yma i gael rhagor o wybodaeth.

I fyfyrwyr sy'n methu bodloni'r gofyniad sy'n ymwneud â'r Saesneg yn unig, rydym yn cynnig amrywiaeth o raglenni hyfforddiant cyn Meistr y gallwch eu cwblhau cyn dechrau astudio ar gyfer eich cymhwyster Meistr.

Mae ein rhaglen Rheoli Uwch (Chwaraeon, Busnes ac Arweinyddiaeth) yn radd hyblyg ac arloesol sy'n defnyddio amrywiaeth o ddulliau addysgu, yn bennaf drwy ddarlithoedd a seminarau wythnosol, wedi'u llunio gan arbenigwyr ac ymarferwyr profiadol.

O ddechrau eich gradd, cewch eich ymdrochi yn ein hymchwil o’r radd flaenaf a’n haddysgu a arweinir gan ddiwydiant, gan gael pob cyfle i ddatblygu sgiliau trosglwyddadwy allweddol wrth fodloni’r deilliannau dysgu a nodir ym maes llafur y modiwl.

Yn ogystal â darlithoedd traddodiadol, sy'n cael eu recordio, bydd dysgu hunangyfeiriedig, gweithdai, trafodaethau grŵp, ymarferion tîm, cyflwyniadau a arweinir gan ddysgwyr a chynnwys o'r radd flaenaf (darlithoedd anghydamserol a dosbarthiadau meistr), seminarau rhithwir sy'n rhoi cyd-destun i gymwysiadau diwydiannol, gweithdai wyneb yn wyneb a chyfleoedd rhwydweithio gyda rhanddeiliaid allanol.

Mae'r cwrs hwn yn cynnwys modiwlau a chaiff ei addysgu mewn ffordd gyfunol. Mae hyn yn golygu bod y rhan fwyaf o'r addysgu ar-lein (gyda gweithdy wyneb yn wyneb ar gyfer pob modiwl).

2 flynedd ran-amser

Yn addas i weithwyr proffesiynol sy'n gweithio amser llawn. Tua 7 awr o ymrwymiad yr wythnos Mae dysgu hunangyfeiriedig yn agwedd allweddol ar y rhaglen Dysgu cyfunol

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Cewch eich addysgu gan dîm o academyddion profiadol o gefndiroedd ymchwil, academaidd a diwydiant. Mae eu gwybodaeth a'u harbenigedd eang yn gysylltiedig â chynnwys y modiwl a addysgir i chi, gan sicrhau eich bod yn dysgu'r wybodaeth fwyaf perthnasol a chyfoes, wrth ddatblygu gwybodaeth a sgiliau hanfodol.

Gallwch ddysgu mwy am ein staff academaidd drwy edrych ar ein proffiliau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Ymholi ynghylch materion israddedig

Dylai myfyrwyr rhyngwladol gysylltu â'n Tîm Rhyngwladol