Rheoli Uwch (Systemau Cymhleth), MSc

Trawsnewidiwch eich sefydliad Rheoli systemau cymhleth yn effeithiol

main holding a tablet working on operations management

Trosolwg o'r Cwrs

Ydych chi am ysgogi newid mewn systemau cymhleth? Ydych chi'n barod i feistroli'r grefft o reoli cymhlethdodau?

Mae'r cwrs arloesol hwn wedi'i lunio i ddarparu'r wybodaeth a'r sgiliau sy’n angenrheidiol i reoli systemau cymhleth yn effeithiol mewn llawer o sectorau, gan gynnwys y meysydd canlynol ond heb fod yn gyfyngedig iddynt: TGCh, Peirianneg, Dyframaeth, Amddiffyniad, Seiberddiogelwch ac Iechyd a Gofal.

Mae’n cynnig cyfuniad unigryw o gysyniadau damcaniaethol a chymwysiadau ymarferol sy'n deillio o astudiaethau achos o’r byd go iawn yn y sector cyhoeddus a'r sector preifat. Mae'r rhaglen yn cyfuno damcaniaethau a modelau o systemau cymhleth, systemau cymdeithasol-dechnegol a damcaniaeth gymhlethdod.

Byddwch yn dysgu am egwyddorion rheoli asedau, rheoli gweithrediadau a damcaniaeth gymhlethdod a sut y gellir ei chymhwyso i sefyllfaoedd yn y byd go iawn.

Bydd y rhaglen hon yn eich galluogi chi i ddysgu am bwysigrwydd systemau cymdeithasol-dechnegol a sut maent yn hanfodol ar gyfer rheoli systemau cymhleth yn effeithiol.

Ar ôl i chi gwblhau'r cwrs, bydd gennych chi'r wybodaeth a'r sgiliau sy’n angenrheidiol i reoli systemau cymhleth yn effeithiol mewn sectorau amrywiol.

Byddwch yn gallu cymhwyso egwyddorion damcaniaeth gymhlethdod a systemau cymdeithasol-dechnegol i ddatrys problemau cymhleth a gwneud penderfyniadau effeithiol. Fel myfyriwr sydd wedi graddio ym maes Systemau Cymhleth, bydd galw mawr amdanoch chi ymysg sefydliadau yn y sector cyhoeddus a'r sector preifat oherwydd eich gallu i reoli systemau cymhleth a’u cymhwysedd ar draws sectorau gwahanol.

Pam Rheoli Uwch (Systemau Cymhleth) yn Abertawe?

  • Mae'r Ysgol Reolaeth wedi'i hachredu gan AACSB International, cymdeithas addysg fusnes fwyaf y byd, sy'n cysylltu ysgolion busnes, busnesau a dysgwyr, i greu'r genhedlaeth nesaf o arweinwyr gwych.
  • Gallwch chi ysgogi newid mewn systemau cymhleth. 
  • Bydd gennych fynediad at academyddion o safon fyd-eang sydd â phrofiad helaeth o weithio mewn sectorau gwahanol, gan roi mewnwelediadau ymarferol i reoli systemau cymhleth. Bydd myfyrwyr yn dysgu sut i gymhwyso cysyniadau damcaniaethol i fynd i'r afael â heriau o'r byd go iawn. 
  • Mae'r addysgu arloesol yn cyfuno damcaniaeth ag ymarfer drwy ddadansoddi achosion, arsylwi ar gyfranogwyr, chwarae rôl a dosbarthiadau Meistr a gyflwynir gan arbenigwyr yn y maes. 
  • Byddwch chi'n mynd i'r afael â phroblemau cyfoes sy'n gysylltiedig â thrawsnewid a gwella iechyd a gofal cymdeithasol. 
  • Byddwch yn archwilio’r dulliau a ddefnyddir i drin gwasanaethau cyfoes drwy archwilio nodweddion allweddol sefydliadau perfformiad uchel. 
  • Byddwch yn hyrwyddo arloesi ac yn dysgu am heriau ansicrwydd a tharfu. 
  • Byddwch yn meithrin gwybodaeth am reoli systemau cymhleth ac yn cymhwyso egwyddorion damcaniaeth gymhlethdod a systemau cymdeithasol-dechnegol; dyma sgiliau sy'n werthfawr ar draws llawer o ddiwydiannau. 
  • Mae’n darparu'r safbwynt a'r dulliau y mae eu hangen ar weithwyr proffesiynol ar gyfer trin gwasanaethau cyfoes drwy archwilio nodweddion allweddol sefydliadau perfformiad uchel.

EICH PROFIAD CWRS Systemau Cymhleth

Byddwch yn cael mewnwelediadau newydd a phrofiad trawsnewidiol drwy feistroli'r grefft o reoli systemau cymhleth ar draws diwydiannau amrywiol.

Byddwch yn datblygu dealltwriaeth ddofn o ddamcaniaeth gymhlethdod, systemau cymdeithasol-dechnegol a methodolegau cysylltiedig, gan eich galluogi chi i fynd i'r afael â heriau cymhleth mewn modd hyderus a manwl gywir. Drwy brofiad ymarferol ac astudiaethau achos o'r byd go iawn, byddwch yn meithrin y sgiliau a'r wybodaeth sy’n angenrheidiol i ddatrys problemau a gwneud penderfyniadau’n hynod effeithiol mewn byd cydgysylltiedig sy'n datblygu'n gyson.

Ar ôl i fyfyrwyr gwblhau'r rhaglen hon, bydd ganddynt yr arbenigedd a'r sgiliau y mae eu hangen arnynt i ymdopi â chymhlethdod, ysgogi arloesi a gwneud newidiadau effeithiol i wasanaethau.

CYFLEOEDD CYFLOGAETH

Wrth gwblhau'r rhaglen MSc hon, byddwch yn meithrin sgiliau a gwybodaeth uwch am ddulliau rheoli mewn sefydliadau sy'n gweithredu mewn amgylcheddau cymhleth y mae arnynt angen creu canlyniadau dibynadwy iawn. Bydd hyn yn arwain at wneud penderfyniadau a datrys problemau'n well, a galluoedd arweinyddiaeth, gan eich gwneud yn gaffaeliad gwerthfawr i'ch sefydliad. Yn ogystal, gall ffocws y rhaglen ar ddibynadwyedd mewn diwydiannau cymhleth eich helpu i gyfrannu at ganlyniadau o ansawdd uwch, gan gynyddu eich gwerth fel gweithwyr ymhellach.

Modiwlau

Byddwch yn astudio amrywiaeth o fodiwlau cyn i chi ymgymryd â phrosiect annibynnol yn eich semester olaf.

Mae'r rhaglen yn seiliedig ar y rhyngweithiad rhwng damcaniaeth ac ymarfer a bydd yn darparu trosolwg i chi o egwyddorion damcaniaeth gymhlethdod a systemau cymdeithasol-dechnegol er mwyn i chi allu datrys problemau cymhleth a gwneud penderfyniadau effeithiol.

Fel arfer, mae'r modiwlau'n cynnwys: Archwilio Pwrpas Sefydliadol, Ymdrin ag Arloesi a Newid, Rheoli Asedau, Rheoli Gweithrediadau, Systemau Cymhleth: Pobl a Systemau ac Ymchwil ar Waith.